ضروري والا موضروري ؟؟

[قانوون كيفك]

:68_asmilies-com:


في بنات وقت النفاس يعطيها زوجها مبلغ تعطيه امها عشان قعدتها في بيت اهلها طول فتره النفاس

سؤالي جم يكون المبلغ ؟؟ في مبلغ معين والا اهو ومدة ايده ؟

وهل هالشي اجباري عليه ؟ :s141: والا بكيفه يعنى اذا ما عطاها عادي والا لا؟؟

 

[كويتيه مذهله 87]

في بعض الامهات ماياخذون الله يطول بأعمارهم يارب

يعني 100 دينار زييييييييين لا اكثر ولا اقل

,,,

 

[نـور الكويت]

مو شرط فلوووس ويجيب ماجله البيت ..

يعني عرفتي ولا خضره وفواكه وعيش ودجاج يعني ما يكثر فهمتي ياقلبي

 

[tbola]

رد : ضروري والا موضروري ؟؟

اب اب

 

[wedifeek]

شكووو اول مره اسمع بجذي

 

[حبيبة سعيد]

ليش انا بعرف رايحه بيت غرب والا بيت مجاعه والا الاهل يمنون على بنتهم وعيالها الاكل مثلا

الحمدلله الوحده لما تروح بيت اهلها اهم يضيفونها حق وواجب اصلا منو اللي بياخذ فلوس من الزوج عيب مايسونها

هذا الشي مو من عاداتنا ماادري انتوا جذيه والا لا ؟؟

اما مصروف قصدج فلوس احتياط سبحان الله تحتاجين شي هذا حق عليه سواء نفاس والا غيره بس مو يشتري الاكل والعيش والزيت مثلا والله اهلي بيفضحونه لو يسويها عيب عندنا

 

[جذابه بنت ذيابه]

رد : ضروري والا موضروري ؟؟

حبيبتي مو شرط فلوووس


انا زوجي جاب لي ماجله كاااامله
وذبيحه




وبس

 

[جوانا2010]

رد : ضروري والا موضروري ؟؟

حبيبتي مو شرط فلوووس


انا زوجي جاب لي ماجله كاااامله
وذبيحه




وبس

نفس كلامها حتى انا كذا سوا زوجي معايا

لان انتي في بيت اهلك مو عند غرب تكون بدل قعدتك

بس شوفي الام كمان تستاهل انا جبتلها هديه لما خلصت نفاسي..

 

[أم عبداللطيف]

والله من ناحيه زوجي يشتري ماجله كامله من خضرة وفاكه ودجاج وذبيحه لانه انا مشاء الله نفاس واستهلك هالاشياء المفيده ويكون مره وححدة واذا ابي شئ ادق عليه واطلب منه مثل اتذكر الدجاج الفرش لانه امي ماترضى مثلج فترة نفاس عااد والله يزاه الله خير مايقصر

وبالنسبة للي يقولون بيت اهلي مو مجاعه بالعكس انا اسثقلها احس فشله انا مع بنتي وخدامتي ونفاسي واكل وطلباتي اكل جذي لازم الواحد يشارك لانه مشاء الله تبارك الله انتي عائلة مو بس انتي انا اقولج ابوي مايرضى ويقول علينا عايز بس انا احسها فشله الحمدالله الله يخلي رياييلنا ومعاشاتنا الوحد يشارك والمشاركة حلوه حتى لو اهلي.

 

[moon night]

لا سالفة الفلوس فشله اصلا مو حلوة

بس اللي اعرفه انه يشتري ماجله لج بالنفاس مع ان انا امي ماتحب وتعصب حتى على الماجله بس ياربي فشله بعد بالنفاس الوحده تستهلك وايد اكل واغراض حلوة الواحد يشارك ويعين بس تكون مرة وحده اول ماتطلعين من المستشفى بس

 

[KOKO_284I]

رد : ضروري والا موضروري ؟؟

حبوبه انا قاعده بيت اهلي مو بيت غرب شكو يعطي بس اذا زوجج حساس مثلا من هالناحيه بين فتره وفتره خل ييب شي لبيت امج

فواكه حلو شنو لازمج عمتي وبس

 

[شوكة رنانه]

ماعمري سمعت بهالشي

 

[قانوون كيفك]

رد : ضروري والا موضروري ؟؟


المسأله مو مسأله انج في مجاعه لا

احنا نأخذها من باب الذووق

خصوصا اذا كان عندج اكثر من طفلين وخدامتين شيلحق عليهم احسها ثقيله

 

[زينة الخشة]

رد : ضروري والا موضروري ؟؟

هذي عادات و تقاليد
يعني شي معروف بين اهلج و اهله
ومثل ما قالوا البنات يا فلوس ولا ماجلة
وانا زوجي دايم يجيب ماجلة
اكيد ام زوجج بتعلمه شنو يسوي
يعني يجيب خضرا و فاكهه و طحين و دجاج او لحم
وغيروووووووووووووووووووووووووووووووووووا

 

[om deaj]

والله من ناحيه زوجي يشتري ماجله كامله من خضرة وفاكه ودجاج وذبيحه لانه انا مشاء الله نفاس واستهلك هالاشياء المفيده ويكون مره وححدة واذا ابي شئ ادق عليه واطلب منه مثل اتذكر الدجاج الفرش لانه امي ماترضى مثلج فترة نفاس عااد والله يزاه الله خير مايقصر

وبالنسبة للي يقولون بيت اهلي مو مجاعه بالعكس انا اسثقلها احس فشله انا مع بنتي وخدامتي ونفاسي واكل وطلباتي اكل جذي لازم الواحد يشارك لانه مشاء الله تبارك الله انتي عائلة مو بس انتي انا اقولج ابوي مايرضى ويقول علينا عايز بس انا احسها فشله الحمدالله الله يخلي رياييلنا ومعاشاتنا الوحد يشارك والمشاركة حلوه حتى لو اهلي.

انا صار معاي نفس الشي
ريلي عطياني مصروفي وياب ذبيحة وجيل البيت وكل شي نقصني كنت اقوله ويجيبه لي

والحمدلله هالمرة نفاسي في بيتي
لاني صج بكون ثقيلة

 

[اكابر]

لا عادي مافيها شي .. لازم اذا ماعطى فلوس اييب ماجله ..

انا بولاداتي شرى ذبيحه وياب دياي و وعصير وخرابيط ..

بس مو معناته انه انا ميته يوع افبيت اهلي لابس النفاس اكلها غير .. تحتاج ايدام وايد مو مثل المره العاديه ..

 

[LiL MaMa]

رد : ضروري والا موضروري ؟؟

امبييييييييييه لا فشله اعطي امي فلوووس و الله تزعل علي

انا مو في بيت احد غريييييييييييب

كافي المااجله

انا مع البنات ماجله مو فلووووس

 

[Mednight Rain]

رد : ضروري والا موضروري ؟؟

سؤالج عجيب أول مرة أسمع عنه .. امكن لاني بجرية ومو مجربة ومو سامعة من احد

ومنكم نستفيد

يعطيج العافية

وانا أايد ان الريال ييب بين فترة وفترة ماجلة خاصة للبيبي وفواكه للام وورد < اهم شي الورد

 

[BaBy_SMiLe]

رد : ضروري والا موضروري ؟؟

اي فعلا اغلب العوايل جذي .. الزوج من نفسه من غير ما تقوله زوجته اما اذا مو من نفسه ما تقوله

يعني اهوا متكفل فيها حتى لو اهي في بيت اهلها وبعدين الحمدلله مو سالفت مجاعه اهوا ما راح يشتري حق اهلج اهوا يشتري ماجلتج الي معتاد يشتريها لج ولعيالج يعني ماجلتج الشهرية بتكون بوقت النفاس في بيت اهلج

بس الي قالوا مجاعه ومادري شنو الظاهر مو سامعين لان فعلا في ازواج من تكون مرته بالنفاس ما يدري عنها حتى الحفاضات والحليب ما اييبهم ولا يدري عن مرته الا بعد النفاس .. هذي الي صج فشلة ! او ممكن حتى لو كانت عنده وفي بيتها مو اهوا الي يشتري الماجلة يمكن اهي الي تشتريها .. عشان جذي البنات مو سامعين من قبل

وبالنهاية كل عايلة ولها عاداتها وتقاليدها محد ملزوم بشي او ما هو عرف اجتماعي

 

[G!RLooNa]

اول مره اسمع !! تعطي الام فلوس عشان نفاسها امبيه اصلا احس امي و لا يداتي ال٢ اذا سولهم جذي بعصبون و يزعلون

عيل شتقولون عنا قبل جم سنه خالتي ولدت بعطله الصيف و احنا و بنات خالاتي و بناتها كلنا نمنا وياها شهر ابيت يدتي خخخخ