طالبة و حامل!

[laymona]

السلام عليكم

شلونكم ؟؟

اختصر موضوعي بجم استفسار و ان شاء الله حلولها بيدكم ..

انا باذن الله يبدي كورسي بعد جم يوم و مسجله 4 مواد

و ليلحيني في الشهر الاول بحمالي

شتنصحوني فيه ؟ عادي اداوم و امارس حياتي طبيعيه ولا اسحب الكورس ؟!

مع العلم بنيتي ضعيفه و تقريبا ضغطي مو مستقر , ينزل باي لحظه

يعني ساعات ما احس نفسي تعبانه بس اسوي فحص ضغط يطلع نازل !!

شتنصحوني اسحب ماده غثيثه و اظل عال3 مواد ولا اسحب الكورس بكبره ؟

اتمنى وحده ماره عليها نفس حالتي و الي عندها خبره لا تبخل ويعطيكم الف عافيه

 

[متحدونيه]

انا طالبة بعد

انصحج داومي و افتكي ترا هالكورس بيمر بسرعه و اذا صار عندج غياب روحي اي مستشفى يعطونج تقرير طبي انج حامل و تعبانة و عطيه الدكاترة و راح يقدرونج

الله يوفقج

 

[laymona]

حبيبتي يعطيج العافيه بس انتي داومت باول اشهر حمالج ؟

 

[متحدونيه]

اي انا بدش الرابع و إحنا نظام سنة مو كورسات يعني لو بوقف قيدي اوقف سنة مو كورس

بس عندي تقرير طبي و بعطيه للدكاترة باجر عن غيابي اللي كان بالكورس الاول

 

[laymona]

اها الله يتمم عليج يارب و يعطيج الصحه والعافيه

ما تقصرين

 

[بتيخه]

مبرووك على الحمال اقترح عليج دااومي اذا تعبتي لا يبا وقفي قيدج مايسير تجازفين بالبيبي وصحتج هذيلا اهم والدراسه انشالله لاحقه عليها والله يسهل عليج

 

[ام الحلوااات]

مــــارســــــي حـــيـــاااتــــج بــشـــكـــل طــبــيـــعــــي اذا مـــا عـــنـــدج اي مـــضــــاعـــفـــاات للـــحــمــــل او اجـــهــــاااض ســـــابــــق او انــــذااار بــــاجـــهـــــاض بـــــعــــيــــد الــــشــــر عــــنـــج عـــســــى اللــــه يـــثـــبـــتـــه ويــتـــمـــم حـــمـــلــج

 

[بنت المها]

انا طالبه وكنت اداوم بالعكس افتكي وخلصي دام ماعندج ياهل
واغلب الدكاتره لي دروا انج حامل بيراعونج ومايدققون على الغيابات
متى ماحسيتي انج تعبانه تقدرين تغيبين وقولي لهم

 

[tbola]

احسن لج داومي هل سبوعين وشوفي روحج اذا تقدرين تكملين كملي

 

[● عـِـِـِزۈة آخ‘ـَـۈاْنـهـآ «-~]

لاوالله دااااااومي وافتكي
وهالكورس كله علا بعضه شهرررين

انا كنت مثلج وكان ينزل وياي دم وتعبانه
بس محد نصحني اسحب
واخذت ٤ مواد باليوم مادتين
وجدولي خفيييف ومريح
والحمدلله الحمدلله عدا الكورس على خير
بفضل الله

 

[غنج بدويـه]

مبروووووك الله يتمم عليج

رايي داومي وجربي واذا قدرتي كان بها واذا لا .. صحتج والبيبي اهم اكيد وعذرج معاج

 

[أشبـاهـ المطـر]

ما عليج شر ان شاء الله انا بجري
كنت طالبه ولدتها وانا لالحين طالبه
اهم شي ضبطي جدولج تطلعين مبجر وترتاحين​

 

[@ام يوسف@]

انتي ادرى منا بطاقتج وتحملج والله يوفقج

 

[الأميرة جوري]

استشيري دكتورتج ...انا نفسج قبل بس كملت ولدت عاااادي مر الكورس بسلام...افضل تخلصين لاتتراكم عليج

 

[Toggi]

انا اقوول اربع مواد شويه لو تاخذين اكثر يعني خمس اوست مواد احسنلج تفتكين دام انج ماولدتي يعني ماعندج مسووولية جاهل ولاسهر والايمرض وتجابلينه بتتعبين اكثر وبعدين ليش توقفين قيدج اذا ماعندج اجهاضات سابقه خلصي افتكي

 

[ضحاوي الديره]

انا بعد طالبه
انا اقول دام انج بالرابع كممممملي ولاتفكرين توقفين قيدج ابدا
وبالعكس اخذي خمس او ست مواد
احسن تفتكين دام ماعندج شي يلهيج
احسن ماتتراكم فوق راسج المواد وانتي عندج بيبي

 

[أأأميرة الورد]

داومي احسن لج دامج بالشهور الوسطى
ان شالله مافيه ضرر

 

[laymona]

ضحاوي الديره & مناي

لووووووول ولكم شككتوني رديت قريت موضوعي قلت شهببت

انا في الاول ليلحين الله يتتم علي و اوصل الرابع و التاسع دعواتكم لي

والله يسهل علي الكورس يارب راح اخذه مخفف


مشكورين خواتي

 

[H&M love]

حبيبتي تبين نصيحتي داومي
و اذا عالغيابات يا زين المرضيات و بدايه الكورس كلمي الدكاترة انج حامل راح يراعونج
انا جذي سويت
حملت بالصيفي و نساتي بلشت بالفاينل
فايل دشيته مودارسة و نمت بالامتحان و تكرمين قمت ارجع
يوم شافني الدكتور اخترع و عطاني من c لي a-

و الكورس اللي فات كنت بالثالث
كلمتهم و عادي يمكن غياباتي كانو ٣ اسابيع
المفروض fa
انتي كلميهم و اذا ماراعوج اخر الكورس سحبيه و عندج تقرير

ادري هذرت وايد بس نصيحتي اخذي مواد خلصي
بعدين يبي ايي النونو و ابين تجابلينه

و انا اسبوع الياي ادش شهري و هم بداوم و ماخذة ٤ مواد ��

و الله يسهل علينا يارب
و يثبت حملج