ضروري للمنتدى

[الجسوره]

سلام عليكم حبيباتي ,,,


شلونكم اخباركم ان شاء الله في احسن حال ...
​

بدش بالموضوع من غير مقدمات ..

في من اخواتي العضوات لما وحده منهم تطرح موضوع لها تكون تعبانه فيه او مشكله عندها لو المشكله صغير او نتفه او ذره شخصيتج غير عن شخصيتها و كل واحد و ميوله طاقته ,,, الخلاصه من الموضوع اللي بوصله لكم ,,


ابي تردون باسلوب راقي و ذرب و محترم انا ما اعمم لكن شفت فئه من العضوات اللي الله يهديم بردهم سوري ع الكلمه الباااااااااااايخه ,,, ي انج تردين رد زين يشرح الصدر او اذا موعاجبج الموضوع مولازم تردين .. يعني في عضوات قريت ردهم (( لو انتي بنتي اعطيج كف و بعدها اخلي ابوج يتولاج و الثانيه كاتبه يا رب لا تحاسبنا بما فعل السفهاء منها )) حبيبتي للعلم هذي مو نصيحه ردي بادب بحترام بذوق شوي يعني انا مو جايه اطر منج قولي رايج ماعجبج الله معاج في غيرج ما شاء الله عيني عليهم بارده ذرب مذربه و كامله و الكماله لوجه الله ... ولا شرايكم بنات


اتمنى اني ما اشوف الفئه هذي مره ثانيه يعدلون سلوبهم الحاد شوي

 

[توتة UAE]

أنا تغمضني اللي تكتب مشكلتها وحالتها حالة تي وحده تقول لها كلام سم! يعني البنت ناقصة ؟!
ماله داعي لعب دور المحقق كونان، اللي اتدش بروفايل البنات وتطالع كل الردود وتحلل عقب ترد
الموضوع تهجم يعني صدتج . . خذي لج سنيكرز p:

 

[يستفزني غلاك]

اي صح ع الاقل ماعجبج الموضوع اطلعي حرام ماتدرين شلون ردج يؤثر ويجرح ع صاحبه الموضوع

 

[الـ ج ــوري]

صح كلامك الله يهديهم

 

[مؤمنه بربي]

اي والله صاجه انا بعد كرهت المنتدى بسبه الردود
الخايسه والله كل يوم افكر اطلع وماارجع
لاني بالبدايه كنت اقول شوي افضفض عشان ارتاح
لاني مااقدر اقول كل شي حق ناس اعرفهم واقعد معاهم
استحي واتفشل بس والله صرت اتفشل بالمنتدى اكثر
واحسهم يستخفون فيج وبطرحج اذا ماعجبهم
بعني بالنهايه اذا تبين حل لمشكله ما تحصلين بس سب
ومشكله ثانيه استغفرالله الله يهديهم يارب
واخرتها اذا حاطه موضوعج من قلب وصادقه فيه تجيج وحده تقولج انتي جذابه ؟!
خير ان شاءالله اذا اجذب ليش اكتب واتعب نفسي