ضروري يا مراجعات الصباح

[ام بوحنة]

السلام عليكم ورحمة الله وبركاته

بدخل بالموضوع على طول علشان ما أطول عليكم

اناعندي اجهاضات متكررة واول مراجعه عندي
يوم 30-5 عند دكتور مايكل

والحين شاكة أني حامل
اروح له قبل موعدي والا انطر موعدي
واذا رحت له قبل متى مواعيدة وهل يستقبلني عادي؟

سويت التحليل الهرموني والنسبة ضعيفة وناطرة اعيدة
شورو علي الله يهديلكم عيالكم

 

[حبوبة الأطفال]

أنطري كم يوم وسوي التحليل مرة ثانية .. وإن شاء الله تطلعين حامل

وبالنسبة لدكتورج والله ماعندي فكرة لكن ماكو إلا تروحين للمستشفى بعد ما تتأكدين من حملج وتشوفين متى مواعيد دوامه

ربي يوفقج حبيبتي

 

[عضـــــوه]

يالله يا رب تكونين حامل وربي يثبته لجججججججججججج ويرزقج بالي تتمنين الزمي الاستغفار يالغاليه ربج كريم ومايرد عبده وادعيه دعوه صادقه ,,,,,,,,,,,,,,,,,,,,,


وبالنسبه للدكتور

كلمي السستر يمكن اتقدم لج الموعود تراهم ما يقصرون والله يوفقج​

 

[زين ودلال]

يالله ياااااااااااااارب ان يثبت حمالج ياااااااااااارب يا كريم لان تجربت الاجهاض مؤلمة بصراحه تعور القلب

والحمدالله على كل حال

 

[ام بوحنة]

جزاكم الله الف خير
شوركم وهداية الله

 

[tafany]

بصراحة اللي أعرفه عنه كل من يمدحة
والتوفيق من الله

 

[sara_77]

دكتةر مايكل وايد زين واهوا رئيس الدكاتره بالنسبه حق مراجعات العصر وانصحج انصحج انشالله يارب تكونين حامل يارب وراجعي عنده الصباح عنايتهم واهتمامهم احسن من الخاص وعندهم امكانيات وسونارهم دقيق

 

[kuwatiya]

الله يكتب لج اللي فيه الخير ويرزقج الخير كله يارب

خوش دكتور يهبل والكل يمدحه​

*

 

[ام بوحنة]

جزاكم الله الف خير

بس منو يعرف متى دوامه يوم الأحد
ضروري بنات

 

[ام بوحنة]

منو اتعرف متى يداوم يوم الاحد

 

[كويتيه مذهله 87]

حبيبتي انا قبل لا احمل ولمن حملت اراجع عنده
عندي خبره
شوفي هو ماله يوم محدد يعني لمن يعطيني الموعد يا اثنين او خميس او احد
يداوم صبح وعصر
انا صارلي مثلج حملت وموعدي حتي مثل تاريخج لووول بس 2010
رحتله قبل لان اخذ ابر وضروري اخذهم بحمالي
فسألت السستر متي يداوم علشان اروح بهاليوم وعلي حظي كان دوامه مثل اليوم الي رحت بسأل عنه
ودخلت عليه بدون موعد ماقصر ماردني قالي دشي وعطاني تحليل هرموني اسويه بعد يومين وشاف النسبه مرتفعه قالي الحين تسوين سونار ولمن تأكد البيبي زين بلش ادويه وابر وعطاني موعد بعد اسبوعين تخيلي لي الشهر السادس كل اسبوعين مراجعه عنده ملييييييت طاقه طريج وقبل لا ادخل عليه لازم سونار يشووف نمو البيبي لمن تأكد عدل بعدها خلااها مراجعتي كل شهر


روحيله لاتترددييين تري دقيييق واااااااااااااايد ماشالله عليه ووريه التحليل بعد وراح يطلب انج تعيدين التحليل مره ثانيه انا اتذكر سويته بعد ساعه طلع
وان شالله حملج يثبت هالره ولا تحاتين يمكن حللتي مبجر لان تبويضج متأخر
ومثل ماقالت الاخت سونارهم يهبل جنه البيبي بحضنج
د مايكل كلا يحول مرضااه علي دكتور مختص للسونار نسيت اسمه بس هو اجنبي رئيس وحده السونار شااطر حدا

اول ماتراجعين طبعا صبح اذا رحتي مراجعتين صبح تقدرين تحولين عصر يعني الثالثه عصر
انصحج تروحين عصر لان خفاااايف مافيه غيرالكويتين

سوري قرقت وايد بس حبيت افيدج وأي شي تبين بلغيني بالخاص لاني ما ارد بالمواضيع
وهذاا رقم الصباح قسم السسترات الي عندهم جدول الاطباااء علشان ماتطقين طريج لي الصباح دقي سألي متي دوام د مايكل

24843100

داخلي
4031
4006

 

[ام بوحنة]

جراح الله الف خيريا كويتية
بس حتى هالمرة الهرمون نسبة ارتفاعه بسيطة