صوص ناندوز يا بناااااات

[من بعيد]

السلاااااام عليكم

يابنات أنا أموووووووووت بكل أنواع الصلصات ، وأقدر الطعم حيل

تكفون اللي تعرف صوص ناندوز تعلمني شلون أسويه !

أنا ذقته بلندن وتحطمممممممممت ، مادري ناندوز الكويت نفسه والا لأ

وقالولي يبيعونه بالمطعم ، بس ما رحت أشوف ، بروح ان شاء الله هاليومين ، انتو قولولي اللي تعرف تكفون

ودي يكون Medium :eh_s(6):

 

[رووري]

احنا نشتريها جاهزه من المطعم وكيفج انتي اتنقين النوع اللي تبينه حار معتدل... الخ
وصرنا مانستغنى عنها

 

[من بعيد]

شلون تتبلون الدجاج فيها؟
مابي أحط معاها شي يخرب طعمها
وبجم تشترونها؟

 

[قطرية كوول]

احنا هم بقطر نشتريه من مطعم ناندوز

واحيانا نحصله بكارفور وبعض الهايبرماركت ممكن تحصلينه

وناندوز لندن نفس اللي عندنا فشي اكيد نفس اللي بالكويت

انا ماتبل الدجاج فيه انا استخدمه عقب الطبخ مع العيش الجبس المشاوي اي شي يميييييي

 

[من بعيد]

هلا أختي
حتى أنا أحطه بالمطعم عقب الطبخ
بس هم شلون يسوون الدجاج بالصلصة وشلون أتبلها بحيث يبين طعم الصلصة فيها؟

 

[جارة القمر]

مشكوووريييييييييييييييييييين

 

[زهور_2008]

بليززز شرحلو لي أكثر عن هذا الصوص وطريقة كل وحدة بليزززز

 

[قطرية كوول]

هلا أختي
حتى أنا أحطه بالمطعم عقب الطبخ
بس هم شلون يسوون الدجاج بالصلصة وشلون أتبلها بحيث يبين طعم الصلصة فيها؟

والله مادري اختي
بس دورت لج ولقيت الوصفه بموقعهم يعني ان شاء الله تضبط وياج
جربيها

تاخذين الدجاج وتنظفينه وتقطعينه مثل ماتبين بعظم بدون عظم قطع صغيره صدور كيفج

الحين تسوين الصوص
تاخذين 100 جرام زبده وتسيحينها (بكذا تجربه بتتبيلة الدجاج اكتشفت ان الزبدة تعطي طعم يميييي)
ملعقة طعام وحده صوص ناندوز الطعم اللي تفضلينه
ملعقة طعام عصير ليمون
ملعقة شاي بابريكا
خلطي هالمقادير عدل وتبلي الدياي فيها لمدة ساعتين
ولو تخلينها ليله كامله بالثلاجه صج بتتشرب الصوص

بس عقب طلعيها واشويها

ان شاء الله تضبط معاج حبيبتي :ggdw:

 

[قطرية كوول]

بليززز شرحلو لي أكثر عن هذا الصوص وطريقة كل وحدة بليزززز

حبيبتي هالصوص اللي يستخدمونه مطاعم ناندوز يتبلون فيه الدجاج وبنفس الوقت تلقين الانواع عندج مصففه على الطاوله عشان لو تبين تزيدين وتحطين منهم فوق الاكل

في منهم كذا نوع extra hot و hot وميديم وبالليمون والاعشاب وبعد ماذكر شنو عندهم

احسن شي تروحين تاكلين بالمطعم وتجربين عندهم الانواع واللي تحبينه اخذيه

حتى لو تحبين الحار بعدي عن الاكسترا هوت شي لايوووصف انتحار حتى الهنود احس مايتحملونه :krkrkr:
انا احب الاكل الحار بس افضل اللي بالليمون والاعشاب وانتي كيفج شوفي شيعجبج

اانا ماجربت اتبل فيه الاكل.. احطه بعدين مع الاكل مثل الشطه _03BA: مع المشاوي الجبس اي شي حتى مع المجبوس
:dddds: اختي ترشه على البوب كورن بعد