ضايعه بالتجهيز للبيبي؟؟ ساعدوني خبيرات التجهيز

[قمر 777]

شلونكم حبيباتيمتى اجهزون حق البيبي؟اي شهر
واذا البيبي بنت شنو اهم التجهيزات؟
كتبوا بالتفصيل حبيباتي
حدي ضايعه فديتكم

 

[حبيبي مالكني]

 

[.:lady bug :.]

ما قصرت حبيبي مالكني وأي سؤال حطي ومحنا مقصرين حبي

 

[mrs.abk]

بكون متابعة لأن حالي من حالج .. أريد أجهز وموب عارفة أبدا

 

[حبيبة عز]

بالنسبة لي

احب شغلي على الراحه

وماحب اجهز بالثقل

يعني ابلش اجهز من الخامس لي السابع انا مخلصه تجهيزي

وعلى اقل من مهلي

بالثامن ثقل وتعب ومالي خلق

ويالله اخليه حق ترتيب الجنطه والامور الصغيره

والتجهيز لازم تكتبينه بورقه عشان ماتنسين

وكل ماخلصتي شي اشطبي

وقسمي الاغراض ٣ اقسام

١ اغراض البيبي
٢ اغراض الام
٣ اغراض الاستقبال

واغراض البيبي قسميهم

ملابس
ادوات بيبي مثل مميات وادوات سباحه وغيره
اغراض جمعيه
تجهيز غرفة الطفل من كبت وسرير وغيره

واغراض الام

ملابس
اغراض جمعيه

 

[M!SS.LOBY]

العضوة ( حبيبي مالكني) ما قصرت

 

[Emanii]

مع حبيبة عز
انا جهزت من وانا بالخامس و على راااحتي شوووي شووووي و كل ما اذكر شي اكتبه
لانج اذا بتجهزين على اخر الاشهر و بسرعه يمكن تنسين شغلات

 

[.:lady bug :.]

فــ ��ـــي موضوع بتجمع الحوامل وايد مفيد

 

[Jannat]

انا اول مادخلت السادس بديت اجهز استريت كل اغراض البيبي باقيلي اشيا بسيطة بهليها بعدين لم اقرب

 

[سعادة قلبي وياه]

متــابعـه

 

[حشمه]

اهم شي حبيبتي ان شاء الله تقومين بالسلامه اول فتره بنت ولا ولد

التجهيز نفس الشي اللي غير الالوان او موديلات ملابس الطلعه بس

اهم شي تشترينه وتحتاجينه من ملابس فنايم وتبانات اللي تكون كامله

اخذي 0-3 مرات نيو بورن صغير ومرات لا حسب حجم البيبي

الفنايل والتبانات 6 حبات او 9 كافي مع كبابيس ودسوس ودلاغات

الدلاغات 3 حبات كافي لان مو من كثر طلعات الياهل وملابس الطلعه

اييونج وايد هدايا لاتستعيلين وتشترين واشتري جنطه لاغراض البيبي

وجيسه حق طلعه البيبي من المستشفى ومميات وعلبه لتقسيم الحليب

شفاط الصدر لو حابه ترضعي مع الشال الغطا عشان ترضين وانتي مرتاحه

صدريه جم حبه للياهل وفوط للسبوح وفوط حجم صغار حق التمسح ومرات

تحتاجين صغار تحطينه تحته لين نام عشان يزوع حسب الياهل طبعا

المهادات لو حابه تمهدين 3 كافي هذا تجهيز البيبي ان شاء الله مانسيت شي

وان شاء الله تبشرينه بالولاده وبسلامه البيبي

 

[.:lady bug :.]

بنـْْ♡ـْْات⚠ اكفون
اذا تعرفون وحده تسوي جيس بيبي وباند استقبال
تطرش لي رقمها خاص واكون شاكره لها

 

[القطه المشاكسه]

دويات انفاس (لهوم +مردود+شاي قوري)لطلب ع الواتساب 66963106 تبين تطلعين من الاربعين وكانج بنت وارحامج نظيفه وبطنج مشدود ابي منكم الدعوه الحلوه

 

[عليك توكلت]

انا توني داخله الشهر الثاني بس حبيت اتابعكم ومنكم نستقيد

 

[elegantway]

مع اقتراب موعد الولادة تبدأ كل أم تجهيز حقيبة صغيرة لتستعد لاستقبال المولود الجديد
ولكنها قد تنسى الكثير من الأشياء الهامة التي تلزمها هي وطفلها
وبما أن آلام المخاض تأتي فجأة وتضطر الأم إلى الذهاب للمستشفى على عجلة
فعليها أن تبدأ بتجهيز الحقيبة قبل وقت مناسب من موعد الولادة المتوقع
وهنا نقدم لكي قائمة تضم أهم المستلزمات التي سوف تحتاجيها خلال هذه الفترة.

1- ملابس للنوم في المستشفى.
2- جوارب يمكنك التجول بها أثناء الليل.
3- سترة حتى لا تشعرين بالبرد داخل المستشفى.
4- حمالات صدر واسعة ومريحة.
5- مرطب للشفاه حتى لا تتشقق بعد العملية.
6- فرشاه للشعر وفرشاة ومعجون الأسنان ومنشفة شخصية وصابون، غسول الوجه، وكريمات ترطيب الوجه والبشرة.
7- نظاراتك الطبية، وقناع العيون أثناء النوم.
8- ربطة للشعر من القماش، وتجنبي أن يكون لها أطراف حادة أو معدنية لأنها ممنوعة من دخول غرفة العمليات.
9- علكة خالية من السكر لتتجنبي جفاف الحلق أثناء المخاض، لأن الحلوى المحتوية على سكر تتسبب في العطش.
10- شاحن الهاتف المحمول.
11- كاميرا لالتقاط الصور الفريدة لك وللمولود بعد الولادة مباشرة.
12- وسادة مريحة، ربما تكون وسادة المستشفى غير مريحة.
13- ملابس للطفل، حفاضات، ملابس داخلية، لتوفير الدفء اللازم له في ساعاته الأولي، منشفة خاصة به، زيت أطفال.
14- ملابس تعودين بها إلى المنزل، ربما تذهبين للمستشفى بملابس البيت.
15- بعض العصائر والمأكولات الخفيفة التي ترغبين في تناولها مع شريك الغرفة بعد الولادة.
16- فوط صحية.

 

[أمل المنصوري]

بنـْْ♡ـْْات⚠ اكفون
اذا تعرفون وحده تسوي جيس بيبي وباند استقبال
تطرش لي رقمها خاص واكون شاكره لها

بنفسج ديزاين شعلها حلو

بس للامانة ما خذت من عندها لاني مو من الكويت بس اشوفه بالانستغرام

bnfsagdesign