ضروووري : بخصوص المشروم الفريش جم سؤال ... !!

[Nokia N95]

صباح الخير بنات ...

امس شريت مشروم فريش ...
ولاني دايما استخدم المشروم المعلب ... الحين متوهقه ...
ماني عارفة شسوي ؟

بسوي معكرونة بالدياي و المشروم ...
وماني عارفه ...

اغسل المشروم بالاول ؟
اطبخه ؟ افوحه ؟ اقصصه ؟ احمسه ؟ اشوحه ؟
اغسله بماي بارد والا حار ؟

انقذووووني بلييييز ....

 

[addict to me]

المشروم الفريش ماينغسل
بس ينمسح بفوطه رطبه علشان توخرين التراب

بس ديري بالج تغسلينه لان المشروم نفس الاسفنج يمتص الماي


وبعدها حسب شنو بتسوين

اذا بتسوين معكرونيه مع ماشروم ودياي بالكريمه

تحمسين بصل وثوم وبعدها ضيفي فلفل اسود وشوي ملح وخليهم لين يذبلون شوي

بعدها قطعي الماشروم شرايح وحمسيه معاهم وبعدين ضيفي الكريمه

الدياي انا انقعه بليمون وزيت زيتون وبعدها اشويه بالمقله الي على شكل شوايه


واسوي اسباغيتي

وبالاخير احط الاسباغيتي فوقه خلطه الماشروم والدياي من فوق وازينه بقدونس مفروم

 

[ام الدرر]

حبوبة اانا دايما استعمل الفرش ونادر ما استخدم المعلب
لمشروم لازم ينغسل
الاجانب يمسحونه بفوطه
فكري اذا كان نابت بروحه مومستزرع جم حيوان مكرمه مر عليه
وشنو الارض اللي نبت فيها
اما اذا مستزرع باماكن مغطيه تهقين جم ايد لمسته والكرتون اللي انحط فيه نظيف ولا لأ
انا مو من النوع اللي اوسوس ولا فيني زيادة حرص بس هذي اساسيات وبديهيات ياقلبي
وطوووووووووووووول عمري اقشر المشروم واغسله بعد
عمري ماشفت اللي يقولون يشرب ماي
وخذيت طريقة الشيف رمزي بتقشيره
اما طريقته بالسلطات تستعملينه فرش بدون طباخ
وللمعكرونه والحمسات ذوبي شويه زبدة وحطي المشروم المقطع معاه شوية ثوم مدقوق وتبليه بملح وفلفل اسود وخليه على نار هاديه لحد مايتغير لونه ويذبل وعقب ضيفيه على طبختج او كملي عليه
اسفة عالاطالة ياقلبي بس حبيت افيدج بالتفصيل​

 

[AVE.NJ]

انه المشروم مااغسله امسحه وبعدين استعمله
جربت اغسله طعمه كلش مو حلو
والخيار لج

 

[سحااايب]

اللحين ينغسل ولا ينمسح؟!

 

[مس يو]

آنا جربت اغسله وجربت امسحه بفوطه مبلوله .. والنتيجه اللي عجبتني لما مسحته بفوطه وايد احلى المشروم يطلع فرش اكثر..

وماينسلق بس قصصيه وحطيه على الحمسه وانتبهي لا تحطين ملح بالاول لان يخلي المشروم يطلع كل مايه لما يذبل شوي حطي عليه تتبيلتج..



,,


وبس

,,

 

[cOFFEe SmeLL]

حبيبتي .. لازم تغسلينه .. لا تنسين المبيدات الحشرية اللي يرشونها عالمحاصيل .. صحتج أولى .. وجذي أنظف وأضمن وبعدها قصصيه وحمسيه مع البصل والدياي بعد ما ينضج بالزبدة يطلع أحلى .. وهذا أفيد من المعلب وطعمه وايد أحلى ..

 

[جارة القمر]

رد : ضروووري : بخصوص المشروم الفريش جم سؤال ... !!

مشكووورييييييييييييييييييييين

 

[<<لمار>>]

احترت نفسج بس اللى اعرفة انة ماينغسل يخترب

 

[eman84]

انا اغسله وعقب انشفه بالفوطة

 

[أحلى^حياه]

مو حلو تغسلينه
بس اذا موسوسه مرريه تحت الماي بسرعه ومسحي بفوطه

 

[<miss botamba>]

ماينغسل ولا يتقشر بس مسح

واذا وسواسيه اشتري معلب !!

 

[Nokia N95]

مشكوووورين والله يعطيكم العافية ...

انا هالمرة غسلته .... وبجرب المرة الياية امسحه بفوطة فيها ماي ....

الله يعطيكم العافية .. ماقصرتوا

 

[suger_spice99]

غسليه وبعدين نشفيه

 

[سنفورة]

واااي تصدقون انا اغسله غسال لووووووووووووووووووول بجرب امسحه