صور ثوب أبونا أدم عليه السلام//

[يــاغربـــالي]

بسم الله الرحمن الرحيم


هذه الفكره نت أعداد وتنفيذ الشاب : حمدان بن عوده

وقد ساعده في الخياطه 4 من الخياطين

ويقول الشاب ان الفكره نشأت من خلال قراءته لسيرة سيدنا أدم عليه السلام


مدة خياطة الثوب /18يوم

عدد طاقات الأقمشه / 40 طاقه

عدد بكرات الخيوط / 30 ألف بكرة خيط


شوفوا الصور

 

[>>روضـة الحسـن<<]

مشكوره
يعني كان هذا طوله؟

 

[ميمونيه]

شنو هذا يستعبط

 

[يــاغربـــالي]

>روضـة الحسـن<<, post: 9673390, member: 27766"]مشكوره
يعني كان هذا طوله؟

العفو روووضه /
اي هذا طوله / وانتي عارفه ان في بداية الزمان كانوا الأنسان طويل جدا / وكل ما تأخر الزمان يقل طوله

نورتي ع المرور

 

[يــاغربـــالي]

شنو هذا يستعبط

ميمونه الولد تعبان واهو ينفذ المشروع والغرض من مشروعه الترهيب والتذكير بعظمة جسم ابونا ادم عليه السلام / وانتي بسهوله تكتبين (شنو هذا يستعبط) !!

ردج غير لائق تمنيت لو تكتبين شي بأسلوب احسن خوصا في هالقسم


عموما مشكوره ع المرور

 

[لولي**]

مشكوره
سبحان الله فرق بين طولنا الحين وطولهم زمان

انا قريت قصتة وبجد كان مكتوب انه طويل وعريض

 

[اسمحيـلي يـــ الغرام ـــا]

سبحاااااان الله
بس ودي اعرف شي شنو الحكمه من هالطول
احس اكو شي ,, الي تعرف تقولي بخاطري اعرف
ليش قبل كانو طوال حيل وعراض ؟؟؟

 

[املاك ss وافي]

اختي هذا طلعوه بالجريده قبل فتره يقولون ان الولد حاب يدخل موسووعه قينس عشان كذا فصل هالثوب ماله دخل بادم الا اذا كان هذا شخص ثاني غير اللي قريتله بالجريده

 

[إستبرق*]

اي والله ياليت نعرف سبحان الله

الله يعطيج العافيه

 

[يــاغربـــالي]

لولي / أسعدني مرورج خيتي ..!


اسمحيلي يالغرام / مادري والله بس اكيد فيها حكمه والله أعلم / نورتي الصفحه حبوبه ...!


أملاك / والله مادري وانا اختج انا وصلني على الايميل جذي واللي حسسني انه صج ان مكتوب معلومات واجد عن الولد صاحب الفكره بس انا اختصرت الموضوع / شرفني مرورج حبيبتي ..!


هناوي / اللي قلتله لأخيتي اسمحيلي موجه لها ولج / شرفني مرورج ع البيج ..!

 

[JODA]

سبحان الله...


بنات انا اعتقد والعلم عند الله ان الانسان قبل كان كبير وضخم لانه يعتمد على بنيه جسمه في كل شئ البناء وغيره ومو بس هيئة اجسامهم هم عمرهم كانت كبيره .. اما الحين احنا عندنا التكنولوجيا ونعتمد عليهاا بكل شئ .. ما ادري انا احس جذي .. والله اعلم..

جزاج الله خير حبووبه..

 

[فوووفوو]

سبحان الله.

 

[بمبة المفترسة]

ماله علاقة بأبونا ادم هذا مبين اطول دشداشة يمكن او شي جذيه
مو كل شي يوصلكم بالايميل تصدقونه وتنقلونه

 

[يــاغربـــالي]

ماله علاقة بأبونا ادم هذا مبين اطول دشداشة يمكن او شي جذيه
مو كل شي يوصلكم بالايميل تصدقونه وتنقلونه

انتي ماعطيتيني شي اكيد / قلتيلي يمكن / او شي جذيه

شالفايده يعني !

لو عندج شي صححيلي المعلومه حبوبه

ويسلمو يابنات ع المرور :tek: