طالعه من النفاس قريب، و ودي بعطر يعور القلب، شرايكم؟

[عروسة داجه]

السلام عليكم بنااااااااااااااات :eh_s(9):
شلونكم
انا قاعدة اجهز نفي لما بعد النفاس
و ودي اكون مميزة بلوك جديد
و خلصت من العطورات العربية و البخور
بس ودي بعطرين فرنسيين يكونون على مستوى
محتارة مادري شنو اخذ، و بنفس الوقت ما ودي اقعد اجرب و افرفر
لو انتو بدالي شنو بتشترون؟ شتنصحوني فيه
أهم شي تكون عطورات جديدة حيل

شرايكم بعطر سان لوران الجديد؟

 

[ماعرفتك زين!!]

هلا اختي اي عطر ايف سان لوران دوبيوم اللي لونه جويتي جذي وكتابته حمرا رووووعه شوي عليه ومع البخور يطلع خيال والله عندي وقاعده استخدمه بس اذا انتي ماتحبين العطورات الصلبه عندج ريتشي ريتشي من نينا ريتشي وعطر بيوتي من سي كي وعطر فلورا من قوتشي اعتقد وعطر سكادا اللي لونه صدفي على شفاف جذي روووعه بعد وحق زوجج قصدي بالليل عندج طقم غزال من نعومي مووووطبيعي راح ياكلج زوجج >>سوري بس هذا الصج واي شي تبين تسالين فيه انا حاضره بس دزيلي عالخاص وانا ارد عليج هني
لاتنسيني من دعواتج
حياج الله

 

[qataria999]

العطور العربيه جربي عطر الجزيرة توه نازل اسمه 999 يدوووووخ
الفرنسيه عندج فيندي وايد حلووو وفرساجي اليديد وسان لوران عطوراتهم حلووه

 

[عروسة داجه]

ماعترفتك زين صراحة خوش مجموعة ، سجلتها عندي و بشوفها والله ما قصرتي

قطرية، عطر 999 وين احصله؟ اشوف اعلاناته بس مادري وين، ماتدرين جم سعره؟

 

[ميس هارودز]

عطر كاشمير اللي غطاه ذهبي عذااااااااااااااااااااااب

 

[ღ αl jfo0ol ღ]

عطــر إيلي صعب .. خذيته من الافنيووز

حييييييل راقي الصراحه حتاا لا برد روووعه

 

[AFRoDiT]

برايي مافي أرقى من عطورات شانيل .. كوكو مادموازيل , و نمبر5

لو انا مكانج اخذ عطر بارد و عطر قوي

بارد حق الصبح و بعد الشور .. وقوي حق الليل والسهرات

بالنسبه للعطورات البارده , أحب دايسي من مارك جيكوب
و جاردينيا من فان كليف .. غرشته خضرا فاتحه

وعطر المغنيه ريهانا هم حلوو

 

[MiSS B.K]

اخذي شنل يهبل او موسجينو هم وااايد حلو

 

[لورا 22]

ميكاليييف يجنن وميشيل تلقينه بدبنهامز وبرايفت من استي لودر هذووولا المميزيين صج

 

[krkooora]

و ازيد على البنت اللي قالت عطر الجزرة 999 هم نازل معاه عطر 555 هم يهبل

و الفرنسي
جربي عطور غيرلان حلوة و مميزة و عطور لانكوم ريحتها راقيه

 

[bent.gaga]

احلى عطر لانكوم الوردي

 

[q8ya sh8ra]

عطر مكاليف عجييب

 

[om reem 86]

عطر ايلي صعب مو صجججج عجييييييب حده

 

[لحظهـ شقـاوهـ]

جررربي شاانس من شااانيلل حده عجيب اخذي الطقم كامل يجي مع العطر لوشن يعطي ملمس مخملي مع لمعه حدددده عجيب
ويجي معاااه كررريم بطعم لامااكن الاحم احم>>> طبعاا ماادري بتلقين هالطقم والا خالص

 

[نمــارق]

غيرلاااااااان وووبس

 

[ام حمادنه]

مادري شنو نوعج تحبين الثقيل ولا الخفيف

بس عطر برايفت كولكشن رهيييييييييييييييييييييييييييييب ووايت لنن يجنن

انا من عاشقين عطورررر استي لودر

 

[واثقة بجمالها]

ريهانا , هيت مال بيونسيه ، سي اتش اليديد بعد حلووو هذي العطووارت اللي اخيره اللي لفتت نظري

من القدم ايديال جيرلان ، بيلا سان لوران مع البخووور خيااااال

 

[Tom ♥ Jerry]

,


شانيل ايننن
و جفنشي اليديد رووعه ،

 

[غلا التركي]

بصرااااااااااااحة انا شميت عطر رووعة الا هوووووووووو ليدي مليووووووووووووووووون
بجد حلوو بس للامانة ماشريتة بس انشالله قريب بشترية
وعطرر شانيل رووعة وباردوعطرات واجد شميتها بصراحة رووعة شوي عليها
وبوسس حلوووووووووو

 

[سالم الروح]

لاتغلطين وتاخذين ايلي صعب

ماقصروا