ضروري مسااعده

[أنا الثريا]

السلام عليكم خواتي


انا خايفه حدي..
انا صار لي حامل شهر ونص تقريبا....امس نزل معاي (تكرمون)خيط بني مع شويه دم..بس خيط ....واليوم لماصحيت من النوم خيط ثاني بس لونه بني وحييل صغير,,,بس انا خايفه موعارفه شنو اتصرف... اللي تعرف تطمني :eh_s(2):هل هالشي عادي ولا علامه موزينه,,,؟؟​

واللي تعرف مواعيد الدكتوره ناهده العلي...اليوم الخميس عندها دوام ولا لا...؟؟

الله يرزقكم باللي تتمنونه..ابي احد يطمني...وادعولي الله يثبته:yaaaaaarb:

 

[mrs.abk]

لو خايفة روحي العيادة .. ما ينفع تخافين وتقطقين على النت


بس بشكل عام هذا طبيعي .. هذي افرازات عادية في أول شهور الحمل شرط إنها ما تتكرر

 

[أنا الثريا]

مومعقوله خايفه واطقطق ع النت...!!!!

انا قاعده ادق ع عيادتي...بس ماكو مواعيد اليوم...كنت اسالكم اذا شي خطير بروح طوارئ ..وبكل الاحوال ريلي دوام
مااقدر اروح الحين فقلت البنات يفيدوني............ع العموم مشكوره

 

[mi corazon]

حبيبتي ماكو الا العافيه

هالشي يصير وايد بالحمل يكون دم قديم علشان جذي بني

الاحمر اللي يخوف

عالعموم انا مجربه ناهده احسها حق ولاده بس مو حق هالسوالف

دقي مره ثانيه وان مانفع معاج شوفي دكتوره ثانيه

لازم عندج دكتوره بديله للحالات الطارئة

 

[Poison_Girl]

انا اقول روحي الطوارئ مو زين.. خل الدكتوره تعطيج مثبتات

 

[مملكة الحب]

اتوقع هذا يعني انج حامل بولد
دام انه مو دم احمر ما منه خوف

 

[حبيبة اهلهاا]

و عليكم السلام

هالعلامه. خطر و خطره حيل بعد سوري خوفتج

بس هذا يسمونه سدادة الرحم

لما اجهضت نزل علي هالخيوووط

روحي لحقي ع عمرج

 

[mi corazon]

بنات لا خوفونها مافيها الا العافيه ان شالله

السداده تكون بكبر الامية فلس مو خيوط

الخيوط تصير ببداية الحمل كل حمل لي واختي وزوجة اخوي صارتلهم

بس علشان ترتاحين روحي فحصي

بس دربالج يسوون لج فحص داخلي موزييييين

 

[خاشعة للرحمن]

حبيبتي لازم تروحين حتى ولو شوي لازم تشيك احسن لانه احنا ممكن نقول عاادي ولا سمح الله يصير شي لازم تروحين لطبيب احسن وطمنينا عليج حبيبتي

 

[أأأميرة الورد]

لا مو زين نزول الافرازات

هذي بداية اجهاض ديري بالج

والله يثبت جنينج ويرزقج شووفته

 

[أنا الثريا]

مشكوورين بنات كلهم ماقصرتوا
انا رحت حق الدكتوره وعطتني مثبتاااات...وقالت لازم راااحه

وعلى الله ان شااء الله....ماادري حيل خايفه بس متوكله على رب العالمين