السلام عليكم ورحمة الله وبركاته
(الحمدلله الذي اطعمني هذا الطعام من غير حول مني ولا قوة)
اللهم احفظ ديرتنا بعينك التي لاتنام..
وابعد عنها الفتن..ماظهر منها وما بطن
اللهم آاامين
حبيبااتي..اشلونكم..عساكم بخير وعافيه يا غاليااتي
تفضلوا هالوصفه اللذيذه والسهله
انشالله تطبقونها وتستمتعون بطعمها
نبتدي..بسم الله
كيس لحم مفروم تخلينه يفج من الثلج وعقب بمشخال فتحاته صغيره حيل تغسلينه بماي على الخفيف علشان تروح اي شوائب فيه..وتحاولين تضغطين عليه بايدج تنزلين اي ماي زايد فيه من الغسال الخفيف.
عقب نضيف عليه بصله صغيره مقصصه ناعم مع فص ثوم مدقوق..وربع ملعقة فلفل اسود ورشة كركم وربع ملعقة كزبره مطحونه ورشة كمون وربع ملعقة اكل ملح ..اوحسب الرغبه..
نكوراللحم مع المكونات الي ضفناها عليه لكور صغيره ونحطهم بصينيه وندخلها الثلاجه مدة ساعه يتماسكون شوي
وفي هالاثناء نقص بصلتين شرايح ونحمسهم بزيت زيتون... كميه زينه من الزيت... واذا ابتدوا يذبلون ويتشوقر لونهم..نضيف عليهم حوالي نص كرنب ( ملفوف) مقصصينها شرايح ونحمسهم..البصل والكرنب..مع اضافة ريع ملعقة اكل كركم وربع ملعقة كزبره مطحونه ونص ملعقة اكل بهارات مشكله ورشة فلفل اسود وملح ..ونحرك ليما يتغير لون البصل والكرنب..ويكون الكرنب شبه مستوي من الحماس..
نطلع كرات اللحم..وعقب ندخلها بالصينيه للفرن ونكون مشغلينه من فوق وتحت..نخليها فيه لمدة نص ساعه ليما تتحمر شوي ونطلعها
ونفس الحركه..نقص بطاط مكعبات وندهنها بالزيت وندخلها الفرن لغاية ماتستوي..مع المراقبه وقلبها على الصوبين في الفرن
( ملاحظه: انا ابي الاكله خفيفه فشويتهم بالفرن..والي تبي تقليهم ..سواء اللحم او البطاط..مافي مشكله .. تعطي نفس النتيجه)
وفي الصينيه..نبتدي نحط كميه من حمسة الكرنب والبصل..مثل الفرشه بارضية الصينيه..
وعقب نحط كميه من كرات اللحم..
وعقب نوزع مكعبات البطاط ونرش اشبنت ناعم على الوجه
ونكرر العمليه..حمسة كرنب..وعقب كرات لحم ..وبطاط..واشبنت
والي ماتبي الاشبنت تقدر تستبدله ببقدونس او كزبره..عاادي ترجع المساله للذوق
نسوي هالحركه ...طبقات... وعقب نسقي الوجه بعلبة كريمه سائله مثل ماهو موضح بالصوره
وندخلها للفرن ..الي نكون مشغلينه من تحت وفوق..نخلي الصينيه بالفرن لمدة 20 دقيقه ليما تتماسك المكونات مع الكريمه ويتحمر وجه الصينيه
عقب نطلعها..ونرص على الوجه قطع الجبن المبينه صورته..متروس بالجمعيات ..نحاول نغطي الوجه... واذا مو متوفر هالجبن تقدرين تحطين الجبن الي حابته ..بس حلاته من النوع الي يذوب حيل مع الحراره..
ونردها للفرن لغاية ما يذوب الجبن..يمي يمي ...
وتفضلوا حبيبات قلبي الطبق بصورته النهائيه
(الحمدلله الذي اطعمني هذا الطعام من غير حول مني ولا قوة)
اللهم احفظ ديرتنا بعينك التي لاتنام..
وابعد عنها الفتن..ماظهر منها وما بطن
اللهم آاامين
حبيبااتي..اشلونكم..عساكم بخير وعافيه يا غاليااتي
تفضلوا هالوصفه اللذيذه والسهله
انشالله تطبقونها وتستمتعون بطعمها
نبتدي..بسم الله
كيس لحم مفروم تخلينه يفج من الثلج وعقب بمشخال فتحاته صغيره حيل تغسلينه بماي على الخفيف علشان تروح اي شوائب فيه..وتحاولين تضغطين عليه بايدج تنزلين اي ماي زايد فيه من الغسال الخفيف.
عقب نضيف عليه بصله صغيره مقصصه ناعم مع فص ثوم مدقوق..وربع ملعقة فلفل اسود ورشة كركم وربع ملعقة كزبره مطحونه ورشة كمون وربع ملعقة اكل ملح ..اوحسب الرغبه..
نكوراللحم مع المكونات الي ضفناها عليه لكور صغيره ونحطهم بصينيه وندخلها الثلاجه مدة ساعه يتماسكون شوي
وفي هالاثناء نقص بصلتين شرايح ونحمسهم بزيت زيتون... كميه زينه من الزيت... واذا ابتدوا يذبلون ويتشوقر لونهم..نضيف عليهم حوالي نص كرنب ( ملفوف) مقصصينها شرايح ونحمسهم..البصل والكرنب..مع اضافة ريع ملعقة اكل كركم وربع ملعقة كزبره مطحونه ونص ملعقة اكل بهارات مشكله ورشة فلفل اسود وملح ..ونحرك ليما يتغير لون البصل والكرنب..ويكون الكرنب شبه مستوي من الحماس..
نطلع كرات اللحم..وعقب ندخلها بالصينيه للفرن ونكون مشغلينه من فوق وتحت..نخليها فيه لمدة نص ساعه ليما تتحمر شوي ونطلعها
ونفس الحركه..نقص بطاط مكعبات وندهنها بالزيت وندخلها الفرن لغاية ماتستوي..مع المراقبه وقلبها على الصوبين في الفرن
( ملاحظه: انا ابي الاكله خفيفه فشويتهم بالفرن..والي تبي تقليهم ..سواء اللحم او البطاط..مافي مشكله .. تعطي نفس النتيجه)
وفي الصينيه..نبتدي نحط كميه من حمسة الكرنب والبصل..مثل الفرشه بارضية الصينيه..
وعقب نحط كميه من كرات اللحم..
وعقب نوزع مكعبات البطاط ونرش اشبنت ناعم على الوجه
ونكرر العمليه..حمسة كرنب..وعقب كرات لحم ..وبطاط..واشبنت
والي ماتبي الاشبنت تقدر تستبدله ببقدونس او كزبره..عاادي ترجع المساله للذوق
نسوي هالحركه ...طبقات... وعقب نسقي الوجه بعلبة كريمه سائله مثل ماهو موضح بالصوره
وندخلها للفرن ..الي نكون مشغلينه من تحت وفوق..نخلي الصينيه بالفرن لمدة 20 دقيقه ليما تتماسك المكونات مع الكريمه ويتحمر وجه الصينيه
عقب نطلعها..ونرص على الوجه قطع الجبن المبينه صورته..متروس بالجمعيات ..نحاول نغطي الوجه... واذا مو متوفر هالجبن تقدرين تحطين الجبن الي حابته ..بس حلاته من النوع الي يذوب حيل مع الحراره..
ونردها للفرن لغاية ما يذوب الجبن..يمي يمي ...
وتفضلوا حبيبات قلبي الطبق بصورته النهائيه
وتقبلوا تحياتي
بنتكم
(حلوة مملوحة الكويت)
وياهلااا ومرحبااا
،،،،
