طالبة و حامل!

[laymona]

السلام عليكم
شلونكم ؟؟

اختصر موضوعي بجم استفسار و ان شاء الله حلولها بيدكم ..

انا باذن الله يبدي كورسي بعد جم يوم و مسجله 4 مواد

و ليلحيني في الشهر الاول بحمالي

شتنصحوني فيه ؟ عادي اداوم و امارس حياتي طبيعيه ولا اسحب الكورس ؟!

مع العلم بنيتي ضعيفه و تقريبا ضغطي مو مستقر , ينزل باي لحظه

يعني ساعات ما احس نفسي تعبانه بس اسوي فحص ضغط يطلع نازل !!

شتنصحوني اسحب ماده غثيثه و اظل عال3 مواد ولا اسحب الكورس بكبره ؟

اتمنى وحده ماره عليها نفس حالتي و الي عندها خبره لا تبخل ويعطيكم الف عافيه

 

[بنوتة كول]

إذا انتي شائفة نفسج تقدرين تداومين داومي حرام يروح كورس و انتي بأول حملج
يعني الشهر الأول ما في مشكلة مو مثل الشهور الأخيرة
فكري و استخيري و الله يكتب لج إلي فيه الخير

 

[laymona]

صح كلامج وانا ناطره ذوات التجربه يطرحون اهني مواقفهم لان اعرف ناس وايدالله يبعد الشر البيبي طاح من الشغل و الدوام

وانا اقل حركه احس جني مسويه جهد

 

[هيللو كيتي]

لا حبيبتي علي حسب قدرتج انا كنت نفسج وجاهدت وداومت بس كنت بشهوري الاخيرة وماقدرت اكمل وكننت ماخذة ٣ مواد بس وبالخير لا انا اللي امتحنت ولا انا اللي وقفت قبدي وانحسب لي رسوب وانذارات وللحيني اعابل فيهم حمدالله وشكر

انتي ادري بنفسج حبيبتي اذا تقدرين داومي واذا لا تتعبين وقفي هالكورس وقفي بعدين بس شدي علي نفسج مع البيي والزواج تصير الدراسه صعبه وتعب

والله يهون علينا ويعيتا

 

[&شواقة الكويت&]

السلام عليكم ..
حبيبتي انا كنت حامل بس الحمدالله مافيني ضغط ..
داومت كورس ثاني وصيفي وكورس اول ولدت وما وقفت قيدي بس خذيت اجازة وضع اسبوعين وكملت دراسيتي ...
انصحج هالكورس ماتسحبينه حرام تضيعينه اول الاشهر مافي تعب اذا داريتي روحج ..
وقفي قيدج بحزة ولادتج احسن لانه اخر الاشهر الضغط يكون حيل مو متوازن ...
وصيفي لاتاخذين دامج تعبانه وراح يكون رمضان تعب عليج ...
الله يقومج بالسلامه...

 

[Nor3eni]

شوفي عن نفسج اذا تقدرين... اهم شي الصحه الدراسه لاحقه عليها ..

 

[فرفورهـ]

الله يعين

 

[مناره الجون]

الله يوقفج وسهل أمرج ..
أنا كنت نفسج حملت نهاية الكورس الأول كانت فترة امتحانات صج تعبت بالغصب أدرس بس الحمدلله عدت ع خير ونجحت و كنت ماخذه 4 مواد .. والكورس الثاني خذيت 5 مواد وسهالات عدا ع خير بعد و خذيت صيفي 3 مواد والحمدلله ماتعبت إلا بالأشهر الأخيره نهاية الصيفي و ولدت بداية هالكورس قبل الدوام باسبوعين تقريبا و الحمدلله كلمت الدكاترة وعطوني أول اسبوع ما أداوم وبعضهم اسبوعين عطوني .. هذي تجريتي .. ونصيحة استخيري أحسن لج .. وموفقه ان شاء الله ..

 

[laymona]

مو هذا الي قعد احاتيه اذا وقفت قيدي ولا سحبت الكورس الحين حاسه هم بفتره الولاده راح احتاج اجازه شهور !!

المشكله انا ضاغطين علي اسحب الكورس الحين و ودي اضغط على نفسي فما ادري

 

[عــزآهـ]

انا رايي حرام تسحبينه واذا تشوفين الماده الرابعه غثيثه اسحبيها
ولا انج تسحبين الكورس كله
والدوام مافيه تعب محاضره تحضرينها وتطلعين
واحس بتلوع جبدج من قعدة البيت مهما كان الدوام حياة
هذا رايي و الله يكتب لج الخيره وتختارين الاحسن لج

 

[أحلى البشر]

حاولي تخلين موادج العصر او المغرب يكون الجو ابرد واهتمي بتغذيتج وحطي ملح دوم بجنطتج عشان لو نزل لاسمح الله
لو حسيتي نفسج تعبانه شيلي ماده والله عينج

 

[Miss.6Mo7]

لآ تسحبينه وسوآلف السحب وغيرهـ أجليهآ حق الأشهر الاخيره من حمآلج , وآلله يعينج إن شآءالله

 

[laymona]

الله يعطيكم العافيه يا خواتي العزيزات ما قصرتو و ان شاء الله الماده الي غاثتني بسحبها و اداوم كورس مخفف

دعواتكم

 

[درة أهل الطولات]

اذا تقدرين داومي واذا خايفة لا تجازفين وقفي قيدج

 

[لحظآتَ]

ياعمري عمرج احسج حيييييييل خايفه وقاعده تحاتين
ماعليه تحملي حرام يضيع كورس كامل من عامج الدراسي
خوفج تمر شهورج الاولى واسم الله عليج ماتحسين بتعب وتتحسفين وتقولين ليتني داومت
على قولتج خلج بكورس مُخفف ترى 9 وحدات تسوي شغل يعني لا تستهينين فيهم
والله يسهل عليج ويوفقج يارب

 

[Dam3t Daloo3a]

اذا تقدرين لا توقفين قيدج حراام يضيع عليج كورس
انا كنت حامل الكورس الي طاف وكنت علوم بحول تربيه يعني لازم ايب معدل
والحمدالله سويتلي جدول خفيف وما ضغطت على روحي
خليت دوامي بس احد وثلاثه وخميس
وحددددده كان رااحه وحلو الجدول اهم شي اخذي عند دكاتره زينين
والحمدالله كل قريداتي كانت زيينه وحولت تربيه

 

[princess89]

حبيبتي انا مثلج الكوس للي طاف كنت باول الحمل الضغط عندي مومتوازن واحس بالتعب ومرات احس مخنوقة ابي هواا وموادي فيهاا كرف المحاضرة بس الحمد الله الدكاتره للي كنت ماخذا عندهم زينيين والله بالاسبوع بس اداوم يومين ولا ثلاثة اياام ..
اخذي عند دكاتره زينيييييييييييين ومواد حلو وخفيفه ..,

 

["GloRia"]

انا كنت حامل بالشهر الثاني وماااخذه 6 مواااد وكانت النساه لاعبه فيني بس انا مكلمه الدكاتره وقايلتلهم باي لحظه بطلع من المحاااظره وماقرو كتفهمين الوضع

بس شنو كنت اسوي احط بجنطتي كاكاو وكلوب ساندوش مال امريكانا وعصير وحلاوو وحبوب الوعه

كان دوامي من 8 الي الساعه 3 واوصل البيت 4

بس ربج سهل امووري وعده الكورس ع خييير

بس انا اقولج اذا تقدرين تتحملين حرام تسحبين واذا ماتقدرين الزم ماعليج نفسج

 

[خلطات المذهله]

لاتسحبينه ماعليج لاتحاتين كلنا داومنا وحنا حمل وشتغلنا ونكرفنا بعد
لاتضيعين كورس قلبي الا اذااااااااااااااااا تعبانه تماما حرام يضيع عليج

 

["GloRia"]

وهالكورس بعد حااااااااامل الله يعين