ضروري للئ حاشتها كحه بالحمل دش

[سارونه86]

السلام عليكم ...
شخباركم يا كروشات

الله يهون علينااا إن شالله ..

بنااات أنا صارلي 3 أيام معاائ كحه قوويه و ما تتسلط

إلا بلليل طوول الليل أتم قاعده حتي الدوام ما أداؤم.

و أحس بطني يشد حيل ..

أنا بالشهر الرابع ..

منو حاشتها كحه مثلي و إهيه حامل ؟

و الكحه تأثر ع إلبيبي ؟

و شنو أخذتوا علاج ؟
أنا أخذ دوا أعشاب بس أحس مافااد كلش


طمنوني بليز

 

[سماء الاحساء]

رفع لعيونك

 

[سارونه86]

يسلموو حبي

 

[بــنـ زايد ــت]

هلا حبيبتي ,,

انا يتني كحة فالخاامس وكاااانت واااايد قوية ..

وااايد كنت خايفة عالبيبي ..

وطلع عندي التهاب فالرئة ..

بس الحمدلله سرت الدكتور وعطاني مضاد حيوي ينفع للحامل وشريت جهاز البخار قمت اسويلي ...

والحمدلله تشافيت وتعافيت ..

احسن سيري عند الدكتور قبل ماتزيد عليج

اهم شي امسكي بطنج من تحت وانتي تكحين ولاتشدين وااااايد ..

 

[Mrs.H]

اوراق الجوافة.. حطي عليهم ماي مغلي وغطي الكوب عشر دقايق تالي حطي شكر وشربي

او بنادول كولد اند فلو البوودر.. بس البودر اللي يكون بالعسل والليمون.. تحطينه بكوب وتصبين عليه ماي مغلي بدون شكر وحاولي تشربينه حار لان طعمه واهوا بارد مأساااة وهذا بس الامن للحامل دكتورتي واصفته لي.. وحدج باليوم مرتين مرة الصبح ومرة بالليل ومرة اليوم الثاني و وقفي لاتكثرين.

لاتشربين حليب بالمرة لان يزيدها وانحاشي عن الفلفل وماتشوفين شر

 

[قـــمـــرهم]

وعليكم السلااام ورحمة الله

انا بعد جتني كحه قووويه بالحمل وماتخليني انام

ودكتورتي مالت الحمل وصفتلي شراب للكحه نوعين ولا فادوني

بس انا لانه معاي ربو يجيني بالشتا بس

ف رحت لدكتور للصدر وعطاني مضاد وبخاخ مال الربو الاحمر والحمدلله الحين راحت الكحه اللهم لك الحمد


و اوراق الجوافه زينه بعد بس ما ادري تصلح للحامل او لا؟ تاكدي بنفسج؟


وفي وحده قالتلي عن عسل عند العويد ... تقول كان معاها كحه بالحمل وهالعسل قطع الكحه

مره وحه ...تقول قوليله ابي عسل للكحه حق الحامل

وانا بصراحه مااااجربته




والكحه موووو زينه للحامل لاتسكتين عنهااااا ديري بالج

 

[سارونه86]

مشكورين يعطيكم العافيه


توني طالعه من دكتورتي قالتلي استمري ع دوا الكحه هذا

و قالت ألمشيمه نازله شوي ديربالج لا تتحركين

 

[RO0O7Y KUWAITYA]

انا كانت معاي كحه قويه وولدتني بالثامن انبط جيس البيبي بسبتها



لاتستهينون بالكحه

 

[معي احلى]

الله يكتب اجركن والله الحمل مع الوحم تعب والثقل ووجع الولاده وعاد الحكه تدخل بالنص .. بالحمل والولاده تاذيكن .. كان الله بعونكن الصدق ..

 

[حوريه ...]

انا جتني اول حملي الاول

وكنت اشرب ماي دافي ع الريق

صح لووووعه بس تحملت والحمدالله

اسبوع وخفت

جربي ان شاءالله تروح

 

[سنفورة زرقة]

انا يتني بالخاااامس كحححه قوووية
وكان بطني يشد بس راحت بروحها كنت اشرب كل دافي
والحين انا بالثامن وردت موووراضيه تفج ومع الحارج تذبح

 

[Arwa AL-O]

انا حاشتني كحه في الخامس
وكحه قويه
رحت للدكتوره قالت لي اشرب ورق الجوافه تلقينه بالحواي باليوم شربي كووووب كبير
وبعدي عن المشروبات الغازيه والحليب ومشتقاته لانه يهيج ترى
ودايما تدفي حاولي قد ما تقدرين تعالجينها احسن
والله يسهل ع الجميع يارب ​

 

[سارونه86]

مشكورين

إن شالله بجرب ورق الجوافهه

 

[M!SS.LOBY]

الله يشفيج

 

[tooota]

انا جتني كحه شربت اكثر من دوا كحه ولافادني الا شي واحد من ثاني يوم اختفت
كنت احط زيت الزيتون بقفشه وابلغه مثل الدوا طعمه مو حلو بس قفشه قفشتين تختفي معاج واذا ماقدرتي علي طعمها خلطيها باي عصير
والله يشافيج حبيبتي