ضغط الحمل صحيح يموت ولا شلون ؟

[أعشقه]

السلاام عليكم .
/
صباح الورد .
/
ابي اسئل الحامل .. شلون يرتفع عندها ضغط الحمل .؟
وش الاسباب الي تخلي ضغط الحمل يصير عندها..؟ وشلون تتخلص منه ..؟
وهو صحيح ان ضغط الحمل ياثر بقوه ع الحامل لدرجه انها ماتقدر تولد
او بعضهم يصيبهم شلل او تنفجر عندهم عروق في راسهم ولا كيف .؟
لان يارب ياكافي الشر .. وحده من جماعتنا بتولد وانفجر شريان في راسها ودخلت في حاله غيبوبه وهي تولد قالو لان مرتفع عندها ضغط الحمل وصار لها كذا ..
وانا من سمعت وانا خايفه الف ..
انتو سمعتو صحيح عن هالشي ان الي يصير فيها ضغط حمل ماتقدر تولد وينفجر عندها شريين .؟
او صحيح يقولون الي تخاااف او تتوتر من الولاده يصير لها كذا ؟
بنات عفيه قولو لي وادري والله ازعجتكم بس انا من الخوف مو متحمله واتخيل الولاده واموت خوف مو عارفه وش اسوي في نفسي .

 

[عضـــــوه]

ما ادري والله

اول مره اسمع هالكلام

الله يسهل عليج ويقومج بالسلامه

سبحان الله ليش تخافين وعندج ربج مافي ارحم ولا اكرم منه

ادعيييه وتوكلي عليه واحسني الظن فيه

وربج ارحم الراحمين

ان شاااااااء الله تبشرينا بولادتج وقومتج والبيبي بالسلامه

 

[بولندية]

ضروري تجيكين عالضغط كل مراجعة خصوصا اللي فيها ضغط او وراثة عندهم

سمعت عن وحدة مات الياهل ببطنها و اهي ما تدري ان ميت طلع بسبت الضغط مرتفع عندها و اهي ما تدري ان مرتفع

 

[سوسن1980]

شيكي على ضغطك كل شوي مع المتابعه ان شالله مايرتفع الضغط

 

[yasmeen_q8]

يمااا شنو هذا شدعوه الوحده تحس يعني لو مرتفع بتحس بصداع قوي

واذا نازل همن بتحس بدوخه

والحافظ الله اللي مكتوب عالجبين لازم تشوفه العين

 

[االفرس]

أأعوذ بالله ,,,,,, الله يهون ع الجميع وعلي ويكافينا الشر

 

[tbola]

سبحان الله كل شي جايز حبيبتي خلي ايمانج بالله قوي وان شاء الله تولدين بسلامه يارب

 

[noo7a]

انا صار فيني ضغط بالحمل
بدون سبب و مجرد ما ولدت رد طبيعي سبحان الله
ما كان له علاقه لا باكلي و لا نفسيتي

و كان يحوشني عوار راس قوي لي درجه ودي اطق راسي بالطوفه و اكسره اوف شي لا يطاق كان
و الدكتوره قالت لي اذا اجتمع الضغط مع الزلال يسببون تسمم بالحمل و هذا مو زين للحامل

 

[sweet fashion]

الله يستر
بس آلضغط تحسين فيه بعوآر بآلرآس
وآلهبوط هو دوخه
يعني آعرآض وآضحه
وآلحآفظ الله سبحآنه لآتخآفين ,لآتحآتين

 

[ام الحلوااات]

اللــــــه يـــحـــفــــــظـــــج ويـــقــــــومـــــج بـــاالــــســــــلامـــــــه
انــــتـــــي والـــبـــيــبــــي​

 

[حنان1983]

حبيبتى ضعط الحمل طبعا له تاثيرات سيئة على الام الحامل وعلى الجنين انا اصلا عندي ضغط دم مرتفع وراثي واخذلة بالايام العاديه ( كابتين ) دواء وفى حملى المرتين كانوا يغيرولى الدوا الى دوا ضغط يناسب الحمل والحمد لله مع اخذ الدواء بالانتظام يكون الضغط منتظم وكان لو على شوي رغم الدوا يحجزوني بالصباح ويكون لاني احب الملح باكلى يزيد الضغط وبسرعه ينزل لما اسمع كلام الدكاتره والحمد لله اول ما فينى شى
ولما الضغط يكون مرتفع وايد تحسينه مو صداع لا تحسين مثل الر قع على جوانب الراس او فى خلف الراس كانك تسمعين دقات قلب والله ما يخليك تشفين الامه ولا تشغيلين بالك حبيبتى والله يسرلك ولادتك آمي

 

[أم خديجة]

السلام عليكم
الله يسهل عليج وقومج بسلامه
حبيببتي انا اثناء حمالي يصير فليني ضغط حمل ويوصفولي حبوب ضغط للحوامل اسمه ادولمنت والحمدالله تتسهل الامور لكم ولاداتي الثنتين قيصريه لانه اخر شهر يرتفع ضغطي لاني كنت افكر بلولاده واحاتي لكن ربج رحوم وكريم خلي ثقتج كبيره بالله سبحانه ولاتخافين ودام معاج ضغط اولي قيصريه والله تنامين تقومين يمج الياهل ماتحسين بخوف ولاشي
والله يسهل علي وعليج انا اللحين حامل بطفلي الثالث والله يسهل
وهم حاولي ماتسمنين وايد عشان السمنه تسبب الغضط

وعليج بسورة مريم والسهاله من الله

 

[أعشقه]

الله يعطيكم العافيه ..
انا ماقالت لي الدكتوره ان فيني ضغط حمل
قالت لي ضغطك نازل وانا احس بثقل في راسي وكتمه بصدري وجسمي يالمني تعب وخمول
ونفسيتي منسده عن الاكل ..
انا سمعت يقولون ان في وحده توها متوفيه بسبب ان فيها ضغط الحمل وهي بتولد انفجر عندها شريان وتوفت
انا خفت .. وادري كل شي من الله .. بس انا من حملت وانا احس بضيق نفس وتعب وثقل في قلبي
عشان هيك كتبت هالموضوع

واسفه اذا ازعجتكم​