طاف موعدي

[جووان]

مرحبا كويتيات
انا بكر
وطاف موعدي
واليوم داشة العاشر
وموعدي عند دكتورتي اليوم
اخاف تقولي دخول وطلق صناعي
خايفه
شسوي

 

[_Pure_]

حاولي تكثرين مشي و اكل رطب وايد

و سالي الدكتوره شنو تنصحج

و ترا اختي ولدت بعد موعدها بالعاشر ب١١ يوم لا تحاتين بس الدكتور صبر عليها

خل دكتورتج تصبر عليج اذا كل امورج طبيعيه

الله يسهل عليج

 

[Tosta M7mSha]

حبيبتي الله يسهل عليج ان شاءالله راجعي دكتورتج اول واهي راح تحددلج الي يناسبج المهم تولدين بالسلامه لا تحاتين التساهيل من ربج بس روحي راجعي موعدج جذي او جذي راح تولدين سواء صناعي طبيعي مافرقت كلها ولاده والالم نفسه نفسه الله يقومج بالسلامه انتي وبيبيج

 

[أنفاسي دخون]

لا تحاتين يا قلبي دامش بكر الاغلبية يطوفون موعدهم اهم شي نفسيتش خليها ريلاااااااكس وعسى الله يهون عليش ويقومش بالسلامة

 

[أم لولووأخواتها]

راجعي والله يقومج بالسلامه

 

[اميره كويتيه]

حبيبتي انشالله متى ما الله اراد ابتولدين ماكو شي اسمه دشيت العاشر يمكن مو حاسبين عدل لانه بالقران مذكور الحمل تسع اشهور مايزيد وانتي اتقولين عشر الله اذا اراد انشالله يسهل عليج وتولدين بالسلامه ياااااااااارب

 

[يا عيون سمي]

روحي تمشي عادي بنت خالتي خلص الشهر 9 وهي ما حملت لاوبعد اقعدت اسبوع ازياده لا تحاتين وعسى اللله يسهل عليج

 

[خيشة شكر@]

رد : طاف موعدي

راجعي دكتورتج تساعدج حبيبتي الله يسهل عليج اقري سورة مريم وخواتيم البقرة والزلزله والله كريم انشاءالله

 

[miss-winter]

الله يسهل عليج يارب وتولدين ماعندي فكره والله بس الله يعينج

 

[Maltesers]

رد : طاف موعدي

عيل الحسبة مالت الموعد غلط .. روحي امشيلج كل يوم ساعه عالأقل وكثري دارسين و زعفران وزنجبيل ..

ودام برمضان أكيد عالفطور فيه تمريه ورطب كثري منهم وان شالله الله يسهل عليج ولادتج ويقومج بالسلامه انتي والبيبي

 

[ام غازي الصواغ]

عادي انا مثلج طايف موعدي وعطوني 5 ايام زيادة حد اقصى والله يسهل علينا يا رب

 

[ام الورد83]

الله يسهل عليج

 

[حرم يوسف بيك]

رد : طاف موعدي

انا ابجري خلصت شهري كله ودشيت العاشر ٥ ايام وياني طلق طبيعي

 

[fofowa_q8]

عادي حبيبتي يمكن حاسبين لج غلط او التلقيح صار متأخر روحي تطمني عالبيبي

وكثري مشي مثل ماقالو الخوات واكلي تمر او رطب