ضاقت فيني الدنيا

[السفيره 2008]

والي عافيكم بنات تعبت نفسيا وضاقت الدنيا فيني زوجي عدد الحيونات المنويه قليل عنده يعني تقريبا 2 مليون او 5 مليون
المهم راح دكتور بكستاني وعطاه اعلاج استمر عليه شهر وقال في تحسن خفيف مو وايد المشكله هالدكتور قال لزوجي كمل علي هالعلاج لمده ثلاث اشهور انا اهني صكت فيني الدنيا قلت ياربي مافي ابر او حبوب او علاج احسن من هالعلاج وماياخذ وقت وايد ابي الي تعرف دكتوور شاطر واحسن علاج ياليت تفيدني ​

 

[mosta7eel]

حبيبتي ماعندي فكرة بس حبيت ادعيلج
الله يرزقج الذرية الصالحه ويشافي زوجج
ياكريم

 

[سيدة الانتظار]

اختي ماشاء الله ريلج على الاقل فيه حيوانات منوية حتى لو عددهم قليل وان شاءالله تتحسن حالته مع العلاج ،، في ناس تكون النسبة عند الرجل صفر!! ومع هذا ما ييأسون ويستمرون في العلاج والله يعطينهم

الموضوع يبيله صبر وكل شيء بإرادة الله ،، انتم خذوا بالاسباب وتوكلوا على الله وان شاء الله تحملين وتبشرينا بحملج


ربي لا تذرني فردا وانت خير الوارثين

 

[ماي الورد]

حبيبتي علاقل انتي احسن من غيرج بوايد عيل احنا شنقووول الي مافيهم حيوانات منوية استهدي بالله وخلية ياكل فص ثوم على الريق مع حلبة بماي دافي قبل النوم مع الحبوب الي يستخدمهن وان شاء اللة رب العالمين بيفرح قلبج

 

[شاي اخضر]

خلي زوجج يروح يحجم عند البناي ... وعادي حبيبتي كل علاج أقل شي كورس عشان تبين النتيجه هذا مو سحر ياعمري وخل يجيك في دوالي ولا لا ؟؟؟ والله يرزقكم ان شاء الله

 

[حياتي خيال]

حبيبتي .. الحمد لله فيه ناس اسوأ من حالتكم وتعالجوا والله رزقهم .. انا صار لي متاخره واااااايد وكل سنه أقول هالسنه بحمل والله ماأراد ..
لاتضيقين خلقج تابعوا العلاج واذا قدرتوا تشوفون اطباء أحسن .. والله يكتب لج الخير ويزيل همج يارب
أنا حاسه فيج ياقلبي لاني مثل وضعج يضيق صدري واتذكر انه الله فوقي اهو الادرى بحالي واللي يكتبه لي اهو اللي فيه الخير ..
والله يرزقك بالذريه الصالحه ..
تحياتي لك

 

[كويتيه مذهله 87]

الله يشاافي زوجج ويرزقج ياارب

 

[نــعــوومــه]

زوجج مثل زوجي بالضبط......بس قالوا لنا مالكم إلا طفل الأنبوب.....وإذا انتي مستعجله حيييل سوي اطفال انابيب...........

لأن العلاجات الشعبيه تاخذ وقت.................

 

[dana1986]

نفس زوجي عنده 2 مليون
وقالنا الطبيب لازم 5 مليون
ياخذ حبوب وعسل الله يصبرنا بس لا تبينين حق زوجك ترى هذا ابتلاء ولازم نصبر تخيلي هالشي فينا؟؟
الحمد الله على كل حال عيشي حياتج وصبري ترى يمرون بسررررررررررررررررررررررعه