صلاه التراويح جم ركعه؟؟؟

[شاربة بيبسي ومدلعة نفسي]

السلام عليكم
مبارك عليكم الشهر وانشالله شهر خير ومبارك عليكم
انا ساعات اصلي صلاه التراويح اربع ركعات وامس صليت ركعتين ولا يقولولي انا صلاه التراويح اقل شي 8ركعات ابي أعرف يصير اصليها 4 او ركعتين ولا لازم 8 ركعات
وجزاكم الله خير

 

[شاربة بيبسي ومدلعة نفسي]

ليش محد رد على سؤالي

 

[ماكنتوشة***]

هلا حبيبتي ,,,,,,, مبارك عليج الشهر
أنا سمعت انها ثمان ركعات
وبصراحه اول مره اسمع انها ركعتين ؟؟؟؟؟
لان الناس يطولون في المسجد .... فالمعلومه الاكيده انها ثمان مو أربع
واذا بتأكدين أكثر أسألي لج شيخ أفضل
والله يوفقج

 

[إنسانة أكثر]

وعليكم السلام حبيبتي

وعلينا وعليج يتبارك

وتقبل الله طاعتكم

أما عن سؤالج يالغالية

فالتراويح إيه 8 ركعات وركعتين شفع وركعة وتر

يعني 11 ركعة يالغالية

كما صح عن عائشة رضي الله عنها وقد سئلت: كيف كانت صلاته صلى الله عليه وسلم في رمضان؟

فقالت: ما كان يزيد في رمضان ولا في غيره عن إحدى عشرة ركعة،

يصلي أربعاً فلا تسأل عن حسنهن وطولهن،

ثم يصلي أربعاً فلا تسأل عن حسنهن وطولهن، ثم يصلي ثلاثاً".

.

.

.



أتمنى أكون أفدتج

وكل عام والجميع ابخير :eh_s(17):​

 

[yam_yam]

رد : صلاه التراويح جم ركعه؟؟؟

اها يعني 4 ركعات مرتين و بعدها الشفع و الوتر ؟؟
انا كنت اصلي ركعتين ركعتين
و عقبها الشفع و الوتر ماكنت ادري

 

[اجمل نساء 2011]

لا حبيبتي عادي احنا جذي بالبداية امور كثيرة نجهلها نفس ما قالت الاخت اللي قبلي موفقة

 

[زهر الرمان]

يسلمو عالسؤال اللي حده مفيد
بس جنه اهيا ركعتين ركعتين
وله 4 سمتة وحدة يعني بتسليمة وحدة؟

 

[*صَبا*]

ركعتين ركعتين وبعدها بعد ركعتين وركعتين وبعدين الشفع والوتر

يعني مب شبك

وهالطريقه يصلوونها فالمسجد وتقدرون الشفع والوتر 3 شبك بتشهد واحد

 

[AbRo0oH Q8]

شوفي انا توني راجعه من العمرة ..
و يصلونها .. 23 ركعه ..
كلهم على ركعتين ..ركعتين ..و بعدين الشفع و بعدين الوتر ركعة ..

 

[آلسحرآلحلال]

اقل شي 5
واكثر شي 12
بس في يصلونها اكثر يعني فوق الـ20
بس مو اقل من 5 ..
صلي اللي تقدرين عليه

طبعا غير الشفع و الوتر < 3 ركعات غير التروايح

 

[الماسه.80]

اكثر شي


ياعمري12 ركعه بس جزاكي الله خير لو حاطه صوره ساكنه عل الاقل اهون من الي يترقصون ,,,

 

[إنسانة أكثر]

السلام عليكم ورحمة الله وبركاته


.

.

.


أنا عن نفسي أصليها ركعتين وتشهد كامل وركعتين وتشهد كامل لحد مايصيرون ثمان ركعات

بعدين ركعتين شفع وركعة وتر

تحياتي وإحترامي للجميع​

 

[Amanda_93]

بالمسجد نصليها كل يوم ..
8 ركعات تراويح =ركعتين +ركعتين +ركعتين +ركعتين
+
ركعتين شفع وتسلمين ...
+
ركعة وتر مع الدعاء ..

 

[ЄŊg.Đσ`3Ч]

., 8 ركعات معروفه .~

+ الشفع والوتر :ٍ |

 

[أنفآس الرحيل ~]

رد : صلاه التراويح جم ركعه؟؟؟

البنآت مآقصروا ..

وصلاة الترآويح أقل شي 8 ركعآت

ركعتين
ركعتين
ركعتين
ركعتين

+

الشفع ركعتين
الوتر ركعه

 

[الخشف النداويه]

رد : صلاه التراويح جم ركعه؟؟؟

والله انا إللي اعرفه انه الدين يسر مو عسر بقدرالمستطاع صلي يعني صلي ركعتين بعد العشا وسلمي وبعدها ركعتين وسلمي إذا تقدرين 8 أو 6 أو 4 عادي بعدين السنتين والوتر أنا اصليها جذي والله يتقبل منا صالح الاعمال