ضروري الرد:)

[أنا كويتية]

السلام عليكم

بنات الله يخليكم اللي تعرف أحسن جراااح للركبة في المستشفيات الحكومية او الخاصة تفيدني //وحتى بعد أبي أعرف احسن مركز للعلاج الطبيعي سواء خاص او حكومي لإن أنا عندي مشكلة بالركبة وهي خلع عظمة الصابونة قالولي سوي علاج طبيعي وترجع الركبة بمكانها الطبيعي سويت ومانفع قالولي خلاص سوي عملية!

رايكم؟؟

 

[ام غمازهـ]

اب لعيونج

 

[موني 66]

شوفي الغلا اذا تقدرين تسافرين الفلبين في دكتور هناك يعالج بس اذا كنتي سبق وسويتي عمليه مابيعالجج واحد يقرب لنا كان يشتغل بشركه وقدم تقاعده لانه ماعاد يقدر يمشي يوم كلمه قاله اذا مسوي عمليه لاتجيني قاله لا قاله تعال والله الرجال رجع يمشي الحين اختي فيها تمزق في في القدم نفسها مو تمزق بس اللي فهمته منها ان مع الوقت اذا ماسوت عمليه مابتمشي الحين بتروح له بس شرطه انها ماتكون مسويه عمليه والله الريال هذا اللي مقدم تقاعد رجع يمشي وهم شايلينه على كرسي بس الله كريم اذا تبين بجيبلج رقمه اذا حابه

 

[أنا كويتية]

شكراُ على الأب

محد رد علي لو إنه عن تكبير شفايف صدر تجميل الخشم بمعنى ثاني تغيير خلقة ربي جان أشوف الردود ماشالله اللهم زد وبارك! لإني إذا دخلت هذا القسم اللي تقول صورة خشمي قبل العملية واللي بعدها !! ولا الصدر ولا شفط الصراحة هذولي مساكين وماعندهم سالفة مادري هذولي شمفكرين حالهمــــــ ههههههههههههههههههاي صج لا قالوا
"أصحاب العقول في راحة"
كل هذا علشان المظاهر !!

لاحول هذولي بالذمة شلون يواجهون ربهمـــ؟؟!! شلون؟؟مايخافون على نفسهم من كلام الناس من تعليقاتهم والأهم من هذا من ربي سبحانهــ أنا أقول للي يحاولون يغيرون خلقة ربي احمدوا ربكم على نعمة ترى غيركم لا عندهــ إيد ولا رجل واللي مايشوف واللي اللي حالتهــ لا يرثى لها لكن الفرق إنهم يحمدون ربهم ..........


تقبلوا تحياتي: مربية الأجيال المستقبلية

 

[أنا كويتية]

اي والله ياريت ابي رقمه
مشكورا

 

[موني 66]

الله يعطيج العافيه اكيد لو احد عنده علم بيرد عليج ترا يمكن محد يعرف والتمس لاخيك العذر واجعل له 99 عذر بعد ترا لو يعرفون بيردون ماعتقد اذا احد يعرف بيسكت اكيد بيجاوبج وسعي صدرج وذكري الله وترا بكلامج ساويتي بين الكل مريض وهب مريض ياما في ناس يسون عملياتهم علاجيه مش شرط تجميليه يعني الواحد يقول الحمد لله على النعمه ولا في احد يدور الشقا ويروحله ياختي وكلن وكيفه وربي لان ماتحكمين على الواحد اذا هو يحمد ربه او لا عموما اختي انا اول مادخلت وقريت رديت عليج واذا تبين اطباء تدخل جراحي في بالسعوديه دكتور ممتاز سواء بالرياض او بالخبر اللي بالخبر عن تجربه ونفس اللي انتي طالبته واللي بالرياض كذالك لاكن انا شفت ان اذا ممكن من غير تدخل جراحي بيكون احسن محد يحب العمليات وطرايها بس كلن له ظروفه
واسفه اذا ضايقتج بردي

 

[موني 66]

تبشرين من عيوني انا بكره بجيبلج الاطباء اللي بالخبر واللي مسوين نفس حالتج وايد بس امانه اذا حصلج هذا اللي بالفلبين روحيله احسن لج من الالم ولاني معايشه الم حقه من خلال عمتي بس تبشرين بكره اذا ربي كتب برسلهم لج اساميهم وارقامهم والفلبيني عطيني بس يومين اكلم اختي تدزه لي
وربي يرفع عنج السو ويشفيج يارب وانشالله ماتحتاجين عمليه

 

[موني 66]

صباح الخير الغاليه
هذا رقم مستشفى مانع الخبر فيه دكتور سوداني استشاري انا كنت رايحه له ممتاز وفوق ماتتصورين طلبيه من الاستعلامات قوليلهم هو سوداني استشاري عظام جنسيته بريطانيه ناسيه اسمه بس بحاول اجيب اسمه مع رقم الطبيب الفلبيني اذا قامو يتفلسفون وقالو بيحولونج على عبدالله العثمان انتبهي عمليته حظك نصيب ساعات تصيب وساعات تخيب فتح ظهر عمتي 3 مرات على اساس ان الم رجلها من الظهر واخر شي قال ودوها المانيا ماعرفنا لها هنا ويوم ربج راد سوا الها دكتور عمليه تببديل مفاصل وطلع الم الظهر من المفاصل وقالها الطبيب ان يوم كنا ندرس حالتج ان الم ظهرج من مفاصل رجولج بس محد سمعني لاني مش سعودي عموما
هذا رقمهم طلبي الطبيب السوداني استشاري ممتاز كل يوم 4 عمليات يسوي ومسوي لناس نعرفهم038987000
وانشالله بجيبلج رقم الفلبيني قريب

 

[صخر جلمود]

آب

آب

وماتشووفين شر

 

[أنا كويتية]

موني أنا كتبت الرد قبل لا أشوف ردج!
وأنا بردي ما عممت خصصت لكن اللي خصيتهم كثيرين!!
_________________________________

مشكووووووووووووووووووووووورة يا الغالية بميزان حسنانج إن شالله وأتمنى تعطيني الرقم اللي بالسعودية لإن الفلبين صعبة ...

يعطيج ألف عافية :eh_s(22):

 

[أنا كويتية]

عفوا صار عندي التباس!أقصد رقم الفلبيني!

وشكراً لج أختي