ضروري اللي راحت النمسا من قبل..

[جكورة]

بنات شخباركم إن شاء الله بخير ....:eh_s(8):

بغيت منكم أي معلومه عن فيينا وزلمســي وميووونخ شنو الحلو اللي فيهــم والأسواق الحلوة والرخيصــه ؟ وشنو أحلى شئ أقدر أشتريه من عندهم مو موجود بالكويت ؟؟


وهل تستاهل إني أروحلهم وإلا لأ هالدووول ؟

ومشكورين مقدمــــا ..هالله هاالله فيني مو تخيبووون ظني فيكـــــم ......:eh_s(8):

 

[جكورة]

ألــــــــووووووووو ووووينكم محد سافر للنمسا من قبـــــل:eh_s(13):
:eh_s(14): :eh_s(13): :eh_s(14):

 

[ألماسه]

الله جكوره...النمسا تهبل أحلى دوله زرتها...والحين أهلي فيها...صراحه كل شي فيها حلو الجو والمناظر وأماكن الترفيه وتستاهل انج تروحين لها ...أصلا اذا رحتي النمسا تراح تفكرين انج تزورينها كل سنه وماتبين غيرها (مثلي آنا وزوجي) آنا أحب كل مناطقها وميونيخ زينه بس مو مستوى النمسا
وآنا حاضره لأي سؤال في بالج؟

 

[جكورة]

بعـــد عمري ألماسه مشكورة على المرور الحلو ولج هذي منــــي:eh_s(17):


شنو أحسن أماكن التسوق ....؟ وشنو الشي الحلو عندهم وموموجود عندنــا ؟

وبغيت أسواق رخيصه للهدايـــــا ؟

ومشكورة:eh_s(17):

 

[ألماسه]

الأماكن التي تستحق الزياره في فيينا:
1-ساحة ستيفنز روعه وتشرح الصدر كلها سوق ومطاعم وقهاوي على الطراز الأوروبي ومحلاتها حلوه للأطفال...:eh_s(15):
2-الزحيلقيات الصيفيه تهبل حق الكبار والصغار وفي وحده نفسها في زلمسي لكن المناظر تختلف...بس رحله ما تطوف تصعدين بتلفريك و تنزلين بالزحليقيه...وناسه:eh_s(9):
3-ملاهي بلاتر ...ألعابها حلوه.
4-قصر شرون برون ومنطقة القصور وبجانبها حديقة الفراشات والمتحف التصوير فيها روعه...:eh_s(15):
5-مغارة هتلر وفيها أكبر بحيره تحت الأرض في العالم وتركبين قارب فيها وبرودة الجو فيها مو طبيعيه....تستحق الزياره.:eh_s(9):
6-ريف فيينا...عجيب...
7-بحيرة الشيك بالقرب من السنتر والأسواق اللي يمها حلوه...
8-مجمع بادن بادن أوبادل بادل وهو ثاني أكبر مجمع في أوروبا..
9-رحله على يخت راقي في نهر الدانوب وفيه مطعم...وشوفي المناظر الخياليه...اللي تمرين عليها....أمبيه ما تطوف...
10-برج الدانوب وفيه مطعم وتشوفين كل فيينا من فوق.....
وراح أكملج عن زلمسي وميونيخ...انشاءالله

 

[جكورة]

:eh_s(17): :eh_s(17):


ننتظر البقيــــــه

 

[عسولة الكويت]

جكورة فيينا قطعه من الجنه خياااااااااااااال واذا رحتي لها هالسنه تحلفين تروحين لها كل سنه

بالنسبة للتسوق عندج أماكن واجد الأشتيفنز وماريا هيلفر ستراشا وسود سنتر

والهدايا بس دشي H&m و C&a وحملي هدايا روعة وشغلهم يهبل ورخيص

والصراحة مافي شي موعندنا سوقتنا فيها كل شي بس المحلات هذي رخيصة تشترين شغلات شتوية روعه وكشخة ورخيصة حيييييل والبوتات حق الجهال خيالية بال C&a وبلاش ..

ميونيخ نفس المحلات موجودة والتمشي بالمارين بلاتز يرد الروح وجواتي الرياضة بميونيخ عجيبة

زيلامسي روووعه بس واجد عليها 3 أيام لانها بس بحيره وتلفريك وقوارب

واذا تبين شي انا حاضرة

متى ناوية تمشين ان شاء الله ؟؟

 

[ألماسه]

هلا جكوره يا قلبي ما سوينا شي...وعلى فكره ترى انتي من الأعضاء الي أعزهم حيل ولا يهونون الباقي...وأي شي بخاطرج اسأليني عنه

 

[ألماسه]

هلا عسوله وكلامج كله مضبوط عن السوق...بس سوق ماريا هلفر لازم تروحين له بالقطار ويبعد عن فيينا ساعتين الا ربع وكل الماركات فيه...وهو يختلف عن شارع المشاه (ماريا هلفر)اللي في فيينا وقريب من السنتر...
ودريتو ان H&m راح يفتح بمارينا

 

[جكورة]

عسوووله ألف شكر لج يالغاليه ومشكورة حياتي....:eh_s(17):

وإن شاء الله السفرة الأربعاء 16/8 بإذن اللــــه


ألماســــــه نخدمج بالأفراح ياحياتي كفيتي ووفيتــــــي:eh_s(17):

 

[عسولة الكويت]

ألماسة انا اللي اقصده شارع المشاة ماريا هيلفر

انتي تقصدين شوبنغ سيتي اللي بطريق ايطاليا صج ؟

 

[ألماسه]

زلمسي....
1-بحيرةزلمسي اللي يم فندق جراند أخذوا قارب وتمشوا فيها...وأكلوا البط...ماشاءالله جنة الله في الأرض...
2-الزحليقيات الصيفيه...تهبل
3-رحلة الثلج ولازم تركبين تلفريك على أربع مراحل علشان توصلون للثلج رحله تستحق الزياره..
4-شلالات كريمل رهيب المكان ...
5-السنتر يونس مطاعم وقهاوي والتمشي بالسوق حلو بس البضاعه مو حلوه
6-لازم تروحين سالزبورغ تهبل ...فيها رحلة التلفريك فوق البحيرات السبع ورحلة بحيرة الوولف قنق خياليه وبالمره زوري بيت موزارت....
7-واذا كنت بزلمسي أوميونيخ لا تنسين تزورين ايطاليا وترجعين في نفس اليوم روحي فينيسيا (مدينة البندقيه) تبعد ثلاث ساعات ونصف بالسياره بس ماراح تحسين فيها من جمال المناظر اللي تمرين عليها...أو روحي لمدينة كورتينا الايطاليه اللي فيها سوق ويسمى بشارع الماركات

 

[ألماسه]

هلا عسوله...عدل اللي أنا أقصده بمنطقة لينز...مو بفيينا...
جكوره متأخره رحلتج...كم المده اللي بتقعدينها...بروحكم والا مع جروب لأن الوضع يختلف...؟

 

[ألماسه]

أبي أكملج لأني أنا باجر الصبح مسافره....
ميونيخ:
1-السوق موجود في منطقة المارينا بلاتز وهو شارع للمشاه طويل وفيه مطاعم وقهاوي....بس نصيحه أي شي يعجبج في فيينا أخذيه لا تقولين اذا رحت ميونيخ آخذه لأن احتمال تلقينه خالص لكثرة العرب في ميونيخ...والبضاعه تخلص بسرعه ومحلات كثيره متشابهه بين فيينا وميونيخ....
2-رحلة قارمش لا تطوفينها...
3-ملاهي sixflax حلوه
4-الحديقه الانجليزيه
5-الملعب الألومبي وما بجانبه من محلات
6-مجمع الريم أركادا
أتمنى اني مانسيت شي ورحله سعيده باذن الله ولا تنسين المظله ضروري معاج بكل مكان...لأن المطر ينزل فجأه...وصدقيني راح تستانسين....بس أبي منج وعد اذا رديتي بالسلامه قولينا عن رحلتج....
وادعيلي من قلبج ان الله يرزقني بالذريه الصالحه...
في أمان الله

 

[جكورة]

ألماسه مشكورة ياعمري ورحله موفقه لج ولي والله يرزقج بالذريـه الصالحه..

طبعا تأخرت سفرتي لأني يوم الأربعاء بخلص الميداني الصبح وبطيـر بالليل ورايحه مع رفيجتي وزوجها بدووون قرووب..

وإن شاء الله لي لقاء معاج بعـد العوده ....فمــــــان اللــــه:eh_s(8):

 

[تينا]

حبيبتي أنا رحت النمسا في 98
طبعا فينا حارة شوي و فيها مدينه ملاهي تشبه الشعب بس على أكبر و فيها شارع طويل كله سوق و أسعارة مثل الكويت تقريبا
زلمسي مافيها سوق يذكر بس جان تذكارات بسيطة بس شنو منطقة صغيرة و هادية ، فيها بحيرة كل يوم الناس تروح لها فيها يأجرون مراكب و دونت و بنانا للشباب
و بجانب زلمسي في مناطقق حلو للتمشي و جبل كابرون فيه نهر باااااااااااارد موت حق كشته
بس منطقة تهبل الي يروح لها يبي يروح لها مرة ثانية

بالنسبة للسوق أنصحج تروحين ألمانييا ( ميونخ ) مدينة التسوق فيها كل شي رخيص و غالي و لايطوفج كافهوف مجمع من 6 طوابق يبدي الغلى فيه من السرداب ألى أعلى و فوق كلش مطعم



بس بصراحة الله يهنيكم على هالأختيار

 

[جكورة]

تينـــا مشكورة على المرور الجميل والمعلومـــات الأجمـــــل...:eh_s(15):

 

[ظلال القرآن]

توني راده اتينن وكنت مقيمه بزيلامسي وطلع منها لكل مكان

اجرنا سياره استانسنا

يلا نبي نسمع منج اخبار حلوه

 

[ام لمى]

الحمد الله على سلامتك ياظلال آنا توني رادة البارح بصراحة ماقصرتي استفدت من المعلومات اللي كتبتيها قبل لااسافروالديرة عجيبة صج ليقالوا جنة الله في ارضه بس كنتي باي فندق؟احنا سكنا بكابرون اهدأ

 

[ورد وردي]

انا شفت كل الي قلتوا عنة لما زرتها الا ثاني اكبر مجمع بأوروبا واااااااي طافني