ضروري ابي جواب علي سؤالي

[الكويتية28]

شلونكم بنات
انا زوجة جدي توفت اليوم ابو أبوي ومطلق أمي. وصديقتي عندها بعد أسبوعين عرس اخوها. وطالبتني احضر فشتقولون عادي اروح عرسهم او فشله. أهي تقول مرة جدت اللي توفت فعادي. فحبيت أخذ رايكم

 

[ام فواازي]

اذا انتي مالج علاقه فيهم كلش لا من قريب ولا من بعيد وماتعرفين عمانج وعماتج عيال هالمره عادي مأشوف فيها شي بس اذا علاقتج فيهم قويه لا فشله عشان خاطرهم ماتروحين

 

[ام فواازي]

والله يرحمها برحمته و بالحق الحزن 3 ايام غير جذي بدعه
اعرف وحده توفى ولدها و عرس ولدها الثاني بعد شهر مأجلته بس خلته من غير اغاني بس قصايد و لبست و تحنة وبناتها حطو هالمكياج وكشخو مع ان اللي توفى حيل حبوب والكل فقده بس سبحان الله هالمره فيه دين وقوة ايمان عجيب

 

[Patcholli]

مرت يدج مادري احسها وايد بعيده صح ؟؟

بس هم يعتمد على عوايدكم يمكن انتو كنتو قراب منها مادري شنو طبيعة علاقتكم فيها حياتي

 

[روانتي 12]

اذا علاقتج قويةة فشله لا تروحين . . واذا علاقتج وياهم سطحيه روحي . .

 

[الزورق222]

الحزن ثلاث ايام ..ويرجع الموضوع للاعراف عندكم فى القبيلة وللاهل ..

 

[قموووره]

اذا انتو من النوع الي تتزاورون او حتى ابوج يوصلها وعلاقته زينه معاها لاتروحين علشان خاطر ابوج اما اذا كنتو بعيد عنها ومالكم شغل فيها روحي​