ضرووري احسن مستشفى بليييز:(

[nouraa]

السلام عليكم
اول شي انا بچريه واليوم دشيت شهري وابي منكم تقولون لي شنو احسن مستشفى واحسن دكتور او دكتوره واحسن خياط وعناية ونظافه تكفووون بنات صارلي 3 ايام ما انام عدل احاتي لانه كنت بولد عند خالده برويال وتخربطت الحسبه بليز ساعدوني ، مالي الا الله ثم انتو ، ابي غير السيف ورويال

 

[مذهلة2013]

حيان الاحمد
يولد بالسيف اينن خوش دكتور

 

[nouraa]

مشكورة حبيبتي بس بچم يولد؟

 

[nouraa]

بنات عفيه تجاربكم

 

[مذهلة2013]

٢٥٠ طبيعي

٤٠٠ قيصري

انا ماامدح فيه بس في تجمع للدكتور
شوفيه

 

[ملح الكون]

العرف عند منتهي 680 مع اقامه يومين
والله يهون عليج ويقومج بالسلامه ..

 

[fofo90]

حبيبتي الله يسهل عليج
شوفي المستشفى اللي تحسينه قريب يم بيتج ومناسب لميزانيتج ترى السهالة من
الله قبل كل شي لا تكلفين على نفستج وفوق الميزانيه

 

[baa6aa]

دار الشفا
عندهم مي وزينات ومعصومة اكثر شي عليهم مدح
واسعارهم حيل مناسبه اذا تاخذين الغرفه العاديه مع الولاده ب٥٢٥ والامبراطوري ٧٠٠ وكسور

 

[Ms.lool]

المواساة

 

[noo7a]

عن نفسي ولدت بدار الشفا
وحبيت المستشفى وايد ما افكر اغيره

 

[American.Life]

رويال حبيبتي كل الدكاترة اللي فيه زينين

 

[Aloe Vera]

ليش ماتبين رويال حياة ؟
انا ثلاث ولادات فيه فوق الممتاز قمة في النظافه

و شوفي شنو مستشفيات يمكم

 

[ام أسد]

الراشد دكتور نصر هيبه رعاية واهتمام ويكفي الدكتور ذهبه

 

[باربي شمر 87]

دار الشفا بلااااا مناااازع وماله منافس الاول بالكويت معروف ولادتي فيه مستشفى من جميع النواحي روعه من اجنحه من دكاترة مختصين لا يعلى عليه

 

[عروس الحب]

عن تجربه انا والده بمستشفي العدان يهبل والله احسن من ولاداتي بالسلام والهادي
افضل شي الحكومه بس ها يبيلج واسطه والله يسهل عليج والتوفيق من رب العالمين واتكلي علي الله وكل شي يتسهل صلي الاستخاره وروحي للمستشفي الي انتي مرتاحه له نفسيا والبه يسهلها وتولدين بسلامه انتي ومولودج يارب

 

[nouraa]

يعطيكم العافيه بنات مشكورين ما قصرتوا
وحده قالتلي عن اشرف مرسي اللي بالسيف ورحتله اليوم
الصراحه ما ارتحتله بااااارد حيل وحتى لمن يتكلم ما افهم شيقول لازم اسأله شقلت عشان افهم مادري
مادري بنات شرايكم فيه ؟! اتوكل على الله واولد عنده؟

 

[TINA]

nouraaa حبيبتي الله يقومك بالسلامه انا صراحه ولادتي الأولى كانت عند عمرو عصام لما كان بالسلام ولله الحمد كانت ولاده و خياط رائع الله يشهد على كلامي الخياط طاح بسرعه و ما حسيت وصج سوالي تجميلي و ما بين ابدا اني والده امس كنت بالسلام طوارئ لاني حامل و حاشني جفاف النيرس لازم تسال وين راجعتي بالحمل و عند منو و شنو كان وضع الحمل فانا قلت عند عمرو برويال بس صراحه بغيره ما اقدر على مصاريف رويال فقالتلي لا تغيرينه اصلا هو و واحد ثاني معاه بيردون السلام شهر 5 والله استانست
صراحه اذا ما كان عمرو عصام كنت رح اختار حيان الأحمد ويولدني بالسلام
آسفة طولت عليج والله يتمملج على خير

 

[نـور الكويت]

الله يهوون عليج ي قلبي والتساهيل من رب العالمين ..

الهادي حلوو عندج برتي وانيتا .. حيل ارتاح لهم ..

ونفسيتهم حلوووه ..

وقبل اي شي صلي صلاة الاستخاره ..

 

[om 7amoodi]

السلام او دار الشفا احسن مستشفيات

 

[nouraa]

مشكوريين، بس محد قالي عن اشرف مرسي لان احتمال خلاص اولد بالسيف ، او صبري سيد اي واحد احسن