ضروري كويتيات تفزعون لي تكفوون ابي مشورتكم ياحكيمات

[@ نجمة العطااا @]

السلام عليكم ورحمة الله وبركاته:::::
أخواتي الغاليات ؛؛؛؛
ابي أخذ رأيكم بشي مهم يخص التدريس
أنا معلمة اسلامية متوسط وأفكر انزل ابتدائي
فشرايكم تنصحوني بهالشي او لا
علما أني حاولت احول إدارية وماقدرت!!!!!!!!
قولوا لي رأيكم بكل أمانة وصراحة مالي بعد الله الا انتم أستشيركم
بانتظاركم

 

[شيخه كويتية]

حبيبتي استخيري
واذا لج خلق اليهال نزلي الابتدائي
اسأل الله ان يوفقج ياربي

 

[أريام الكويت]

رد : ضروري كويتيات تفزعون لي تكفوون ابي مشورتكم ياحكيمات

ما حبيت ادخل بدون رد انا ثانوي وما عندي علم بالمرحلتين بس حبيبتي سوي استخاره احسن لج والله يوفقج

 

[شيخه كويتية]

حبيبتي استخيري
واذا لج خلق اليهال نزلي الابتدائي
اسأل الله ان يوفقج ياربي

 

[سليل النور]

معلمة الابتدائي يعني نقول مرتاحة شوي من الاختبارات الطويلة والتصحيح اللي يطول بعض الأحيان إلى بعد صلاة المغرب
بس الطلبة في المرحلة الابتدائية يبيلهم قلب كبير وصدر وسيع
غير المرحلة المتوسطة اللي شايليين عمرهم وما عندهم حنة وصيحة
ويتعلقون في المدرسة ويحبونه ويمكن يساعدونها في التحضير والواجبات

 

[(كويتيه عسل)]

انا ابلة رياضيات كنت ابتدائي ورحت متوسطة مستحيل ارد ابتدائي

المتوسطه اهون الابتدائي تكرفين كرف اليهد وملف اعجازي قصدي انجازي وحصص المساند والمهارات

ومسؤوليتج اتجاهم اكبر انتي مسؤوله عن كل شي

يعني انتي امهم و واختهم و ابله ومربيه خدامه والحين قارسون بمطعم توزعين عليهم الوجبات

تديرين بالج عليهم لا يوصخون ملابسهم ويوصخون الصف

الحمد الله اني افتكيت وانتقلت قبل سالفة الوجبات :yaaaaaarb:

علبونه الابتدائي مافيه رسوب اهمال من اولياء الامور وماتشوفون اهتمام

وكل حصه لازم تسوين وسايل والعاب ومجسمات محسوسه من فلين وغير الهدايا والكاكاو والحلاو والاستيكرز

بس احلى مافي الابتدائي اليهال اللي بقلبهم على رسالنهم

وماينافقون مثل بنات المتوسط امهات ويهين

اذكر لما كلمت التوجيه علشان اروح المتوسط قالولي فكري عدل ترى مومن صالج اذا ماعجبج المتوسط تردين

راح يأثر عليج لان هذا يدل على الابله مستواها نازل

 

[سليل النور]

معلمة الابتدائي يعني نقول مرتاحة شوي من الاختبارات الطويلة والتصحيح اللي يطول بعض الأحيان إلى بعد صلاة المغرب
بس الطلبة في المرحلة الابتدائية يبيلهم قلب كبير وصدر وسيع
غير المرحلة المتوسطة اللي شايليين عمرهم وما عندهم حنة وصيحة
ويتعلقون في المدرسة ويحبونه ويمكن يساعدونها في التحضير والواجبات:eh_s(9):

 

[رضاهم جنه]

اذا ما ساعدناج منو انساعد يا نجمه

انا اقول من رايي انج تقعدين بالمتوسط لان الابتدائي تروح نص طاقتج ببدايه الحصه وانتي ترتبين الصف وتنظمينه وخصوصا اذا درستي اولى وثانيه وثالثه

هذا من غير الاهمال من الاهل لان ملف انجازي والطالب ناجح ناجح

غير الوسائل الي يبون فيه تشويق وشد للانتباه للطفل وكل حصه

 

[@ نجمة العطااا @]

طيب تنصحوني بالثانوية؟!!

 

[لف ليدي]

والله من وجهت نظري الابتدائي صرفيه على المدرسه والجهال والملف الانجازي مخلي المدرسه تعبها ضايع بس مع كل هذا استخيري وموفقه انشالله

 

[Winter Q8]

خلج متوسط على الاقل يعرفون يعتمدون على نفسهم ..
الابتدائي مناهجهم اليديدة وايد وايد صعبة و اختباراتهم بمستوى متوسط و ثانوي و الابلات يا حرام يغششون باليهال علشان ينجحون
لان كلش لا تعتمدين على طلبة الابتدائي لا يدرسون و لا يتحملون مسؤولية دراستهم كل الحمل منصب عليج ..
غير الصرف على الابتدائي من وسائل و لوحات تشجيعية و هدايا ..وطلبات التوجيه و الادارة ..
خلج على مينونج لا اييلج اين منه ..

 

[العجوزوعيالها]

استخيييييييييييييييييييييييييييرى ابرك
استشششششششششششششششششششششيرى

انا ابلة روضه ما عندى خلفيه بالمراحل الدراسية

الله يوفقج

 

[@ نجمة العطااا @]

الله يجزاكن خير خواتي ويبارك فيكن
أنا مستخيرة وبرد استخير والله يكتب اللي فيه الخير

 

[@ نجمة العطااا @]

الله يجزاكن خير خواتي ويبارك فيكن
أنا مستخيرة وبرد استخير والله يكتب اللي فيه الخير

 

[نماين]

واذ قلتلك اني كنت اسلامية متوسط و نقلت للابتدائي شتقولييين ؟

الحمدلله اريييييييح قل الشغل الي اشتقله بالبيت والحمدلله

نصيحة توكلي على الله وبتدعيلي باذن الله بسس ما تنسين انه بالبداية بتتعبين وبس بلاخير ان شاءالله ترتاحين

 

[واقعيـــة]

رد : ضروري كويتيات تفزعون لي تكفوون ابي مشورتكم ياحكيمات

مااااااااااااااااااااااااااااااااااااا أنصحج بالابتدائي

 

[كــلــ أمــل ــي]

والله يانجمــة ياحيــآتي اني كاان ودي ادرس الابتدائي لاني احب هالفئة اليهاال اعرف اتعامل معااهم اكثر من الكبــآر

والحين مخرعيــني يقوولوون صعبة تنزلين للابتدائي

فماادري هل مجرد كلآم يعني اقدر انزل للابتدائي ولآآ لآزم بعد واسطه ومعرف ايش

ياريت اتنوريني

 

[كــلــ أمــل ــي]

up

up

 

[om Tarooky]

شوفي ميولج وين واستخيري
بس لا تنسين ان بنات المتوسط عوب وما تقدرين عليهم بس الابتدائي يهبلون وتقصين عليهم بجم هديه وبجم كلمه حلوه

 

[@ نجمة العطااا @]

كلي امل الواسطة اكيييييييييييد لازم والا بتنقطين بعد ما تتتعبين ويوافقون بيحطونج صبيان!!!!!
عاد انا بعطي نفسي مهله الى شهر 7 اما اكمل متوسط او انزل ابتدائي من اول السنة الجاية والله كريم