ضرسي شب علي + لمة آكل شي معدتي تعورني

[التفاحة الحمرة]

السلام عليكم

شلونكم بنات

انا حامل و توني بالشهر الاول
ضرسي شب علي و حايشني صداع راسي ينبض
و الحين شربت شوربة عشان تخفف علي
حاشني عوااار بمعدتيي مثل حرقه

مادري شسوي منو عندها حل

 

[المكسيكيه]

مبروك على الحمل

سلامتج ما تشوفين شر

حبيبتي روحي المستشفى

 

[shjoonaa]

حاولي تمضمضين بماي وملح

وماتشوفين شر

 

[التفاحة الحمرة]

مشكورين عالرد حبيباتي

عادي آكل بندول الازرق العادي ؟؟

 

[التفاحة الحمرة]

بنات ساعدوني الصداع قام يزيد و مادري شسوي

 

[أحب الصدق وأعمل به]

الله يشفيج ويعينج أنا بحمالي بولدي من اول شهر صداع مو طبيعي للسادس الله يكافيج الشر أخذت باندول مسكن مكتوب عليه ٨ ساعات مفعوله نسيت اسمه بس عادي أخذي باندول الخفيف اللي علبته ازرق عادي للحوامل أنا سويت حجامه يالله ارتحت اصلا أنا فيني صداع نصفي بس الحمدلله ارتحت وايد من الصداع

 

[التفاحة الحمرة]

اخاف اخذ بنادول توني اول شهر

 

[dlll3]

التفاحه حبيبتي تعرفين البندول الي يعطيج المستوصف هذا رووووعه وخفيف للحامل اخذيه انا اخذه لان فيني عوار راس مو طبيعي
وبالنسبه للضرس روحي للصيدليه قولي ابي مسكن للضرس بالقرنفل اللي انسميه مسمار عاد هو يجي نفس الدوا سائل فيه فرشه تحطينه على ضرسج وقوليله انا حامل

 

[التفاحة الحمرة]

مشكووورة حبيبتي
قصدج بنادول العادي اللي علبته زرقا ؟؟

انا خذيت مسمار و طحنته و عضيته بس مابلعته طلعته
اعضه شوي و اطلعه ، احس لثتي خدرت بس الضرس لا