ضروري الخبيره بالاوت لت بلندن وفرنسا

[brettey]

السلام عليكم ياحلوات
ضروري ابي اعرف مكان الاولت لمحل شانيل بلندن وفرنسا رفيجتي تبي تروح علاج مع امه حق لندن وبتمر فرنسا ا وتبي تعرف وين مكانهم تبي تنتهز الفرصه حق انها تشتري

 

[rawona]

مااتوقع ان شانيل عندهم اوت لت لا اهم ولا lv واذا صج فيه يالله فيدونا لووول



الاوت لت اللي اعرفهم بلندن اثنين بيكستر فيليج ويبعد عن لندن ساعه الا ربع بالقطار

والثاني في بورتسموث ويبعد ساعه ونص تقريبا بالقطار


الماركات الموجوده ديور - بيربيري- سلفاتور فيرغامو- كافالي - فيرساتشي- بولو- رالف لورين - ووايد ماركات بس مو بينهم شانيل او ال في


وفي فرنسا واحد يم ديزني نسيت اسمه بس اذا يم محطه القطار بعد مو بعيد اذا رحتوا اهناك وسألتوا بيدلونكم انشالله

موفقه
​

 

[brettey]

بعد عمري ما قصرتي انا سمعت انه في بفرنسا محل اوت ليت اسمه فاليه مارنيه فيه شانيل بس ابي اتاكد

 

[estbrq]

حبيبتي الاوتليت اللي في فرنسا اسمه لافيلاج وتروحين له علي الرير اللون الاحمر المحطه قبل الاخيره لان الاخيره محطه ديزني واسم المحطه val d Europe ومكانه اول ماتطلعين من المحطه راح يكون فيه مجمع كبير على يمينج الاوتليت بعد المجمع يعني تروحين له من داخل المجمع وبصراحه يسوى حصلت جنطه بربريز تقريبا 100 وشى دينار وفي مجمع لافييت حصلتها بحدود 280 دينار ونفس الجنطه نفس الموديل والخامه بس اللي يفرق المكان

 

[اوملييتا]

في اوت ليت بربري داخل لندن في منطقة اسمها هاكني اند تاون و في اوت لت في بيستر فيليج
ووانا سمعت عن اوتلت شانيل في لندن بس لما رحت له ما كان اوت لت كان محل عادي بس عنده موديلات
شانيل القديمة بس الاسعار نفسها مو رخيصة

 

[فرنسا]

حبيبتي الاوتليت اللي في فرنسا اسمه لافيلاج وتروحين له علي الرير اللون الاحمر المحطه قبل الاخيره لان الاخيره محطه ديزني واسم المحطه val d Europe ومكانه اول ماتطلعين من المحطه راح يكون فيه مجمع كبير على يمينج الاوتليت بعد المجمع يعني تروحين له من داخل المجمع

فعلا ماشاء الله عليج هذا الوصف دقيق لة ولكن ديري بالج تري مافية سيل السيزن اللي طاف لا السيل موجود بمحلات باريس اللي فية سيل موسمين طافو او اكثر وكل ماتسال يقولون لها هذا 2008 او 2007 و2006صيفي ولا شتوي وسعرة قبل وبعدوالسيل الجديد يقولون لج في باريس باحد المحلات يحطونهم
لكن الصراحة حدة داثر ........انا كلش ماعجبني بالنسبة لي ازيدهم واشتري جديد احسن

 

[QATAR QUEEN]

انا رايحه الي بلندن والي بفرنسا ومافي شانيل ياعمري الاخت راونا ذكرت لج المحلات الي ببكستر فيلج اما اوت لت لي فالي الفرنسي بتلقين فيه كنزو-ميسوني-دولتشي اند جابانا-كريستيان لاكروا-جيفنشي-رالف لورين-كوتش-سلفادور فيراغامو ومحلات كثيرة بس شانيل مو من بينهم..واذا تبين الروابط تفضلي:
لندن
http://www.bicestervillage.com/bicester/home.asp
باريس
http://www.lavalleevillage.com/lavallee/home.asp

تحياتي

 

[فرنسا]

فعلا حبيت اضيف لافي شانيل ولا ديور ولا ولا
اللي فية فيرجامو وسيلين وكينزو وفيرساتشي وارماني وبربيري وتومي وتمبرلاند وبونجورو بوما وبعد مماتذكر الحين
لكن كلة قدييييييييييييييييييم

 

[brat]

مثل ما قالوا البنات أكبر وأحسن آوت لت ماركت ببريطانيا اهوا Bicester ينلفظ بستر موو بكستر

وفي محل بليفربول ومانشتسر مادري إذا له فرع بلندن يبيع ماركات مثل Gucci, Prada, Miu Miu وبعد جم ماركه وعلى بعض البضاعات خصم وايد زين

اسم المحل Flannels

 

[brettey]

ماقصرتوا

 

[ظلال القرآن]

شانيل ولوي فيتون ما عندهم اوت لت ومايسون خصم كلش واسعارهم ترتفع وتنزل مع اليرو

اوت لت لندن م شفته بس اوت لت باريس رحتله وما شلت منه العود يلوع الجبد بضاعه قدرمه والاسعار غاليه

 

[أم أنور]

أمبيه وايد استفدت منكم