طااااااااااااااااااااح اغلاهم وقلبي تقطع

[عضـــــوه]

السللام عليكم

حبيباتي انا نايمه بالمستشفى ودق زوجي يقولي بكل هدووووووء

انه اصغر عيالي عمره سنه طااااااااااااااااااااااااااااااااااح من الدرج

وانه اهو سليم واشعته سليمه بسسسسسسسسسسسسسسسسس

اسنانه الي تحت ردوا دشوا قاله الدكتور يوم جابه لي قلبي تقطع

يوم شفت لثته الحمدلله. الحمدلله جت على جذي

بس باجر موعده بالاسنان التخصصي

عفيه طمنوني يالخبيرات

احس مو قادره اصبر كافي فراقهم ومحاتاتهم

لك الحمد يارب قدر الله وما شاء فعل

 

[كادي سويت]

يارب يرفع عنه ويخليه لج

 

[hneen2]

سلامته ومايشوف شر


انا اذكر واحد من عيالي صارله جذي طاح واسنانه شبه تشلعو بس موجودين

وحولوه قسم الجراحه بالاسنان وزرعوهم عن طريق ليزر

الحين ولدي اسم الله عليه عمره 13 وهالسالفه يوم كان عمره 6 سنين والف الحمدالله الحين اسنانه زينين تبارك الرحمن
لاتحاتين ان شالله ماعليه الا العافيه


الطب تطور حيل 

 

[*ماي الورد*]

الحمدلله على سلامته طلعيله صدقة

 

[اترجة]

لا تخافين قلبي أنا بنت خالي جذي دزها أخوها ودخلت أسنان الجدام واحد داخل وشقوا لثتها وطلعوا والحين الحمدلله سنونها ردت طبيعة ما فيها إلي العافية والحين هي تراجع عند التخصصي وعمرها 3 سنوات .

 

[عضـــــوه]

مشكورين

عساكم ماتشوفون الي شفته

ويطمن قلوبكم ويرزقكم مثل ماطمنتوا قلبي

 

[ضايعه بينهم]

الله يخليه لج يالغاليه والحمدالله على سلامته انتي لاتحاتين ياقلبي
مايشوف شر والله يحفظ لنا ماعطانا

 

[عضـــــوه]

سبحان ربج صج كلامج يهبل ------------> ضايعه بينهم

اي والله الله يحفظ ماعطانا وربي ستر عليه واحفظه من الشر شي اهون من اشياء واجد

عساكم ماتشوفون مكروه بعيالكم يارب

 

[دندونه@@@]

ما يشوف شر ان شاء الله البنات ما قصروا طمنوج بس حبيت اقولج استودعيهم الله وكل يوم ادعيلهم الله يحفظهم من كل شر والله خير الحافظين

الله يصبر قلبج ويعافيج ويردج لهم بالسلامه

 

[om MaRyooM]

الحمدلله اهم شي اهم شي اشعاته سليمة غير جذي لاتحاتين

بعد عمري مايشوف شر .. ولاتنسين تطلعين صدقة

 

[عضـــــوه]

اي والله الحمدلله مليون مره

ربي لطف وحفظه

دايم استودعهم وقلبي عندهم لو بادي طلعت على مسؤوووليتي بس لازم نضحي

الله كريم ويعدي هالايام بالخير ويسهلهم

واولد بالسلامه وارجع لهم يارب*

 

[كـ غلا ــلي]

انشالله ما فيه الا العافيه وما يشوف شر وربي يحفظه ويخليه لج

 

[عضـــــوه]

حبيبتي ----------------->كلي غلا
مشكوره وجزاج الله خير وعسى المكروه ما تشوفونه يارب

 

[عضـــــوه]

الحمدلله على قضاء ربي

قدر الله وماشاء فعل

بلغني زوجي انه ودى ولدي الموعد وطلع تشخيص الدكتور الاول غلط اسنانه مادشوا يقول طاحوا ثلاثتهم وما راح يطلعوه الا بالابتدائي والحمدلله على كل حال ولطف ربي بهالطفل وحفظه من اشياء اخطر من جذي

جزاكم الله الف خير هديتوني وريحتوا قلبي بكلامك ماقصرتوا ربي يحفظكم وعيالكم من الشر ياربي

 

[فتون777]

ان شاء الله مافيه الاالعافيه
خلي ابوه يطلع صدقه

 

[عضـــــوه]

اي والله يافتون صدقتي

ان شااااء الله وجزاج الله كل خير

 

[أم حمد =)]

ان شاله مافيه الا العافيه والله يحفظه

 

[عضـــــوه]

مشكوووره يا --------------> ام حمد

عساج ماتشوفون مكروه لافيج ولابعيالج حبيبتي

جزاج الله كل خير