طبخات الفطاير .....

[بساطه]

السلام عليكم
بصراحه انا ولا مرة بحياتى سويت فطاير ولا اعرف اطبخ وودى اتعلم اسوى فطاير وابى حبايبى بعد عمرى كويتيات تساعدونى
1- شنو نوع العجينة اللى اسوى فيها الفطاير يعنى اسويها من البر الاسمر ؟
2- جم مدة العجن وشنو احط فيها عشان تنتفخ وشكثر كمية الملح ترى والله ماعرف ولا شى ؟
3- شنو احشيها احلى شى ؟
4- شكثر درجة حرارة الفرن وشكثر اخليها داخله ؟واشغل تحت بس ولا تحت وفوق؟

 

[روعهq8]

احلا عجينة عجينة العشر دقايق ابحثي بقوقل عنها

 

[جارة القمر]

تفضلي طلبك::

http://www.q8yat.com/t900440.html

عجينة العشر دقايق ( عجينة الكنز )

المقادير:

- المجموعة الأولى : فنجان قهوة سكر
2 ملعقة كبيرة خميره فوريه
2 كاس ماء دافي
ذرة ملح
2 كاس دقيق

- المجموعة الثانية :
نصف كاس زيت
3 كاسات دقيق


الطريقة:

- تخلط المقادير المجموعة الأولى مع بعض و تترك لمدة 10 دقائق .
- بعد العشر دقائق يضاف لها مقادير المجموعة الثانية و تعجن جيدا و تستخدم على طول .
- مثل ما شفنا العجينه تنقسم لقسمين و تتخمر عشر دقايق في القسم الاول و تضاف عليها باقي المكونات , يعني مجموع الطحين في العجينه هو خمس كاسات .
- الكميه ممكن تكون كبيره , لكن ممكن تشكلي فيها و تنوعي يعني تقسمي العجينه للفطاير أو البيتزا أو خليه النحل .

 

[MiSS B.K]

شكرا عالافاده

 

[ام الدرر]

السلام عليكم
بصراحه انا ولا مرة بحياتى سويت فطاير ولا اعرف اطبخ وودى اتعلم اسوى فطاير وابى حبايبى بعد عمرى كويتيات تساعدونى
هلا حبيبتي المنتدى والقسم لمساعدة الكل
1- شنو نوع العجينة اللى اسوى فيها الفطاير يعنى اسويها من البر الاسمر ؟
الفطاير افضل طحين الابيض وخاصه طحين المطاحن

2- جم مدة العجن وشنو احط فيها عشان تنتفخ وشكثر كمية الملح ترى والله ماعرف ولا شى ؟
العجن حسب باليد او العجانه
والافضل العجانه طبعا
وتستعمل الخميرة والبعض يضيف الباكنغ باودر مع الخميرة
والملح حسب المقدار
3- شنو احشيها احلى شى ؟
حسب اللي تفضلين
الاجبان بجميع انواعها
ابيض مالح وحلوم وكرافت
زعتروزيت
لحوم مرتديللا -دجاج مسحب
نقانق
وللبيتزا مقادير ثانيه
4- شكثر درجة حرارة الفرن وشكثر اخليها داخله ؟واشغل تحت بس ولا تحت وفوق؟
اولا يسخن الفرن مسبقا
ثانيا بعد ان تخمر العجينه تفرد وتحشى وتغطى لترتاح حسب حرارة المطبخ من 10 -20 دقيقة
توضع بالفرن بعد ان توطى النار
اذا فطاير حجم صغير بالكثير ربع ساعة الفرن من تحت ثم اشعلي النار من فوق تتحمر
هذي نصايح عامة للحصول على فطاير هشة ولذيذة

هذي اجابة على استفساراتج ​

 

[ام الدرر]

هذي مقادير
واسوي منها فطاير وخليه النحل والسينابون
بالعجانه
2 حليب سائل ربع ليتر
2 بيضه
نص كوب زيت نباتي
4 ملاعق كبيرة سكر
1ملعقة وسط ملح
1 ملعقة كبيره خميره (مذوبه بربع كوب ماي دافي)
1ملعقة وسط بيكنغ باودر
كيس كامل طحين المطاحن(6 اكواب تقريبا)
توضع المقادير بالترتيب مع تشغيل العجانه
واذا باليد تخلط السوائل ثم يضاف الطحين بالتدريج مع الاستمرار بالعجن
حتى تحصلين على عجينه متماسكة
ضعي العجينه بوعاء كبير بغطاء محكم امسحي الوجة بشويه زيت عشان مايلزق بالغطا لما ترتفع العجيبنه
وخليها بمكان دافي من نص ساعة الى ساعة
انا برمضان اسويها العصر واخليها بالبلكون نص ساعة ولاهي جاهزة
ارجعي اعجنيها واتبعي التعليمات فوق
وان شاءالله بتضبط معاج
واي سؤال حبوبة لاتتردين المشرفات والبنات مايقصرون​

 

[بساطه]

روعه مشكورة والله ما قصرتى حياتى


جارة القمر سجلت المقادير عندى وراح اجربها انشالله اشكرج حياتى :eh_s(17):

 

[بساطه]

miss . b .k هلا فيج وحياج الله مشكورة للرفع



ام الدرر اشكرج جدااااااااااااااااااااا والله كفيتى ووفيتى بعد عمرى وانا كتبت نصايحج وراح اطبقها انشالله واذا توهقت برجعلج هههههه بس مو تتعقدين منى

اما طريقتج الثانية ما راح اطبقها ليما اتقن الاولى انشالله عليمية ياربى استغفرالله

 

[CUTIE-THUG]

ماقصرو البنات

 

[بساطه]

cute thue
وانتى بعد ما قصرتى

 

[جارة القمر]

اي عجينة فيه حليب أو لبن أو روب


تطلع رووووووووووووووووعه



وبالعافييييييييييييييييييية

 

[ام الدرر]

miss . B .k هلا فيج وحياج الله مشكورة للرفع



ام الدرر اشكرج جدااااااااااااااااااااا والله كفيتى ووفيتى بعد عمرى وانا كتبت نصايحج وراح اطبقها انشالله واذا توهقت برجعلج هههههه بس مو تتعقدين منى

اما طريقتج الثانية ما راح اطبقها ليما اتقن الاولى انشالله عليمية ياربى استغفرالله

العفو حبيبتي ماسويت شي
واي سؤال باي شي لا تتردين
وان حبيتي عالخاص اخاف ما ارجع للموضوع او يتسكر​