ضايعه وما دري وين أروح؟ الله يخليكم ساعدوني

[مالي غير الصبر]

بنتتي عمرها أربع سنين تسوي حركات خطيره .تحط قلم داخل المكان الحساس ومرة شفتها تحاول تحط بطل ومرة تقطع كلينكس وتحاول دخله.
مالاداعي أوصفلكم الحالة اللي أنا فيها ألحين.
دلوني بنات وين أروح وشنو الحل؟
أنا وابوها خايفين مو عارفين شنسوي؟​

 

[هيبة الطاووس]

أكيد شايفه أحد ولا البنات بالمدرسه قايلين لها شيء

شوفي حبيبتي نصيحه خليج معاها طول الوقت

ولا تكلمينها وتخانقينها عشان لا تركز السالفه براسها

وهذيل يهال مصيبه مادري من وين إييبون هالسوالف

 

[مالي غير الصبر]

بنات ردوعلي لا تخلوني
ورب يضايعه ما دري وين أروح​

 

[مالي غير الصبر]

حياتي بنتي ما دشت الروضه والله يا هيبة الطاووس حتى وقت النومه اذا كانت نايمه معاي أبوها ما يحط ايده بايدي جنه ما يعرفني
نفسيتي حيل تعبانه . اهي بنت وحده والباقي صبيان . ياربي مخي بينفجر من الشكوك ساعدوني بنات وين أروح وشسوي​

 

[هيبة الطاووس]

هونيها وتهون حبيبتي اليهال يطلعون بشغلات غريبه
حتى في عضوه كاتبه مشكلة بنتها ترسم عضو ذكري

تحملي فتره وتمر وصراحه اقري عليها الرقيه الشرعيه أحسن
بنية شفاءها من العله هذي والله الرقيه تسوي سوالف عجيبه غريبه آنا مجربتها

 

[عريب المستقبل]

هونيها وتهون

 

[غيمه ظميانه]

حاولي تشغلينها اشتريها العاب فيها حركات وتركيب انها تشغل وقتها

اشتريلها افلام مسرحيات

راقبيها من بعيد لبعيد

شوفي الخدامه اخاف اهي تسوي لها هالشي والبنت استانست على هالشغله

ديري بالج يقلبي هاذي بنت

والله يصلحها

 

[أم الولد]

مدري شقولج بس اكيد في شي غلط
حاولي تفهمين بس بهدوء ان شاء الله تكون طفره من طفرات الجهال حركه الكلينكس سوتها بنتي تقول انشف عمري من الماي وبعدين تركتها لاني ماشديت عليها
انتي لاتشدين وهدي بالج وان شاء الله مرحله وتعدي

 

[مالي غير الصبر]

بنات شفيكم الموضوع خطير ؟ يعني ممكن فضت غشاء البكاره ؟ياربي انا خايفه . مرة شفت بملابسها الداخليه لون بني خفت وسألت الخدامه وقالتلي انه وصخ قديم .
والخدامه اهي اللي كلمتني عنها يوم شافتها ماسكه القلم على بالها اني ما أدري . بنات والله أنا ألحين أبجي مادري شسوي؟ ​

 

[انوثة من حرير]

رايي لا تسكتين ان شفتيها تسوي حركات متعجبج اقرصيها بين فخوذها وقولي لها ان عدتيها ياويلج ماينفع الاشدة ان وصلت حدها مامتنا احنا امهاتنا تقرص وكان لامي هيبة وتربية صح ترى خطر على بنتج شدي عليها وراقبي الخدامة شلون تغسلها وغسليها مرة شوفي شتقولج وكلميها عادي قولي الخدامة ماما شلون تغسلج علميني علشان اسوي نفسها وبجذية تعرفين منو يعلمها

 

[مالي غير الصبر]

بنات مابي أطلع قدامكم اني أم مثاليه ولا شي .
بصراحة أنا قصرت مع بنتي هملتها من سنتين لان صارتلي ظروف قويه مثل وفاة أمي وتعب أبوي وضرفي الصحي.واهتمامي وانشغالي باعيالي اللي في المدرسه .
وألحين أنا قاعدة أدفع الثمن
بنات أمانه أنا خايفه والله . كلمتها باللين وبالعصبيه وطقيتها على ايدها وقرصتها وماكو فايده
علموني شسوي؟​

 

[مالي غير الصبر]

وترى خدامتي أنا واثقه منها ؟ وأعطيها يوم اجازه تروح تشوف زوجها . وانا ساكنه مع حمولتي والبيت صغير والخدامه ما عندها غرفه خاصه . ​

 

[(*ام عهــــد *)]

الله يخليها لج يارب....
وان شاءالله مافي إلا الخير
أنا أقول روحي سوي لها تحليل بول يكرم السامع وخل الدكتوره تفحصها يمكن فيها إلتهابات ولاشى ...

 

[Diva-Q8]

لو بنتي تسوي جذي واصيدها ماقدر امسك نفسي بمكن اقرصها ولا اجوي صبعها انا من حريم قبل ماعندي تفهم بهل مسائل

بس ياربي ياهل 4 سنين تعور القلب اذا عورتيها

انصحج روحي طبيب نفسي خاص بالاطفال في وايد متخصصين لا تسكتين على هل وضع لاتعور نفسها على يوم وانتي لاهيه عنها اسم االله عليها

بنت خالي ولدها نفس الحاله يدخل ايده بالحفاظه ويسحبه لي بره وكل مازفوه يزيد قالها الطبيب تجاهلي لي سوا الحركه ومسك ماله تصددي عنه الحين وايد خف عن اول بس للحين ايده على ماله بس المشكله بنتج ماتسوي هل حركه عشان تلفت الانتباه اهي تسويها بينها وبين نفسها يعني لها معنى ثاني روحي راجعي الطبيب احسن اختي

وانشالله تبطل هل عاده

 

[مالي غير الصبر]

مشكورين بنات على الردود.
وين أوديها أي طبيب ؟ ماعرف ؟ والله ما بالغ البنت أمس تبي تلعب مع ابوها وابوها كان يطالعها وملامحه فيها حسره وحيره
خايفه والله خايفه وحتى وانا مداومه أفكر فيها​

 

[reham123]

خاويها كثر ماتقدرين ...قوليلها انا رفيجتج واحنا نقول حق بعض كل شي وقوليلها سوالفج ...يعني قوليلها شريت كريم ولا بحط بشعري دهن ولا اي شي وسحبي منها حجي شوفيها من منو ماخذه الفكره ...واذا تقدرين حطي كاميرا بالبيت اذا طلعتي ...ولا تخلينها تقعد ويا صبيان ترا مدارس الصبيان خرااااااااااااااب حاولي تشغلينها جدام عيونج مو يعني عادي قاعدين يلعبون بالدار ويا خوانها ترا الزمن اغبر خليها بالصاله واي شي تسويه من سالفة القلم قوليها ماما القلم يكتبون فيه حبيبتي مو يحطونه مني يسويلج دودوو بعدين تبجين لا تخرعينها وتطقينها ما ينفع

 

[مالي غير الصبر]

والله صايره عنيده واذا سألتها ما تتكلم ؟ واذا ناديتها ما ترد علي ؟ياربي والله متضايقه قاعده أشوف ردودكم عشان أطبقها.اذا ينفع معاها. وكلمتها عن القلم تسكت ومرات أحسها ماتفهمني ومرات أحسها تستعبط .
صدقوني بنات لو أتأكد ان ما فيها شي ومجرد لعب والله والله ماراح أخليها تفارق عيني لحظه .
أبوها اقترح نحط كاميرا في الغرفه بس أنا خايفه أنصدم​

 

[al fad3aaa]

حبيبتي لا تثقين في الخدم ترى مهما بينولج انهم زينين واهم كلاب حشاج وحشا السامع
انا اقول ركبي كاميرا عشان تعرفين شنو اللي يصير من وراج وتقطعين الشك باليقين وبعد ماتعرفين سبب المشكلة حاولي تحلينها والله يفرج ضيقتج ان شاء الله

 

[مالي غير الصبر]

هذا اللي بيصير بحط كاميرا.
بس أنا خايفه ألحين أوديها حق دكتور يفحصها أخاف أنصدم.
وربي مو قادره أفكر شلون أخليها تبطل من هالحركات . حتى ألحين ما في تسجيل حضانه السنه خلصت قلت يمكن تتسلى وتنسى
ادعولي بناات بنتي ما تكون مسويه بنفسها شي ؟ أمانه ادعولي​

 

[om deaj]

الله يكون بالعون