ضايق خلقي والسبب عيالي

[احلى كويتيه]

حبيباتي

خواتي


ضايق خلقي


وصاكه الدنيا فيني



اتكلم من صجي والله ما اتغشمر


ناويه السفر ان شاء الله بس عيالي ما ادري وين اخذهم
اروح معاهم لاوربا والا استراليا والا تركيا ارحم
والا اروح مع هلي مصر لان عيالي متعودين حيل حيل على هلي وهلي بيطولون يمكن فوق الشهر وكل ماروح لهم يتكلمون عالسفره وولدي 4 سنين متحطم ماما نروح معاهم والا لا وانا ما ودي بمصر ولأن عيالي صغار 2 و4 سنوات هذا الي مضيق خلقي وين اسافر معاهم

الله يعطيها الي تمنى الي تشور علي
ومشكوريييييييييييييين مقدما

 

[¤§ زيتونة §¤]

حبيبتي انتي

ليش كل هذا الضيق والقلق؟؟؟

عيالج الله يخليهم يبون الوناسة واللعب والراحة والصراحة تركيا انسب شي لهم وحلوة طبيعتها وفيها العاب ووناسة وعائلية وايد
وبعدين اسعارها زينة ومعقولة وتذاكرها ارحم من استراليا وامريكا..
عالاقل اسلامية وتاكلين كل اللي خاطرج فيه مو تسالين عن كل شي حلال ولا لا مثلنا يوم رحنا فرنسا هههههههههههههه ما ناكل الا بسؤال
ومصر زحمة والجو كله ملوث ويالله تلاقين لج مكان تمشين مع انها حلوة وعائلية بعد بس ما ادري ما احب اروحها كثر تركيا .......


اما بالنسبة للعمر فانا خذيت بنتي عمرها اقل من سنة حق تركيا لا بالسيارة بعد
والحمدلله رحلة حلوة وومتعة
وخذيتها بعد عمرها سنة وشوي وما كان في اي صعوبات
عموما انا رايي تركيا وانتي شوفي ابوكم وشوفي موضوعات عن تركيا وسايتات توريج جمالها ومناطقها واسوقتها

في موضوع عنها دوريه تلاقين فيه اشياء حلوة


وموفقة

 

[النوالنو]

الله يسهل عليكم يارب

 

[احلى كويتيه]

مشكوورين وما قصرتم و يعطيكم العافيه

 

[سجى]

الافضل لج بصراحه تركيا مثل ما قلتى الاخت زيتونه
حييل تونس للعيال وجوها مناسب واسلاميه ورخيصه
وتلقين مواضيع عن تركيا بحط لج الرابط الحين وشوفيهم
فيهم كل شى عن تركيا http://www.q8yat.net/showthread.php?t=65173

الله يسهل طريقكم يارب

 

[احلى كويتيه]

مشكووووووووووووووووره

 

[diorella]

روحي ماليزيا .. ان شاء الله بيستانسون وبتستانسين

 

[منورة الكويتية]

ماليزيا تووونس وخاصه للي معاه ياهل

 

[احلى كويتيه]

مشكوووووووووووووووووووورين عالرد ويعطيكم العافيه

 

[الريماس]

بصراحه مصر مو مالت يهال بالمره،،،،،،،،،،، انا خذيت عيالي مره معاي وماحبوها مع اني اموت على مصر بس اعيالي ضيقوا خلقي بهذيك السفره!!!!!!!
كل ماوديتهم مكان قالوا ووووووووع خل نرد الكويت!!!!!!!!!

 

[رنين]

نفس حالتي......

احتمال اذا الله سهل نروح مصر و عيالي تقريبا بعمر عيالج...

كل يوم عالاقل 3 مرات اول ما أقعد و 3 مرات قبل لا انام >>>> دوا مو خوف

اقول خلاص هونت ماني رايحه...
بس استخيري و انا قاعده استخير و الله يسهل.

صج في وايد مخاوف ....لكن أقول حق نفسي اذا بهون كل ما خفت من شي ماني متحركه من مكاني!

و اللي ربي كاتبه يصير لو هو بوسط داري>>من ناحيه المخاطر اللي عاليهال بالسفر من ضيعه او غيره الله يسلمنا و اياكم.


و مادري....انشالله ربي يكتب لنا و لج اللي فيه الخير و الصالح

 

[الاسطورية]

انا اشوف مصر حلوه ورخيصه وعندهم هناك ملاهي ماجك لاند وغيره

وغير الحناطير والمراكب بالنيل يستانسون معاج ودامهم حابين الاهل بيسهل عليج