طالبات كلية التربيه الاساسيــه

[caramil]

السلام عليكم..
( طالبات كلية التربيه الاساسية )

بنات منو فيكم كانت ماخذه عند حامد الحميدي وطارق المسعود..مقررات مهنيه من قبل
بليز ابي بشكل عام شرايكم فيهم.. طريقة الاختبار .. الماده العلميه سواء كانت كتاب او مذكره
حسب اللي تتذكرونه .... وشلونهم بالدرجات هذا اهم شي..

بإنتظاركم ادري اللي تعرفهم ماراح تقصر معاي

 

[мίѕѕ 5оОо5α]

مآدري مآاعرفهم بس آبـ لعيوووونج :$

 

[MiSs_CRaZya]

كلام البنات عن

حامد الحميدي​

انا اعرفة وكنت ناخذه نفس المادة
اسلوووبة حلوو ومحترم وشرحة بعد واضح
بس احتباراتة موضووعية يعني بس صح وخطأ
وشوي مو مباااشرة
والله يوفقج
​

اهلين امال
انا الصرااحه مومجربته رفيجتي مااخذع عنده وااااااااااايد تمدحه واااايد واهو درجااته عاليه

مره كنت راايحه بشوفف درجه رفيجتي الشعبه كلهم aوbوكنت اسمع البنات يشكروونه واايد وسالتهم عنه امدحووه والله


هااذا كلامهم وبعدين دام قريدااته حلوه تكلي ع الله وخلج

موفقه ان شالله ......​

لااااا بالعكس قريداته متنووووعة
انتي ومجهوودج واعتقد ان لازم نسوي بحث
اهو متساااهل مع البنااات خووش دكتوور
​

حبييييبتي داامج عند الحميدي تطمني يوم كنت اخذ درجتي اهوااا يم دكتوور اللي كاان معطيني اسااس اخذ درجه رفييجتي مشاااء الله كلهم aوb وانتي درسي اول باول وانشاء الله فالج a وع فكرره كل دكااتره المناااهج يساااعدون انا اخذت a وبالله توقعتها b
والحمدلله استقلييها امووووول داام اهيااا صييفي وفالج التفوق
​

طارق المسعود​

هذا اول تعليق لي ويستحق طارق التعليق بالفعل دكتور محترم وحبوووب ومتفاهم وخذيت عنده A



دكتوور محترم .. راقي بالتعامل مع البنات .. متفهم
سهل تييبون عنده درجات كلها اعمال بالفصل ومتحان واحد الفاينل ما يطلع برا الي قاله وحدده معانا
الله يعطيييييه الف عافيه ووفقه بميزان حسناته يارب



دكتور راقي بتعامله ومثقف يضيف معلومات تفيدنا في حياتنا
يعني مو مثل بعض الدكاتره يشرح ولا يدري شنو يقول .
دكتور يناقش بطريقه راقي ويحترم كافة العقول والاراء .
اهم شي عنده البرزنتيشن ،،
وماعنده امتحان غير الفاينل ..
ونصيحة للي يبي يدرس للفاينل يلخص الفصول الي معاه بالامتحان عشان لا يتشتت لان الكتاب فيه معلومات وايد.
واللي يقول هذا معانا يعني راح يحطه لكم بالامتحان ولا تغفلون عن اي معلومه.
الحضور عليه علامات والغياب عليه 3 علامات
يعني حرام تطيرونها..
محاضراته جدا جدا ممتعه الله يعطيه العافيه يارب..




السلام عليكم ..


واااااااااااي دكتور ولا اروع شقول وشخلي ...

محترم ... مؤدب ,, خلوووق ,, ورااااااااااقي بالتعامل لابعد درجات الحدود ,,, يحترم ذات الطالب ما يجرح البنات او يفشلهم يحاول يتفادى اسئلتهم اذا كانت سخيفه وبعدين دايم عنده ان اللي نسويه انجاز فظيع وشي مهم يمدحج جدام الكل واول واحد يصفق لج اذا خلصتي اي شي انتي شرحتيه يحسسج انج مجتهده بالماده حتى لو انتي ما اجتهدتي فيها ,,, بس حقاني وجدي ودايم يرفع بالدرجات
ويعاملنا مثل بناته او خواته يعني راااااقي ومحترم وما تحتارين بالتعامل معاه ,,, واي شي تبينه يساعدج بكل شي ..
والله العظيم اول محاظره طلعنا منها كلنا نسأل بعض شنو يعطي غير هالماده ,,, لان صج محاظرته حلوه وما ودج تخلص ,,,
امتحانه بس فاينل طبعا يحدد لج المطلوب من الكتاب
مقالي وموضوعي يعني اللي دارسه كل اللي خططه تاخذ اي وهي مغمضه اما اللي تدرس شي وتطوف شي .. مشكلتها
طبعا اصعب شي بالامتحان ان تحفظين جدول الاذاعات بالكامل مع الترددات
اما الشرح احنا شرحنا بالبرزنتيشن الكتاب كله
وهو شرح لنا اللي ما شرحنا او قصرنا فيه ..
ويعطيك الف عافيه يا اروع دكتور شفته بقسمنا ,, وخاصه انك محترم وهذا ما نفتقده للاسف ببعض دكاتره قسمنا >_<"
سواء في الاسلوب والتعامل او غيره ,,,




دكتوررررررررررررررررررررررررر
عجييييييييييييييييييييييييييب بصراحه يعني ما يظلم أحد كل شيئ بحسابه مو بعض الدكاتره لا تقولون حضري ولا شيعي ولا شيئ ماا يفرق ا....لأحترام و الألتزام عنده اهم شيئ و اهم شيئ عنده الغياب انا بصراحه ما غبت و خذيت عنده A
و ويا طالب واحد و الباجي اهم و درجاتهم يعني بي ولا سي ولا دي لان اهم يعرفون شنو مسوين
ولازم الدكتور يفرق الي اشتغل و جذي
و قصتي مع واحد اهو خذا سي بلس وانا A
اهو كان معاي بالبرزنتيشين كأسم اهو مو مسوي ولا شيئ ضميري انبنيي ما يصير انا اشتغل و اهو ياخذ نفس درجتي مو لعانه بس الحق حق ماحب اجذب لان اهو سوو حركه و قلت لازم اقول حق الدكتور و لما شفت درجه يايب سي بلس ارتحت لان 3 مرات غايب و المحاضره كل مره بالأسبوع يعني
يعني بصراحه دكتورررررررر قمه روعه بكل شيئ بشرحه و بكل شيئ حتى امتحانه سهل سهل
والله اعلم




والنعم بالدكتور طارق,شرحة ممتاز وبسيط وسلس,والماده حلوة,عن تاريخ الراديو, ومحطات راديو الكويت اف.ام.ومحطات العالم.الامتحان سهل للى دارس ومنتبه بالمحاضرة,عموما المحاضرة ماراح تحسين فيها لان الدكتور دائما يطرح امثله تسهل الموضوع ويحليها.وما انسى الكتاب ,الكتاب عجيب أنصحج انج تشترينه لان فيه معلومات مهمة تستخدمينها كمرجع لتقاريرج وابحاثج بالمستقبل,وهو من تاليف الدكتور بعنوان المسموعات.وبالتوفيق​

 

[caramil]

مشكوره حبيبتي مس خوخه

اما مس كريزيه كفيتي و وفيتي بعد قلبي..الحمدلله وعلى نياتكم ترزقون مع ان المواد اللي اخترتها ..فيها اكثر من 6 دكاتره واخترت
هالدكتورين نسبه لعدد المقاعد اللي متاحه كانت جداُ قليله ووتوقعت انهم زينين..

مشكوره ويزاج الله ألف خير ..

 

[اسيل الصمت]

للرررررررررررررررررررفع

مووووفقه

 

[(غموض)]

طارق المسعووود يجنن حيل محترم وحبوب واختباراته فضيييييييييييعه واختباراته سهل

وحامد الحميدي بعد يجنن وحبوب

اخذي وانتي مغممممضه عندهم

 

[MiSs_CRaZya]

مشكوره حبيبتي مس خوخه

اما مس كريزيه كفيتي و وفيتي بعد قلبي..الحمدلله وعلى نياتكم ترزقون مع ان المواد اللي اخترتها ..فيها اكثر من 6 دكاتره واخترت
هالدكتورين نسبه لعدد المقاعد اللي متاحه كانت جداُ قليله ووتوقعت انهم زينين..

مشكوره ويزاج الله ألف خير ..

العفو حبيبتي و سبحان الله صج كلامج صحيح والله :rerrerek:


موفقه حبوبة :eh_s(17):​