ضروري ياخوات وربي بدعيلكم في هاذا الشهر الفضيلللل عاجل تعبت تعبت

[bnt-q8]

السلام عليكم ورحمه الله وبركاته

اخواتي في الله ممكن مساعدتكم لي الله يخليكم لاني تعبت :cxxxp:

انا ويهي طالع فيه حبوب بشكل :eh_s(1): ماقول الا الحمد لله على كل حال

انا كان اول يطلع فيني بس يرووح هلمره طلع ولا راح وكل ماله بزيااده :0bee2e8d89:
وربي صار ويهي منظره حيل يفشل وهاذا غير الالم
رحت لطبيب وقال حب شباب اي حب شباب انا عمري في نص العشرينات قالي مو مشكله حب شباب وايروح
وعطاني كريم مضاد حيوي وقالي بس حطيه على الحبه
وبعدين قال لازم ابره افرغ الصديد الي داخل الحبه
تصورو عطاني ابره في نص الخد دخلها على حبه كبيره وايد وبصراحه ماقدرت اتحمل الالم الي جاني قمت ابجي باعلى صوتي ورفضت يفرغ باجي الحبوب :0bee2e8d89: :cxxxp:
كان الم فضيعععععععععع
ولا انكر عليكم الحبه اختفت بس باقي اثارهاا بس

مو انا خايفه يبقى اثار في ويهي من الحبوب ارجوكم يااخواتي ساعدووووني
وايد تعبت نفسيتي منهاااااااا
اول كانت تطلع لي حبوب فتره وتروح الحين لها شهور ماراحت وكا مالها بزياده :eh_s(2):

واعطاني جل وبصراحه بس قالي بعد مايخلص المضاد الحيوي

الصوره منقوله من موضوع العضوه دلوعه الكل
بس الى الان ماستخدمت الجل بعدي لانه قال بعد مايخلص المضاد

وهم الله يخليكم اختي زواجها جررررريب
وفيها حرق قديم ارجوكم في شي يروح الحرق ؟؟؟؟؟
يعني الحرق له سنه وزياده تقريبا
ارجوووكم ساعدوها وربي مافي كريم ماحطته
وصحيح التقشير الكميائي يروح الحرق ولا حجي ؟؟
ارجووكم ساعدونااا وربي بدعيلكم

 

[سعوديه و افتخر]

استخدمي منقوع المرة يجفف الحبه من الصديد و الدهون و تبقى قشرتها تنزل مع الايام

 

[anomy]

وااااي بعد عمري انا عايشه معناتج بس الحين الحمدلله راحت الحبوب بس تم اثارها بس الصراحه الاثار ولا شي بالنسبه حق الحبوب المهم انا ما كنت ادري ليش تطلعلي الحبوب تميت سنين اعالج عند موسى سلامه جبر وعطاني حبوب بخمسين دينار كورسات وماكو فايده منها وسويت تقشير عشر جلسات وعقبها تقشير بالكريستال عند المشاري 12جلسه المهم محد عرفلي الا وحده كنت اسوي عندها تنظيف بشره جان تسألني ليش جذي بشرتج وايد فيها حبوب وبعدين سألتني انتي للحين ماحملتي؟ قلتلها لأ جان اتقولي فيج خلل بهرموناتج سوي تحليل احسن رحت عند الشومر وسوالي تحليل طلع عندي هرمون البرولاكتين واهوا اللي عافسني بس خذيت علاجه الحمد ماقام يطلع فيني حتى حبه وحده وحملت بعد الحمدلله
احسن شي روحي سوي تحليل هرمون وشوفي وانشالله خير واسفه طولت عليج​

 

[بوسطـن سيتي]

رد : ضروري ياخوات وربي بدعيلكم في هاذا الشهر الفضيلللل عاجل تعبت تعبت

استخدمي المُره
تنشف الحب

 

[salle]

رد : ضروري ياخوات وربي بدعيلكم في هاذا الشهر الفضيلللل عاجل تعبت تعبت

انا من تجرتي الشخصية الحبة لا فرغتيها وطلع كل الللي داخلها ، الاثر يروح مع الايام ، ماتوقع يظل اكثر من شهر ، اهم شي اللي داخلها كله طلع .

 

[" أضـــــوى "]

حبيبتي ماعرف والله بس حبيت ادعيلج ..يارب يشفيج وتصير بشرتج مثل الكرستال ...ولايضيق خلقج ترى النفسيه تزيد الحبوب

 

[QT]

رد : ضروري ياخوات وربي بدعيلكم في هاذا الشهر الفضيلللل عاجل تعبت تعبت

الحرق <<<<< استخدمي مينو بالصيدلية

إسئليه اذا كان يفيد للاثار القديمة

والحبوب مااقدر افيدج بالمرة

 

[shaikhat elbnat]

اضمن علاج لحبوب و اسرع علاج هي حبوب الروكتين
بحثي عنهم بالمنتدى اتلاقين تجارب البنات و اذا تبين تفاصيل اكثر راسليني عالخاص
انا مجربتهم و جربت كل شي للحبوب بما فيهم الصوره الي حاطتها انتي
روحي الطبيب و اهو يوصفلج هالحبوب
و بالنسبه للحرق الي باختج صراحه ما جربت هالكريم بس بنات المنتدى يمدحونه و الدكاتره يوصفونلها لاثار العمليات اسمه contractubex
و عقب ما اتعالجين حبوب ويهج ابتدي بكريمات تفتيح و تقشير

 

[3nOoOoON]

حبيبتي لاتعلبين بالحبوب بويهج خليهم يعني لاتبطينه ولاتمسكينه جذي يبقى اثر حقها وانا بنت خالتي نفسج بالضبط بس استمرت معى الطبيب مالها والله لوتشوفينها ماتقولين كانت بشرتها ويع اللحين صافيه وبياض حلو نصيحتي حقج كملي عند دكتورج واهيا فتره وتروح :*

ودعواتج حقي

 

[عــود كمــبودي]

ماعندي فكره



رفع

 

[dla3_princess]

حبيبتي رووحي دكتوور شااطر احسن


لا تمشين على اي ووصفه احد يقووولج عنها

لآن كل بشرره و كل حااله غير عن الثاانيه


مووفقه و عسى الله يشاافي بشررتج و تصفى يااااااااااارب

امين

 

[غير كل الناس]

المشاكل الجلديه تبيلها وقت

 

[Dreamy G!rl]

شوفي حبوبه انا مثلج ماكو كريم ماكو منتج ماكو خلطه ما جربتها
و كان قبل تطلعلي حبوب بالهبل
بس بعدين قلت بجرب حظي و اروح الجلدية
جان تخيرني الدكتوره بين حبوب ال roaccutane و التقشير
قتلها ابي الحبوب
و تميت كورس كامل ابلع في هالحبوب بس و الله مشاالله الحين و لا حبه ابويهي
و على فكرة هالحبوب ما توخر الاثار بس الحبوب تنشفهم و يروحون بلا رجعه الحمدلله
بس نصيحه لا اتسوين تقشير عقب ما تاكلين الحبوب اذا رحتي الخاص و قالولج بعدين انسويلج تقشير
لان سببتلي حفر صغيره ابويهي
و سعر الحبوب 60 دينا لان كانت تعطيني 50 مل
و عسى الله يشافيج

 

[بنت امير القلو9]

الله يشافيييج ان شاء الله

انا بقولج عن تجربه

اخذي كريم سودو اللي يحطونه لحفضات الاطفال والله انه مو طبيعي ينشف الحبه ويخفيها يمكن اسبوع
فضيييييييييييييع فضبيييييييييييع اشتريه من الصيدليه وما منه ضرر لان اساسا هو يستخدم للاطفال
واتمنى اني فدتج

 

[Killer^Girl]

انا صار فيني جذي قبل 4 شهور ولي الحين اعالج الاثار
بس الحمدلله وايد احسن
انا مشيت ويا هالصيدلاني
والحمدلله ياب نتيجه
بس ترا الموضوع يبيله صبر
د.يحيى صيدلية السندس بالسالميه
99629815

 

[كويتيه احب الكشخه]

انامع راي قطار المووت جربي الحبوب وايد زينه لحالتج

 

[miss-fofo]

جربي منقوع المرة والشاي الأخضر والماي الورد خلطيهم مع بعض أو حطيهم بمرش اصغير

ورشي على ويهج ثلاث مرات كل يوم وان شاء الله الحبوب تروح

انا مجربتها :eh_s(9):

بس عقب ما يخفون الحبوب لاتاكلين كاكاو واشياء فيها دهون علشان ما ترد الحبوب

و الله يشافيج

 

[...الليـــدي...]

رد : رد: ضروري ياخوات وربي بدعيلكم في هاذا الشهر الفضيلللل عاجل تعبت تعبت

يااعمري الله يبعد هالحبووب عنك

انا اعرف طريقه انك تطحنين مره وتحطينها مع طحينيه سايله وتسوينها ماسك لمدة نص سااعه
وكل شوي رشي وجهك بماء الورد روعه ويصفي

وحروق اختك مرهم ميبو من الصيدليه روووووعه