ضاق خلقي

[كويتيه=)]

السلام عليكم


اليوم بالدوام كانت يايتنا وحدة يديدة

واهي حامل كانت تسولف عن نشاط الغدة

قعدت تقول عن الاعراض

قلت لها حتى أنا فيني

جان تقول لي انتي عندج عيال ؟

قلت لها أنا مو متزوجه

جان تقول ترا تأخر الحمل!!!

سمعتها زميلتنا الثانيه جان تقول يعني ما تييب عيال ؟

قالت لا بس اذا ماخذت تأخر الحمل

ضاق خلقي الحين حتى لو في احد بيخطبني بيقولون هذي فيها غدة ما راح تييب عيال !!!!

:/

 

[شادن33]

ليش ياحبيبتي فيه علاج وهذا مرض موجايد
اعرف بنات فيهم ويابوا عيال بس يمكن ياخذون علاج الغده

 

[Tom ♥ Jerry]

.


^^


صح وايد ناس تعالجو منها
الله كريم و لا تحاتين روحي سوي فحص
و ان شاء الله ما فيج الا كل خير
و اذا طلع فيج لا سمح الله ، امشي على العلاج :*

 

[أ. ميم الهاجري]

شنو اعراضها؟
واول مره اسمع عن سالفه الحمل

 

[حنان الحربيه]

الله يهديه هذي واهي جديده
اجل بعد سنه وش بتقول لكم

لا توسوسين وترا الغده اغلب الحريم فيهم
يتعالجون ويجبون عيال
عادي واذا مره خايفه روحي تاكدي
ترا احيانا نسمع اعراض مرض من الخوف
نتوهم انها فينا
ان شالله مافيك لا العافيه

موفقه

 

[لحظآتَ]

صح كلام حنان
احيانا نتوهم الحريم بطبعهم وسواسيات .. وبسرعه يتوهمون
روحي اخذي بالاسباب وشوفي شسالفه
وان شاء الله خير

 

[رشــــة مطــــر]

الله يرزقنا ويرزقش
وماله داعي توسوسين وتضيقين خلقش وان شاء الله مافيك الا العاااافيه

 

[ام الدرر]

حبوبة خمول الغدة يسبب تاخر الحمل مو نشاطها ومو كل وحده
انا فيني خمول والحمدلله عندي عيال وخواتي نفس الشي
وترى اعراضها نفس اعراض نقص الفيتامينات
لا توسوسين حياتي توج صغيرة
اذا كنت تحسين وبتعب وكثرة النوم واضطراب الدورة الشهرية او نقصها حللي
وان شالله ماكو الا العافية​

 

[كويتيه=)]

أنا مره تصير فيها خمول ومرة نشطه بس عمرها ما قالت لي الدكتورة تأخر الحمل
واصلا وايد من عايلتنا فيهم ما قالو تأخر حملنا وألا عالجنا عشان الحمل!!!
وهذي اليديدة خربت علي اوف وانا بعد ملقوفه شكو متكلمه

 

[Patcholli]

ارفيجتي فيها خمول بالغده وعندها بنوته تهبل

 

[غراوي]

لاااااااا من يقول

واجد اعرفهم فيهم غدا وعندهم كود عيال

ارتفاع هرمون الحليب اهوا اللي يمنع الحمل بس هم علاجه سهل انا تعالجت منه بس للحينيانسه
مادري ليش زايد الحليب عندي مستعجله عالترضيع والامومه

 

[قمر بيت أبوها]

ممكن تسبب تأخير لو مانتظمتي علي ادويتك بس دام تتابعين مع دكتور ليش تخافين واللي كاتبه ربي بيصير لا تفاولون علي نفسك ترا مو زين
ان شاء الله تتزوجين وتجبين أحلي عيال ويرزقكم برهم

 

[Reham 84]

كل الحريم الحين عندهم غدد يانشيطة يا خمول

سهل علاجها بإذن الله

 

[سكوتي بذوقي]

انا فيني نشاط وتعالجت عنها الحمد لله

تطمني اختي الرزق بايد ربي سبحانه

لاتخافين

موفقه يارب

 

[hano0oda]

حبيبتي اهي ممكن تاخر الحمل بس ماتمنعه انا اعرف وايد فيهم غده وعندهم مشءالله عيال بس حملهم يتاخر يعني لازم تعالجينها بس

 

[manoooram]

حبيبتي وااايد ناس تعالجو منها
بس اللي عليج تروحين تراجعين وتفحصين يا قلبي
على شان تتطمين واذا لا قدر الله في شي
تتعالجين منها والله يرزقج بالزوج الصالح

 

[بطوووطة$بيضة]

قلبي انا فيني غدة

بس فيني خمول

راح يعطونج حبوب

واهيا اتاثر عالحمل بنسبه بسيطة

 

[روانتي 12]

رزق بيد ربج . . لا تحاتين . .^

 

[om '3ala]

الله يشافيج يا رب
و لا تسمعين كلام احد سألي دكاتره مختصين بهالأمور

 

[كويتيه=)]

بنات دبروني ودي هالفكرة تنشال من راس الموظفات اللي معاي