صوري قبل acne.org لحب الشباب وبعد الاستخدام :)

[غيوومة]

ماشاء الله تبارك الرحمن
الاثار خفت واااايد عيني عليج باردة حبيبتي
وتتهنين يارب بالنتيجة

 

[ذيبه مزاجيه]

سالم الروح
سميره مملوحه
مس دندن
غيوومة

نورتوا فديت روحكم ومشكورين على تعليقاتكم الحلوه

 

[حضن امى]

up up

 

[ذيبه مزاجيه]

حضن امي الله يرفع قدرج بالدنيا و الاخره ان شاء الله فديتج

 

[Miss--dndn]

حبيبتي اذيتج ادري
بس محتاره اشتري aha+ او لأ لأن الي مجربينه يقولون حرق بشرتهم وسببلهم بقع نفس الحريق
انا مو عارفه حق شنو يستخدم وهل ضروري
ياريت تقولين تجربتج اذا جربتي!؟ ونبي تعلمينا شيصير معاج اول بأول؟!
انا دايم انتظر ردودج

 

[ذيبه مزاجيه]

هو عندي وللحين ما استخدمته لاني ما كملت الشهرين .. بصراحه في ناس تمدحه وناس تقول حرقها !!
انا شفت وحده بس اللي فعلا حرق بشرتها وبهدلها اما باقي الناس مدحوه وايد .. وانا متخوفه بس لا تشترينه لين اجربه .. والمشكله حتى لو جربته يمكن ينفعني ويمكن لا .. وهاي يختلف عن بشرتج .. بس انطري لين اجربه واكتب تجربتي عنه احسن ^_^ بعد شهر بجربه او بعد 15 يوم وبشوف ..

 

[Miss--dndn]

حبيبتي انا حاليا طلبت المجموعه الي اهيا
كلينسر والتريتمنت والمرطب وبشتري زيت الجوجوبا من العطار
وبجرب
اذا عجبني بطلب المجموعه كامله مره ثانيه

 

[ذيبه مزاجيه]

توكلي على الله

 

[BaNNy1991]

ابي وحده تبيعة
ابي تاجره توفره لي

لاني محتاجته ضروري

بليييييييييز

 

[Miss--dndn]

حبيبتي باني انا طالبته لي تاجره اسمهاd.r nouf
اهيا تطلبه لج من بره وتوصل لج البيت ولها عموله

 

[Miss--dndn]

انا ما اخذت المجموعه كامله
بس اخذت المرطب والعلاج والغسول حجم وسط مو الكبير
طلع علي مع العموله والشحن ٣١ دك واذا تبين خدمة مندوب ب ٣ دنانير يستلم منج المبلغ ولما توصل الاغراض اذا تبين يوصل لج الغراض لي البيت هم تدفعين ٣ دك او اذا ماتبين مندوب روحي انتي واستلمي بنفسج بجنوب السره وبس

 

[Miss--dndn]

ذيبه مزاجيه وقوليلنا شصار معاج في تحسن او تطور بالنتيجه؟!

 

[ذيبه مزاجيه]

انا اهملت يوم ونص طلعت لي حبتين في خدي اليسار وحبه صغيره ف خدي اليمين .. والحين راده وبكثافه هههههه
لازم الاستمراريه ومرتين ف اليوم وانا حزات اكسل واحط مره ..
يوم كنت احط مرتين ما كان يطلع لي حبوب .. والحين رجعت عل مرتين باليوم .. ويخفون تدريجيا ..

 

[أحلى قصة]

الله يتمم عليج

 

[Miss--dndn]

حبيبتي متى تحطين التريتمنت الصبح ولا فبل النوم ولا اول ما تقعدين؟!!!
والمره الثانيه متى تحطينه؟!
والترطيب تغسلين التريتمنت وترطبين ولا فوق التريتمنت؟!
اذيتج بالأسئله بس بيوصلني وابي استخدمه صح

 

[ذيبه مزاجيه]

انا لاني حاليا في اجازه احطه اول ما اقوم على طول على الساعه 7 .. وخبرج اتم فتره قبل ما اغسله لان وقت صلاة الظهر اتوضى للصلاه فيروح من ويهي ..
عقب ف هالفتره يعني ما اغسل ويهي بصابون او شي لكن بعد ما اصلي واخلص اغسل ويهي بماي عدل علشان اي شي يروح لان كثرة الصابون مب زينه للويه .. عقب انشف ويهي بالطبطبه اما فوطه او فاين .. واروح احط المويسترايزر اللي هو اخر خطوه للترطيب لان بتكون البشره وايد جافه بالذات بداية الايام ..
وفعلا انا التقشير خف من ويهي .. وحتى الحرقان من العلاج كله الحمدلله خف وايد وويهي تعود عليه الحمدلله ..

والمره الثانية احطه قبل ما انام ..

وعادي لو مثلا حطيتي العلاج .. وبعد ساعه او ساعتين حسيتي ان ويهج حده جاف .. حطي من المرطب اللي هو المويسترايزر على ويهج عادي بدون ما تغسلينه ..

وبس .. في انتظار تجربتج بعد ما تجربينه ان شاء الله ^_^

 

[Miss--dndn]

يعطيج العافيه حبيبتي
بس ياريت تخلين هالموضوع مستمر عشان نستفيد منج ونفيد غيرنا
عن المنتج الروووعه انا متأمله ان شاء الله
وبلغينا كل فتره عن النتائج والتطورات وشلون صارت بشرتج
لأن جددددد استفدت من موضوعج و بفضل الله ثم بفضلج تعرفت علي هالمنتج الرائع بس اتمني يناااسب بشرتي.
مشكوره

 

[Miss--dndn]

حبيبتي ذكرتي بردج ان يحرق لما تحطينه؟!
يعني تحسين بحراره ويقرص ؟
لان هذا الي يضايقني وما اتحمله

 

[ذيبه مزاجيه]

يقرص وايد كنت واتضايق منه واحس بحرقان لان بشرتي حساسه وايد وما استحمل لدرحة ان ويهي كله يصير وردي او احمر .. بس استحملت لاني ابي النتيجه بالاخير . . والحمدلله ما خذلني والله ..
يارب يناسبج ان شاء الله ..
والموضوع بيضل موجود ان شاء الله ^_^

 

[نسايم روحي]

ماشاء الله خفت الاثار وااايد الله يتمم عليك