صينية الكوسا بالبشميل بالصور

[نور من نور]

اتمنى يعجبكم اخواتي

المقادير :
نصف كيلو لحم مفروم او دجاج مفروم حسب الرغبه
صلصه طماط
بهار
3كاسات كوسا مبشور
كاسين ونص صلصة بشميل البيضاء
بيضه وجبن للوجه
الطريقه :-

1- ادا حبيتي بصل مفروم
وبقدونس مفروم
فصين ثوم
2-نقلي البصل والثوم ونحط لعليهم الحم المفروم
ونقلب مني لين يتحمر ونضيف لهم اخر شي البهار والبقدونس
نخليهم لم يتبخر الماء مال الحم

3- نحتاج الي صلصه بيضا مثل حق البشميل
4- نصب اول حولي 4 ملاعق من الصلصه في القاع
بعدين نفرشها بالكوسا والحم

واخر شي نصب باقي الصلصه ونحط على الوجه بيضه مخفوقه و جبن مبشور
5- ندخلها الفرن لمدة نص ساعه

تقدم مع خبز يم يم

يارب تعجبكم اخواتي

 

[bnt q8 in usa]

عجيب يانوووووووووووووووووووووووووووور تسلم ايدج
جربتها يوم حطيتها صج كانت تهبل

 

[وين^العهود]

رووووووووووووعة تسلم ايدج حبيبتي...

 

[نور من نور]

عجيب يانوووووووووووووووووووووووووووور تسلم ايدج
جربتها يوم حطيتها صج كانت تهبل

:eh_s(22): ياربي
يسلمج والله ويخليج
افرح من اشوف البنات تجرب اطباقي والله اتشجع اني اكمل
تسلمين والله يحفظج يالغلا :eh_s(17):

 

[atooma]

تسلم اييييييييييدج يالغاليه

 

[لولي**]

الله شكلها يفتح النفس
بجربها احب اطبق الطبخات
ماشاء الله شغلك وايد حلو والتصوير واضح
ربي يوفقك دنيا واخره

 

[jolie_q8]

تسلم ايدج الصوره روعه

تبارك الرحمن

بصراحه الطريقه يديده علي

انا اقصص الكوسا شرايح وافوحهم شويه اول مره اشوف طريقه الكوسا المبشوره

انزين ممكن سؤال

الحين قلنا اول طبقه نحط شويه بشاميل بالبايركس بعدين نحط الكوسا المبشوره..صح؟ << الكوسا نيه او مفيوحه؟؟

السؤال الثاني: ثالث طبقه اللحم ورابع طبقه البشاميل؟

صح جذيه والا انا غلطانه؟

 

[جارة القمر]

نور من نور


تسلم ايدج


ومشكووووووره حبيبتي

 

[نور من نور]

ياهلا اخواتي جميع
حياكم
جميع
:eh_s(17): وين^العهود
:eh_s(17): atooma
:eh_s(17):
لولي**

تسلم ايدج الصوره روعه

تبارك الرحمن

بصراحه الطريقه يديده علي

انا اقصص الكوسا شرايح وافوحهم شويه اول مره اشوف طريقه الكوسا المبشوره

انزين ممكن سؤال

الحين قلنا اول طبقه نحط شويه بشاميل بالبايركس بعدين نحط الكوسا المبشوره..صح؟ << الكوسا نيه او مفيوحه؟؟

السؤال الثاني: ثالث طبقه اللحم ورابع طبقه البشاميل؟

صح جذيه والا انا غلطانه؟

ياهلا عزيزتي jolie_q8
صح اول طبقه نحطها بشميل بس حوالي ملعقتين او ثلاث بشميل ونمسحها ما نكثر فقط حتى الحشوه ما تلصق مثل لو بنمسح صينية بزيت او سمن حق ما يلصق شي دي جدي

الكوسه عزيزتي نبشره نيه زين موش بالمبشره الناعمه لا الصوب الثاني الكبير شوي
بعد ما نقلي الحم والبصل ادا حبيتي نحط عليه الكوسا الي بشرناها نيه ونقلب شوي شوي رح تنزل الكوسا ماء نتركها مني لين تنشف عن الماء ونحط بهار لها شوي لان الكوسا يحتاج ملح شوي وبهار
بعدين نخد الحشوه كللللللللللها ونصبها بالبيركس وعقب عليها البشميل مارح يكون طبقات اختي
فقط مسحة بشميل بقاع الصنيه حق ما تلصق فيها بعدين الحشو واخر شي الصلصه وخلاص والوجه كيفج الي تمسحيه به
مسح خفيه غير عن الطبقه عزيزتي حتى لا تصير لج ثقيله و مو عدل تنخبص :eh_s(22):

تحياتي واي خطوه ما فهمتيها قولي لي حتى اعيد لج تصويرها عادي


بالف عافيه

 

[نور من نور]

نور من نور


تسلم ايدج


ومشكووووووره حبيبتي

يسلمج عزيزتي ويخليج
:eh_s(17): حياج يالغلا

 

[jolie_q8]

مشكوره على التوضيح حبيبتي

 

[xxx]

تسلم ايدج على الطبق الحلو

 

[سعوودية]

الله شغلك حلو وطبخاتك تعجبنى ونا دايم اطبقهاا
مشالله :eh_s(22):
وجربت الخبز بالجبن روعه واليوم بجرب ذى واكيد روعه :eh_s(3):
مشالله

 

[حبيبة أهلها]

تسلم الايادي

 

[Strawberry Flower]

تسلم ايدج
انا جربتها بالبطاط المبشور وايد لذيذه

 

[ايفيان]

تسلم ايديك حبيتي

وشكلها روعه

الله يعطيك العافيه

 

[نور من نور]

الحمدلله اختي سعوديه انها طلعو عدل وياج
بالف عافيه
فكره حلوه انو بطاط مبشور
يبيلي اجرب
تحياتي لكم

 

[مشغوله و محتاسه]

تسلم ايدج ... شغل عدل ..

و اسئلة جولي وضحتها اكثر ..

تمااام ...

شكرااا اختي

 

[سحر البحر]

يسلمو الله يعطيك الصحة

 

[blue ocean]

ياسلااااااااام شكلها عجيب وكول
تسلم ايدج خيتي بس شلون نبشر الكوسا ؟