ضاع مستقبلي .....؟!

[غضى]

مستقبلي ضاااااااااااع يبنات ولا في امل

انا يبنات طالبه بتربيه وصارت وياي ضروف خلتني اتاخر فيها واوقف قيدي جم مره

يعني هالسنه لي سابع سنه فيها !!!!


بنات وضعي المادي مع زوجي تعبان ع الاخر والمشكله ساكنه بأجار بعد والله يبنات اول عرسي كان وضعنا الحمدلله

مرتاحين ماديا لحين الله يعلم بالحال

ماحسبت حساب هاليوم اني بنفصل من كليتي...انفصلت بسبب تجاوز مدة البقاء

المسموح بالكليه اني ادرس فيها لي12 كورس بس مع كورس استثنائي
يعني 13 كورس


وانا خلصت 13 كورس والكورس اللي فات رحت العديليه

وقلتلهم اني خلصت 13 كورس وباقيلي 3 مواد مع ميداني


قالتلي يعطونج كورس لاتحاتين اهم يمددون للكورس ال14 وشديت حيلي ودرست ونجحت


وليوم بطلت السايت ولامكتوب مفصوله


تعبانه وابجي من اليوم وماقلت لزوجي عشان مايزفني .. ابي احد يطمني


المشكله اليوم حمولتي عندهم حفله وكان لازم اروح


ونفسيتي تعبت ومابي اروح بالي مشغول


بس باقيلي 3مواد وموظفات التطبيقي قالولي يعطونج كورس ال14 عطوني امل واللحين انصدم



وين اروح بنات شسوي اللي مرت بنفس حالتي تقولي


الله يعلم شكثر محتاجه شهادتي راح تغير علي اشياء شكثر وراح تساعدني

قاعده ابجي دم ادعولي اني مانفصل واتخرج وارتاح

 

[البابانه توته]

حبيبتي راجعيهم واستفسري

وكتبي كتاب تظلم للعميد

 

[زهرا_*]

الله يعينج
سوي مثل ما قالت لج البابانه توته
و ان شاء الله ترجعين و بشرينا

 

[ماكواسم2]

سهلات حبيبتي وايد نفس حالتج و سوي كتاب استرحام وشدي حيلج في كتابته وارفقيه باوراق ولاداتج ومرضج وكل شيئ يدعم موقفج واذا تقدرين معاه واسطه ونصيحه دخلي على العميد بنفسج واشرحي حالج

 

[مدّهره !]

إن شااء الله تنحل وتلاااقين حل .’,

 

[مطيريه305]

راجعيهم يوم الاحد ضروووووووري

 

[Combat]

اذا قفلت وياج روحي لاي كلية نفس التخصص وسجلي وسوي موازاه
بحيث يحذفون لج المواد الي درستيهم ومايبقى لج الا الي مادرستيهم وخلصنا رفيجتي سوت جذي احيانا يبقى لج اكثر على حسب الكلية ومقررات التخصص من جامعة لجامعة يفرق ترى

 

[Huda alotaibi]

اكثر مايعيق الفرد نحو المجتمع هو الآسره فهناك اسر فقيره بالافكار الابداعيه
تبقى محصوره بالعادات والتقاليد خوفا من الانفلات او مايعرف بالتمرد الاجتماعي


الانسان قادر مليون بالميه ان يعيش سعيدا حتى وان كان ملتويا مع عائله مقيده بالافكار التقليديه
والعقد الجاهليه الانسان كفيل لذاته فهو قادر ان يعيش من بعد الله

اذا الله اراد له حياة يستطيع ان يتغلب على الواقع والمجتمع المريض فكريا !!!

المستقبل لا يضيع هو محفوظ عند الله حتى اشعار اخر >>> ذنوبنا هي من توقف الرزق
الاستغفار سيد الموقف

 

[F.Strawberry]

مثل ما قالو البنات
قابلي العميد بنفس و شرحيلة الظروف اللي مريت فيها
لازمي الدعاء و ان شاءالله الله بيسهلها ..

 

[! Miss.Q8 !]

كلمي العميد وشرحي له حالتج

او روحي حق اللي قالوا لج يعطونج كورس 14

السستم مبرمج بروحه فطبيعي يطلع لي مفصول على طول مدام عديتي المده المسموح فيها

بس لما تراجعينهم ان شاء الله راح يغيرون لج الحاله ويمددون لج

بنت خالتي اكثر من مره طلع لها فصل ولما راجعتهم يغيرون حالتها ويعطونها فرصه

 

[مطلقه جريحه]

بيقدرون ظروفك

 

[ياهم لدي رب]

عااادي حبوبه لاتضايقين عمرج
روحي لعميد التسجيل وقوليله القصه وبتضبط امورج حبوبه دامج خريجه لاتحاتين

 

[حلاتي بدنيا]

اختي اانتي مثلي قالو سوي تظلم سويت ونطر ونطر وآخر شي رفضوا تظلم ولما سئلت ليش تظلم والله لازم عذر قوي يامرض جايد ولا حاله وفاه درجه أوله

وصبيبه أنا ورفيجتي نفس شي بس أهي جابت. واسطه وردوها لكليه وانا الي مالي رفضوني

والله قهر الي عنده واسطه بديره هاذي يعيش والي ماله يدفن نفسه ماقول غير الله يرحمنا

 

[ماكواسم2]

لا تسمعين للاحباط بس دشي على العميد بنفسج . صدقيني سهالات لانج على تخرج ولا تتقارنين مع اي وحده و ترى كل وحده وظروفها وانتي متزوجه واعيال وتخرج ان شاءالله ماشيه امورج صدقيني ..................... ترى أنطر شنو صار عليج

 

[سلطانة الاحساس]

كلمي العميد بنفسج وقولي له كل شي
وسوي تظلم
والله معاج حبيبتي

 

[noo7a]

انا قعدت بالجامعه 7 سنين بس وقفت قيدي كورس و الكورس الاول كان تمهيدي
يعني بالضبط 12 كورس شهر 6 الي طاف تخرجت دفعه 2006 و كانت معانا ابنيه دفعه 2002 و 2003 تخيلي
؟! اتوقع في شي بالموضوع روحي بنفسج العماده تاكدي

 

[samiah]

روحي جامعه غيرها

 

[غضى]

مرحبا بنات اشكر تفاعلكم


وجزاكم الله خير .... رحت للعديليه والحمدلله طلع خطأ بالسستم ولكن بلغوني انه اخر كورس

مسموح لي بالكليه

ادعولي بنات ان الله يسهل علي هالكورس لاني حامل ومريضه سكر وانشالله اقدر اتخطى هالكورس بسلام .... اذكروني بدعوهه وجزاكم الله خير حبيباتي

 

[غضى]

مرحبا بنات اشكر تفاعلكم


وجزاكم الله خير .... رحت للعديليه والحمدلله طلع خطأ بالسستم ولكن بلغوني انه اخر كورس

مسموح لي بالكليه

ادعولي بنات ان الله يسهل علي هالكورس لاني حامل ومريضه سكر وانشالله اقدر اتخطى هالكورس بسلام .... اذكروني بدعوهه وجزاكم الله خير حبيباتي

 

[ماكواسم2]

الحمدلله بس حتى لو كنتي مفصوله ترى حالتج سهالات , بس شدي حيلج حيل وافتكي وروحي للدكاتره وقولي لهم عن وضعج علشان يراعونج .... وادعي لي الله يسهل أموري