ضروري.. بسألكم عن عطور انفاسك دخون

[تحب اختها]

هلا يالغاليات ... توني تسجلت بمنتداكم الرووووعه ... بجد منتدى حماسي ماشاء الله
وان شاء الله ماتخيبوني... عشان ابغى الحق التخفيضات بهاليومين .. انا مو من الكويت والتخفيضات موب فيها لو ماخاب ضني.. اسألوا وتأكدوا

انا عروس ان شاء الله بعد كم شهر .. ومهري بصراحه شوي على القد .. وعشان كذه اختار عطوري بعنااايه وبحررص عشان ما انهبل واكرر الروايح واخسر زياده وانا مو ناقصه

بسألكم وش رايكم بعطر (( ديسمبر 2 )) هل ريحته فخمه وتستاهل .. و عطر ( انفاسك واو ))

بصراحه الاثنين مررره عجبوني بس اسعارهم غاليه واخاف مايستاهلون وش ترشحون لي واحد منهم ؟؟؟

وسؤالي الثاني .. هل مستوى عطور انفاسك دخون مثل جنيد ( عطور البحرين وهي سيد جنيد

لان جنيد مررره اسعاره حلوه مقارنه بأنفاسك دخون .. وقلت ادعس على هواي واطنش انفاسك دخون وااخذ من جنيد وبس كم عطر وخلصنا ....

وهل هناك عطور فرنسيه تنافس عطورات انفاسك دخون .... وإلا تحسونها شب وتستاااهل والريال حلال فيها ...

وش تنصحوني .... الله يجزاكم خيررر ويعافيكم ..... مشورتكم ..مشورتكم المستعجله قبل لايروح التخفيض

 

[هزني الشوق؟]

انا حبيت عطر (واو) اكثر من 2 ديسمبر

+ نصيحة اخذي بخور ( شي شي)

ارشح لج هالاثنين من هالمحل اكثر شي عجبني

بالذات بخور شي شي لاتفوتينه الكل يسال عنه

ومع العطر يعطي مكس حلو

+ وعندهم دهن عود بس غالي اسمه (الشيخة شي شي) دايم مخلص من عندهم

جربت دهن عود من عبدالصمد وباسعار خياليه

بس مثل دهن عود الشيخة شي شي مافي لووول

وماجربت سيد جنيد اتمنى البنات يفيدونج اكثر

* اذا شريتي اي بخور من عندهم يعطونج عطر بريحة البخور (صغير 50 مل اتوقع) معاه مجانا

 

[بنت العقربيه]

بصراحه ماعرف العطور الي ذكرتيها

لكن انا برشح لك عطور فرنسية عطور فخمة احبها وثقيلة وفواحه وهي قديمة عشان كذا اتوقع بتكون رخيصه لاني شريت عطر قديم قبل فترة سعرة غير لما شريتة اول مرة
المهم الاربع عطور هم

بوشرون هاذا قديم لكن موجود بالاسواق واذا خف تصير ريحتة على بودر شخصيا مااستغنى عنة وهاذي صورتة

عطر جيفنشي قوي وفواح وريحتة رهيبة

عطر لاليك

روعه









عطر ارماني كود عجيب

عطر البنفسج من سيد جنيد حلو ورخيص ب100ريال
هاذا الي اعرفه ان شاءالله افدتك

 

[تحب اختها]

الله يجزاك الجنه يا هزني الشوق ويعافيك على الرد .. بس عطر شي شي شميته مع بخوره مررره ثقيييل ... مع انه مطلوب كثيرر

شميت دهن العود ( شيخ شي ) يهبببل وماعليه كلام .. احلى من السيوفي والملكي اللي عندهم ... وبشوف ان شاء الله شيخه شي شي ... ويسعدك رررربي

بنت العقربيه .. يجزاك ربي خير ويعافيك على الرد ... عطر جفنشي عندي وماعليه ... وارماني كود بعد يهبببل بس احس ريحته تطيرر بسرعه !!! ... وبجرب الباقي ..

انتظررررررررر مشورتكم يالمجربات

 

[مس سووسوو]

هو المعروف عندهم اسمه شي شي يجي معاه عطر صغيره

موفقه حبيبتي

 

[تحب اختها]

الله يعافيك يا مس سوسو .. ايه شميته ومااااحبيته ابددد رغم انه ثاااااااااااابت مرره بس قوي

وش رايكم بديسمبر 2

 

[الريحونة]

بالتوفيج الغلا

في الامارات عندنا هالمحل ومشهور وعطوراتهم واااايد حلوة حتى الدخون

جربت انفاسك واو..يكون عطر مع دخون ومب عارفة العرض عندكم ولا لأ...خذيه وانتي مغمضة

عطر 2 ديسمبر و 10 اكتوبر بعد حلوين وايد

عطر انفاسك عوووووود رووووووووعة بصدق وسعره غالي

من العطور الفرنسية انصحج بعطر الين

عطر جلاكسي

 

[Pearla & Ribbons]

انفاسكً دخون غالي وموذاك الزود أخذي لوشن منهم وبخوور عود

 

[ابدا يالغالي مانساك]

بصرااحه ماعرف الي ذكرتيهم بس خوذي شي معرروف وحلوو
مثل لاليك فرزتشجي غووتشي
Guess
جفنشي واايد ببالي باريس هيلتوون كارتيرر

 

[((shoOoshoOo))]

حبيبتي دامج عروووس ف عطر شانيل حق العرايس انا بعرسي خذيته صج يستاهل خذيت المجموعه كاااامله من كوكو مدموزيل

 

[تحب اختها]

الريحونه ماقصرتي والله يجزاك خير ويعافيك ... وش الاحلى والاخف برايك ديسمبر2 او اكتوبر !!؟؟؟

وان شاء الله بجرب ( انفاسك عود )) وبالنسبه لعطر الين ايه صدقتي وشريته من ضمن عطوري يهبببببل


ابد يالغالي ما انساك ,,, الله يعافيك عالرد.. ماتتصورين اني شميت اغلب العطور الماركات قوتشي وفرزاتشي و ايف سان لوران بس مافي شي عدل مزاجي ... وعندي بالبيت للاستعمال اليومي من لانكوم وديور وجيفنشي بالهبببل ... بس غي ثباااات انفاسك دخون وخلطاتهم العجيبه مالقيت.. فقلت بشتري من هنا وهناك ...

sooosoo ... الله يعافيك يالغلا.. وترى رحت وشميت اغلب اصدارات شانيل.. وماحبيتهم كثير .. إلا كوكو مودموزيل اللي تكلمتي عنه بس عندنا العطر ابو 50 مل يعني الصغير ب 164 دولار تقريبا فوق ال 500 سعودي .. يعني لو باخذ طقمه كله احجام صغيره ونااار... فالحمد لله طحت على شبيهه من اجمل للعطور وهو ( رين دروبز ) ومعاه طقم وحلو والريحه متقاااااربه ... قلت بحط قروشي بشي مميز وماله شبيه إلين اعرف وش ذوق رجلي ....

 

[@ام يوسف@]

اااب

 

[ناتشوو]

وين موجود بالسعودية؟
وبالتوفيق

 

[تحب اختها]

عندهم فروع في كم مول .. بعضهم يقول في السلام مول .. غرناطه .. البديعه مول ... وارجعي تأكدي من قوقل .. لاني مو متأكده من هالاسواق بس متأكدددده انه في فروع لهم بالرياض وبكم محافظه بالسعوديه ...

 

[ناتشوو]

انشاءالله في مكة يكون بعد