- إنضم
- 1 مارس 2011
- المشاركات
- 769
- مستوى التفاعل
- 1
- النقاط
- 0
السلام عليكم ..
بكتب لكم قصه واقعيه حصلت في مجتمعنا ومازالت مستمره ولا لها اي حل
يمكن ردودكم تكون اهي الحل ويمكن يكون حلكم مثل حلي طلب الهدايه لهم
القصه ابطالها اربع بنات كل وحده فيهم لها سالفه بروحها وكل وحده راح تكتب قصتها بايدها للعلم اهم خوات
راح تبلش بالقصه الام وراح تعرفكم على نفسها واسرتها الصغيره
الفصل الاول ..
انا ام البنات اسمي نوره عمري 45 سنه تزوجت صغيره حيل حتى ما كملت دراستي بالمتوسط
طبعا زواجي تقليدي ابوي كان صديق ابوه وانخطبت وتزوجت على فكره انا سنيه واهو شيعي
(طبعا شيعي سني مو مهم بس انذكر هالشي علشان بعدين تعرفون السبب )
الله رزقني بثلاث بنات ورا بعض كنت احبهم اكثر من نفسي بس عيشتي مع ريلي وتعامله معاي حدتني اني اطلب الطلاق وفعلا تطلقت بس المصيبه يوم المحكمه
كنت واقفه جدام القاضي وكان ابوي معاي وريلي
انا كنت ساكته افكر فبناتي وحالي وخايفه من ابوي لان كان عصبي حيل وما عمري حطيت عيني بعينه
ولا يقول القاضي البنات بحضانة الابو لان كان زواجنا في محكمة الشيعه
ابوي رد وقال : اي موفق واصلا امهم ماتبي تشوفهم كلش لا اهم ولا ابوهم انا مو متكفل اصرف عليهم واربيعهم حقه
طبعا انا كنت اطالع ابوي ومن داخلي صراخ وبجي بس خايفه ابوح فيه
مرت ثلاث اسنين ماشفت بناتي اسمع انه الكبيره بدور دخلت الروضه وكنت اشتري ملابسها وازهبهم جنها عندي بس اشمهم واقعد الصبح وافكر اذا داومت ولا لا
كنت اسمع اخبارهم من الناس
ترجيت اخوي علشان ايبلي بنتي بدور لو خمس دقايق وفعلا يابها لي الصبح وراحت بليل اهي وخواتها وهذي اول مره اشوف فيها فاطمه تمشي وساره تتكلم والسانها حلو بالكلام وبدور كبرت وصارت متبتبه وحلوه
راحو مني وعقبها بسنتين لين دشوا كلهم المدرسه وسمعت انه ابوهم تزوج وصار عنده بنت وولد زارتنا امه
واطلبت مني ارد علشان بنات لان محد راضي يهتم فيهم واهم بروحهم وطبعا على طول رضيت ورديت حق بناتي بدون تردد وتميت اربي فيهم حالي حال اي ام وحملت بمنيره و فرحت بشوفتها وكان لها معزه خاصه بقلبي
بس للاسف ريلي وايد هاملني وكله مع مرته الثانيه وانا الغيره شابه بقلبي وفجاه قررت ...
هذا موجز من قصتي ولي الحين مابلشت لان اعتبر هذا تعريف بسيط عن حياتي وحياة بناتي
علشان ماتتخربطون بدور الحين عمرها 25
وساره 24
وفاطمه 23
ومنيره 16
تابعوني بالفصل الثاني علشان تعرفون باجي قصتي وقصص بناتي ..
بكتب لكم قصه واقعيه حصلت في مجتمعنا ومازالت مستمره ولا لها اي حل
يمكن ردودكم تكون اهي الحل ويمكن يكون حلكم مثل حلي طلب الهدايه لهم
القصه ابطالها اربع بنات كل وحده فيهم لها سالفه بروحها وكل وحده راح تكتب قصتها بايدها للعلم اهم خوات
راح تبلش بالقصه الام وراح تعرفكم على نفسها واسرتها الصغيره
الفصل الاول ..
انا ام البنات اسمي نوره عمري 45 سنه تزوجت صغيره حيل حتى ما كملت دراستي بالمتوسط
طبعا زواجي تقليدي ابوي كان صديق ابوه وانخطبت وتزوجت على فكره انا سنيه واهو شيعي
(طبعا شيعي سني مو مهم بس انذكر هالشي علشان بعدين تعرفون السبب )
الله رزقني بثلاث بنات ورا بعض كنت احبهم اكثر من نفسي بس عيشتي مع ريلي وتعامله معاي حدتني اني اطلب الطلاق وفعلا تطلقت بس المصيبه يوم المحكمه
كنت واقفه جدام القاضي وكان ابوي معاي وريلي
انا كنت ساكته افكر فبناتي وحالي وخايفه من ابوي لان كان عصبي حيل وما عمري حطيت عيني بعينه
ولا يقول القاضي البنات بحضانة الابو لان كان زواجنا في محكمة الشيعه
ابوي رد وقال : اي موفق واصلا امهم ماتبي تشوفهم كلش لا اهم ولا ابوهم انا مو متكفل اصرف عليهم واربيعهم حقه
طبعا انا كنت اطالع ابوي ومن داخلي صراخ وبجي بس خايفه ابوح فيه
مرت ثلاث اسنين ماشفت بناتي اسمع انه الكبيره بدور دخلت الروضه وكنت اشتري ملابسها وازهبهم جنها عندي بس اشمهم واقعد الصبح وافكر اذا داومت ولا لا
كنت اسمع اخبارهم من الناس
ترجيت اخوي علشان ايبلي بنتي بدور لو خمس دقايق وفعلا يابها لي الصبح وراحت بليل اهي وخواتها وهذي اول مره اشوف فيها فاطمه تمشي وساره تتكلم والسانها حلو بالكلام وبدور كبرت وصارت متبتبه وحلوه
راحو مني وعقبها بسنتين لين دشوا كلهم المدرسه وسمعت انه ابوهم تزوج وصار عنده بنت وولد زارتنا امه
واطلبت مني ارد علشان بنات لان محد راضي يهتم فيهم واهم بروحهم وطبعا على طول رضيت ورديت حق بناتي بدون تردد وتميت اربي فيهم حالي حال اي ام وحملت بمنيره و فرحت بشوفتها وكان لها معزه خاصه بقلبي
بس للاسف ريلي وايد هاملني وكله مع مرته الثانيه وانا الغيره شابه بقلبي وفجاه قررت ...
هذا موجز من قصتي ولي الحين مابلشت لان اعتبر هذا تعريف بسيط عن حياتي وحياة بناتي
علشان ماتتخربطون بدور الحين عمرها 25
وساره 24
وفاطمه 23
ومنيره 16
تابعوني بالفصل الثاني علشان تعرفون باجي قصتي وقصص بناتي ..
