ضرس ولدي انكسرالحل يابنات

[ملاك الغيد]

مساكم ورد

يابنات ولدي عمره 8سنوات جاني يركض ولا ضرسه الامامي منكسر واهوا قاعد يلعب دعم الطوفه وانكسر وعندي الكسره اللي طاحت تكفون دلووووني شسوي لاني جنه سمعت انه يتلزق السن اللي منكسر وايه بعرف شلون الكسره شحطها فيه عشان ماتتلوث

ابيكم دلوني على عيادة اسنان تعدله لي سواء حكومه ولا خاص

 

[om deaj]

ماعتقد بس جان وديتيه اي مستوصف وسالتي

 

[ملاك الغيد]

ياربي وانا متامله يعدلونه مشكوره حبوبه

 

[تهبل و تستهبل]

هلااا حبيبتي صج اني مو ام و لا كبيره حيل ههع بس لان ولدج ذكرني بنفسي من جم سنه كنت اركض و لا اطيح و ضرسي انكسر قعدت احن على ابوي يوديني الطبيب المهم رحنا مستشفى الفروانيه للاسنااان ... العصر يفتحووون عياااده التجمييل انتي روحي و على طوول راااح يدخلوونكم بس ترااا ولدج صغييير و رااااح يعوره واااايد بس عاااد عواار و يرووح

 

[أميرة طفولتي]

هلا حبيبتي

مايشوف شر انشالله

ودييه مستوصف منطقتكم الصبح او العصر على راحتج
والدكتور يسويله حشوه تجميليه يكمله ضرسه الي انكسر
وما اتوقع يركبله القطعه القديمه من ضرسه شلون يلصقها !!
بس الاكيد الاكيد ان يسويله حشوه تجميليه يكمله
ولا يبين ان مسوي شي جنه ضرسه طبيعي
ولا عوار ولا شي انشالله

انا اخوي نفس الشي انكسر الضرس الامامي
وراح المستوصف وسووه

 

[قبلة مطير]

حبيبتى لا تفكرين ولا تحاتين
بسمالله عليهم عيالنا طاقه مو طبيعيه
انا ولدى نفس ولدج كان عمره 9 سنين وتدرين
الاسنان ثايته ماراح يطلع له سن
شوفى ولدى السن الامامى انكسر ثلاث ارباعه تخيلى بقى
باللحم شويه فديته زعل لان لما يضحك يضحكون عليه الجهال
متخيله شكله وديته الاسنان المستوصف وطبعا سووا حشوه للسن
الامامى وطبعا موصول بالباقى من سنه وصار جنه صج ضرسه
بس لازم تقولين له ما ياكل عليه لان ديكور مو صجى
تخيلى ولدى الحين عمره 11 وكم مره يطيح ضرسه يعنى 6-7 مرات
مره اكل تفاحه والا الضرس بالتفاحه لزق
فتعود ولدى الحين يحافظ على ضرسه لان يعرف مو دايم راح يركب
لان راح يكون تعب على الباقى من الضرس فلازم يحافظ
فحبيبتى لا تفكرين والله يصلحهم ويهديهم

 

[dnyay_mll]

البنات ماقصـروا

بس هالضرس اللي طاح دائم؟؟
اذا لا راح يطلع بروحه

 

[•Brown•Sugar•]

ااذا كان كسر مو واصل للثه يسوون له تجميل ومايعور

 

[@ام يوسف@]

ما يشوف شر يارب

 

[PuPa^^SWeeT]

وديييه اي عيادة اسنان

بس عادي اغلب اليهال تنكسر اسنانهم

 

[ملاك الغيد]

وديتة للعياده وشالو العصب ويبيله جلستين ويظبط بس مو نفس الاول اكيد

بس كسر خاطري يبجي


ماقصرتو بنات على ردودكم ومساعدتكم مشكورين