ضروي ضروري ضروري ضروري ضروري ضروري

[جنى ستايل]

بنات صارلي خمس شهور اعاني ابي احمل قبل شهر خذيت كلوميد وابره تفجيريه ما فاد قلت بريح شهر وألحين أبي أروح عند وحده تشوفلي صرفه وخذيت موعد عن دكتوره شرين اللي بعيادة ماجده اليتامى أشرايكم فيها نصحوني تكفون فديتكم

 

[أحلى^حياه]

شيرين ما تعطيج مجال تسولفين وتقولين بالضبط حالتج كله مستعيله ومالها خلق
وفوق هذا غصبببب تسئلينها و يمكن تهدج وتروح حق الغرفة الثانيه
مادري ما عجبتني كلش وعلاجها كلها كلوميد

والله يوفقج هذا رايي الخاص

 

[ريـمــاس]

حبيبتي نصيحه لاتاخذين كلوميد وابر قبل لاتعرفين العيب منج او من زوجج لاتغلطين غلطتي اول شي سوي فحوصات انتي وزوجج وشوفي شنو فيكم بالضبط منج ولا منه اذا طلع منج روحي عالجي واخذي الكلوميد والابر واذا من زوجج وانتي مافيج شي لاتاخذين شي لمن زوجج يعالج.انا اكثر من خمس شهوراعالج بهالابر والكلوميد وماحملت واخر شي قالي الدكتور خلي زوجج يسوي فحوصات واتضح ان فيه ضعف لازم يعالج يعني خمس شهور علاج عالفاضي لاتغلطين غلطتي.وبالنسبه عن الدكتوره شيرين ماعرفها ولارحت لهاماقدر اقولج زينه ولا لاء.
والله يوفقج حبيبتي ويكتبلج الي فيه الخير ويرزقج ويرزقنا بالذريه الصالحه انشالله قوووولي آمييييين

 

[om_7mood]

أهم شي نفسيتج لا تتأثر وايد
والمسأله يبيلها صبر و سوي فحوصات شاملة انتي وريلج
والله يرزقج

 

[أم عبووووود]

الله يرزقج يارب ويرزق كل محرومة

 

[WaChoCha]

مثل ما قالو خواتي قبلا لا تعابلين بنفسج خلي زوجج يسوي تحليل احسن اخاف ما فيج شي والمشكلة بزوجج

 

[دلوعة غلاتي]

عسى الله يرزقج يارب بالذريه الصالحة

 

[خشف بدو]

حبيبتي والله مااعرف شي عن دكتورة شرين ...لكن انصحج بدكتورة فوزيه القطاااان بصراحه حيل شاطره

 

[Amory]

انا بعد نفس راي خشف بدو انصحج ابفوزيه القطان اذا تبين دكتوره مره.

 

[DoOoOoha]

الله يكون بعونج حبيبتي انا نفس مشكلتج بالضبط

بس انا صارلي سبع شهور وانا على هالحال وابر تفجير وكلوميد

وعاد صارحت زوجي وقلت يعالج يمكن فيه شي لا سمح الله بس اهو طلع يفكر بس مايدري وين يرووح

وين بالضبط يعالج شنو العيادات اللي يراجع فيه ؟؟؟

 

[نكهةالبرتقال]

بنات ، ليش كله عبالكم العلاج بالكلوميد و الابر

ممكن تكون العلة غير

و نصيحة ن كملي سنة بعدين بلشي بالفحوصات و هذا كلام كل الدكاترة

 

[ذاتى شموخي]

نصيحة لا تلعبين بنفسج قبل ماتعرفين العيب من منو
أنا عن نفسي أكلت أكلوميد وأبرت تفجير وسببلي تكيس علي المبايض
والحمدلله وشكر

 

[كويتيه مذهله 87]

ماعرفها والله

بس حاولي شهر شهرين بس الكلووميد كثرته يسبب تكيساااات

 

[برميت]

جربتي الاستغفار الف مره باليوم و كل يوم بنيه الحمل ؟؟

 

[** باربي **]

ادعي ونذري الله

 

[الفريده]

انا اقول كملى سنه من زواجج وبعدين روحى عالجى وان شاء الله الله يعطيج من غير علاج

الله يرزق كل محروم بالذريه الصالحه

 

[ما في مثلهااا]

حبيبتي اكثري من الاستغفار

 

[لمسة فرح]

الله يوفقج سوي تحاليل شامله واتكلي على الله يارب ترزقنا كلنا بالذرية ااااامييييييين

 

[مووووني]

حبيبتي في دكتور اسمه عادل الحليان بالجابريه 25313120
ان شاء الله يساعد زوجج اذا في شي
وانصحج تروحين حق دكتوره فوزيه
والله يرزقج الذريه الصالحه يارب

 

[$$لامار$$]

الله يوفقج يارب بس انا احس انج حيل مستعجله خمس شهور انطري انا قريت معلومه من قبل

ان 20% من النساء يحملون بالشهر الاول من الزواج
و60% من الشهر السادس و20% هم اللي يتعدون السنه

يمكن انتي بعد 6 شهور تحملين ليش مستعجله