صلصات للحلويات

[غلا أيامي]

السلام عليكم ورحمه الله وبركاته ، لو سمحتوا يا كويتيات ممكن تعطوني وصفات للصلصات الحلويات غير التوفي والكراميل ابغي شي ديديد وغريب ،،،،،،،،،،،


ومشكورييييييييييين

 

[*السكب*]

وعليكم السلام ورحمة الله وبركاته ​

بعطيك صوص النسكافيه لذيييذ ومجربته ​

ممكن تصبينه عاى كيكة القهوه او اي كيكه بيضا جاهزه​

المقادير​

كوب سكر​

كوب ونصف ماء ساخن​

4 م ك ماء​

3 م ك نشا​

1 م ك نسكافيه​

3 م ك زبده​

الطريقه:​

نذوب السكر على النار لين يذوب ويصير بني فاتح مع التقليب​

يضاف الماء الساخن بالتدريج ونرجعه على النار لين يذوب السكر​

في وعاء اخر اخلطي (النشا + 4 م ك ماء + القهوه ) ثم يضاف لخليط السكر ويترك يغلي دقيقتين​

حتى يصبح سميك مع التقليب المستمر بالخفاقه اليدويه ويرفع عن النار وتضاف الزبده ويقلب ​

ثم يصب على الكيك اواي شي تبينه ​

سبحان الله وبحمده.... سبحان الله العظيم​

:33_1185028183::33_1185028183::33_1185028183:​

 

[سمسوومة]

Up
Up
Up

 

[جارة القمر]

ممكن تسوين 3 حبات جالكسي مع 3 قفاش نوتيلا وعلبة قيمر كي دي دي


ممكن تذوبين ارو مع كريمه حمراء


او كاكاو جالكسي مع قيمر




تبين الصلصات حق حلو بارد ولا حق كيك


http://www.q8yat.com/t70304.html



http://www.q8yat.com/t702923.html



ممكن علبة كريم كراميل وعلبة قيمر وعبة كريمه حمراء وعلبة نوتيلا وسط تخلطينهم مع بعض



http://www.q8yat.com/t910609.html




وممكن تستخدمين الدانيت بالكاكاو عجيب



http://www.q8yat.com/t825979.html


http://www.q8yat.com/t43572.html



http://www.q8yat.com/t995132.html

 

[noynoy]

لو مسويه كيكه فنيليا عاديه
حطي يمها صوص فراوله سهله طريقته
اخذي علبه فراوله نضفي الحبات و شيلي العرج الاخظر و قصيها بالنص و حطيها بجدر و ضيفي عليها
كوبين شكر بودر، و خليها تغلي غليه وحده، طبعا النار هاديه
عقب حطيها بالخلاط و قدميها مع الكيك

و هم تقدرين تسوين كيك او كب كيك و تتفنين بالفروستنج او الايسنج
و هذي بعض الامثله اللي جربتها

1-صلصله الموكا
قفشه قهوه نسكفيه تذوبينها بقفشتين ماي حار، و تحطينها مع 80 مل كريمه +100 مل ككاو دارك كلهم بحمام مائي لما يذوبون

2- كريمه الجبن بالعسل، هذي تلوق مع كيك ككاو او كبك كيك ككاو اطثر شي
تحطين جبنه فيلاديلفيا بماعون و تخلطينها بالخلاط اليدي و عقب تضيفين نص كوب شكر بودره و قفشه عسل و تخلطين لين يتجانسون

3-صلصه الببترسكواش
تسيحين 20 جرام زبده و نص كوب شكر اسمر على نار هاديه لما تغلي غليه وحده وطي النار على اخر شي و خليهم 3 دقايق
عقب شيلي الجدر من النار و حطي ثلث كوب سور كريم (كريمه حامظه)، و خلطي و اخر شي حطي علبه جبنه فيلادلفيا و ضربيهم بالخلاط اليديوي لما يتجانسون

4- الناريل
اول شي تكونين مطلعه الزبده قبلها بساعتين لما تطري و تدفي
عقب تحطين 60 جرام زبده بماعون + نقاط من روح الكوكونت، و تخلطينهم لما تصير الزبده خفيفه
عقب ضيفي ثلاث ارباع كوب شكر بودره و قفشه حليب و خلطيهم

 

[رو&الشقاوة&وح]

روعه هالموضوع اينن

اب
اب
اب

 

[بهبهانيه]

والله انا اشتري جاهز
في صوص الشوكلت وفي الستروبري
تلقينهم في سلطان
شحلوهم مع كل شي استخدمهم

 

[@ام يوسف@]

اااب