ضروري بنات ابي منكم استفسار ..

[فراشة الكويت25]

السلام عليكم
اشلونكم
ربي يجزاها كل خير اي اترد علي ويرزقها الذريه الصالحه ..


بنا ت انا مثل ما حطيت عمليني اخر الشهر ..

اطفال انابيب ..

انا قالي الدكتور بس اتيلج الدوره تعالي ثاني يوم ..
ابي اعرف شنو اسوي بثاني يوم من الدوره .. قالي يسوي سونار
ابي اعرف السونار داخلي ولا خارجي ..
وقالي يكتبلي على ابر
شنو هالابر وبجم سعرهم وهل في دوا بعد اخذا معاهم .. واذا في شي عن العمليه ياريت اتقولولي..​

 

[نور آلدنيآ]

والله مادري ياليت الخوات يفيدونج

 

[RAIN FALL]

اهلين اختي الله يوفقج
السونار داخلي و الابر يعطونك اياهم من الصيدلية و اكيد اذا محتاجة دواء اخر مثل فولك اسد او اي شي هم يوصفونه لج و لا تحاتين
البنات في موضوع اطفال الانابيب متكلمين عن العملية
و الله يسهل عليج

 

[فراشة الكويت25]

وين اختي متكلمين ياريت تعطيني الرابط وجزاج الله الف خير

 

[WaChoCha]

حبيبتي ثاني يوم الدورة يسوي لج سونار داخلي علشان يشوف الرحم والمبايض والابر هي ابر التنشيط للمبايض اسعار اللي كنت اخذهم بالنسبة لي وحدة كانت ب 60 والثانية كانت عبارة عن ماي و بودر سعر الوحدة 8 دنانير ونص وكنت اخذ ابر بالليل لاني تبويضي ضعيف سعر الوحدة 20 ما ادري بالنسبة لج اشكثر راح يعطيج لان تختلف الكميو من شخص لي شخص
الادوية اللي ناخذها وقت اطفال الانابيب فوليك اسيد ..بيبي اسبرين.. حبوب البروجيلتون وتحاميل التثبيت اتمنى اكون افدتج

 

[فراشة الكويت25]

جزاج الله الف خير وانشالله ربي يرزق كل محروومه

 

[روعة الالوان]

ان شاء اللة البنات يفيدونج يرزقك الذرية الصالحة​

 

[miss_uk]

سونار اكيد داخلي وحبوب كلوميد وابر تنشيط

سعر الابرة مو وايد رخيصة لكن على حسب شكثر تحتاجين
الله يسهل عليج انشاء الله

 

[فراشة الكويت25]

الله يسلمج ويجزيكم كل خير
ويرزق كل وحده ردت على وحتى الي شافوا الموضوع .. وربي انشالله هالسنه اتكون سنه خير علينا ويرزق الجميع ..

انشالله موعدي يوم الاربعا هذي.. وراح اقولكم شنو التفاصيل وربي لا يضيع تعبنا .. ادعولي بالذريه الصالحه الكامله بدون زياده ولا نقصان ..

 

[RAIN FALL]

اهلين اختي فراشة الموضوع اسمه (تجمع للمعالجات في مستشفى الصباح قسم اطفال الانابيب ) ان شاء الله يساعدك
و الله يسهل عليج يا رب و نسمع الاخبار الحلوة

 

[رماديه]

السلام عليكم
اشلونكم
ربي يجزاها كل خير اي اترد علي ويرزقها الذريه الصالحه ..


بنا ت انا مثل ما حطيت عمليني اخر الشهر ..

اطفال انابيب ..

انا قالي الدكتور بس اتيلج الدوره تعالي ثاني يوم ..
ابي اعرف شنو اسوي بثاني يوم من الدوره .. قالي يسوي سونار
ابي اعرف السونار داخلي ولا خارجي ..
وقالي يكتبلي على ابر
شنو هالابر وبجم سعرهم وهل في دوا بعد اخذا معاهم .. واذا في شي عن العمليه ياريت اتقولولي..​

اختي السونار سونار داخلي والابر اتذكر وصلت تكلفتهم 300 دينار تقريبا
الله يرزقج ويرزق كلمن يبي يارب.

 

[فراشة الكويت25]

جزاج الله الف خير ..

وانشالله ربي يرزق كل محروووومه الذريه الصالحه

 

[سموني بنفسكم]

شوفي عزيزتي انا جربت انابيب كثير عند عاصم الحاروني -باتريك - اسامة صالحة- واخيرا عند عالية الفضلي كل دكتور له طريقة خاصة فيه
لكن اللي اقدرافيدج فيه انو من المفترض انك تاخذي الفوليك اسيد قبل العملية بمدة وثاي يوم الدورة راح تبدي نوعين من الابر ابرة ديكابيبتايل وتؤخذ بالفخذ وابر التنشيط وهي انواع فيه دكاتره تفضل المينقون وفيه دكاتره الجونال اف وبالنسبة للجرعة فعلى حسب حالتك واستجابة التبويض عندك وغالبا اسعار الابر ما بين 250 و300 للسونار المتبع في كل ترتيبات الحقن المجهري هو الداخلي انصحك عزيزتي انك تحاولي انت وزوجك تاخذوا الرويال جل وهو غذاء الملكات وينباع في الصيدليات لوقت العملية لانه مقوي ويساعد من تحسن نوعية الاجنة باذن الله الله يكتب لك الخير يا رب ودعواتك ان رب يفرحني بالحمل بتوائم ياااااااااااااااارب

 

[فراشة الكويت25]

اشكرج اختي ..
بس انا ما فيني شي ولا الدكتور كتبلي نوع من الادويه ليوم الثاني الدوره ..بس قالي خلي زوجج يسوي 4 تحاليل والتحليل فرش بيوم العملليه ..واهو راح يجمد الحيوانات حق العمليه وياخذ منهم الشي الزين لان زوجي عنده ضعف شديد يعني ما يوصل حتى نص مليون ..
فمادري هل ماله شغل واا احتاج حق هالابر ..ولا على حسب المرا ..لان انا ما اشتكي من التبويض ولا شي والحمد الله كل شي فيني سليم بس زوجي الي فيه ضعف .. ياريت وحده اترد علي اتكون نفسي تقريبا ..

 

[فراشة الكويت25]

بنات اشدعوه محد رد علي

 

[miss_uk]

حبيبني بالنسبة لأطفال الانابيب او التلقيح المجهري حتى لو المرا ما فيها شيء لا تاخذ منشطات لأن زوجج عندة مشكلة فيحتاجون عدد من البويضات فتزيد فرص النجاح ان شاء الله

يعني ما تسوى كل التعب والخبة على بويضة وحدة

الله يرزقج ان شاء الله

نصيحة
1- القرآن والاستغفار
2- عسل +لقاح النخل+ غذاء ملكات النحل
3- التفاءل والاسترخاء

 

[فراشة الكويت25]

جزاج الله الف خير وربي يرزقج كل الي في بالج ..

 

[++The DuchesS++]

الله لا يضيع تعبكم ويرزقج الذريه الصالحه

 

[حبيبة حمووود]

الله يرزقج وتحمليين الشهر هذا باذن الله ويرزقني وكل محرومه اللهم امييييييييييييييييييييين

 

[فراشة الكويت25]

تسلمين ربي يرزقج ويرزقك كل محروووومه .. انه ربي على ل شي قدير ..


يارب ما اتخلص السنه الا وكل وحده محرومه حامل .. واتقر عينه بشوفه ضناها ..

كل وحده ردت علي او شافت هالموضوع ربي يجزيها كل خير وينولها الي بالها ..


وانا انشاله هالاسبوع موعدي للسونار .. وراح اقولكم كل التفاصيل وابي دعائكم .. ربي يجزيكم كل خير