صلاتي

[سعبوله نحله]

بنات ابي اجدد في صلاتي بس شلون ابي اكون مركزه ومنتبهه ومااسرح فيها صايره اصلي اول ركعه وماشوف الا انا مخلصه مدري شلون بس احس استغفر الله جنها صايره روتين ميته مافيها خشوع

بس غير اني اغير السور ابي شي يخليني اركز ومنتبهه :eh_s(2):

كل وحده اذا ممكن تقول شنو الادعيه الي تقولها قبل وبعد الصلاة

و الي تقولها بالصلاه :eh_s(7):

اعتبروني وحده توها اسلمت استغفر الله وقولو لي شتسوون من تكبرون الي تخلصونها

 

[عتآق الخيل]

رفع

..
​

 

[Miss May]

السرحان في الصلاة وارد الله يغفر لنا إن شاءالله ونحاول نتفاداه

تذكري لما تصلين إن هالصلاة بتقابلين فيها الله
وإن الله بيسمع كل حرف وكل دعوة بتقولينها

وحاولي إن تصلين كل صلاة بوقتها ما تتأخرين في الصلاة <<<< مهم

غيري المكان اللي تصلين فيه >>>>> مرة بدارج - مرة بالصالة

والدعوة اللي دايم أرددها في الصلاة

"اللهم آتنا في الدنيا حسنة وفي الآخرة حسنة وقنا عذاب النار "

أتمنى أكون أفدتج والبنات إن شاءلله ماراح يقصرون

 

[ايمان7]

كانت صديقتي تقولي كلما تسرحين بالصلاة وانتي بالقيام هزي السبابة اليمنى على ايدج اليسرى
واذا تركعين اضربيه على الركبة واذا بالسجود اضربيه على الفخذ بس طبعا هزه خفيفة مثل التشهد
وبصراحة جربتها وانفعت معاي

وحاولي لما تصلين يكون تركيزج كله أن الله بعظمته وجلاله قاعد يشوفج ويراقبج واستشعري بهالشي

وقولي ادعية الاستفتاح تلقينها بالنت " اللهم باعد بيني وبين خطاياي كما باعدت بين المشرق والمغرب... "
وعسى الله يرزقنا الخشوع في الصلاة

 

[سوسو الخقق]

انصحك تابعي برنامج مشاري الخراز كيف تتلذذ بصلاه

رووووووووووعه مرررررا

 

[سعبوله نحله]

بسوي الي قلتوه ان شا ء الله يزاكم الله خير

 

[ھدۅۅۅۅۅۅء]

يَ هلَآ فيج آختي سعبوله
وآلله آنه فيج آلخير وسؤآلج ومحآتآتج هذآ دليل آنه فيج آلخير
حبيبتي كلنآ بلآ شك نسرح بآلصلآه ونحآول قد مَ نقدر يكون تركيزنآ بآلصلآه
وآلحمدلله آلحلول كثيره لـ هذآ آلشي آعظمهآ
آلحين لمن تصلين تفكرين بمين ..؟
تفكرين بمستقبلج ..؟! ~ هو بيد آلله
تفكرين بآلزوآج وآلذرريه آلصآلحه ~ عطآ آلله وبيد الله
تفكرين بدرآستج آو وظيفه آو مآل ~ بيد آلله كل آلآرزآق
طيب آلحين فكري فيه
لمن آتوضآ وآصلي وآكون بيد آلله وآنآ آفكر بعآلم ثآني
ولآ آعرف شو آقول ربي رآح يرضى عني ..؟
لآني مَ عظمته ولآ عبدته مثل مَ آهو يبي
بس لمن آهيئ نفسي للصلآه قبل يدخل موعدهآ
وآقآبله بآحسن مقآبله يكون تركيزي كله بآلصلآه
آتدبر آلمعآني آللي آقولهآ وآخشع ومآ آفكر بشي
هنآ ربي رآح يرضى علي بآلدنيآ وآلآخره ورآح يجآزيني خير آلدنيآ وآلآخره
ولمن نبي نوصل للخشوع لآزم نتدبر ونعرف معنى كل كلمه بآلصلآه وكل حركه
وعن نفسي آنصحج بكتآب آبن آلقيم آسرآر آلصلآه آقريه بتمعن وآلله بتتغير صلآتج ​

**​

شوفي حبيبتي آول مَ تسمعين آلمؤذن يآذن قولي مثل مَ يقول
وقومي توضي وآحسني وضوئج وحطي ببآلج آنج رآح تقآبلين ملك آلملك
رآح تقآبلين آللي خلقج وآعطآج آعظم نعمه وهي آلآسلآم
رآح تقآبلين آللي كرمج عن كثير نآس يعبدون مَ لآ يضرهم ولا ينفعهم
آفرشي سجآدتج وقولي آلله آكبر وآتركي آلدنيآ ورآج وربج بس آللي ببآلج
تمعني بكل سوره وبكل دعآء ولآ تسمحين للشيطآن يدخل بينج وبين صلآتج
كلهآ 10 دقآيق بس وبعدهآ فكري بكيفج ​

**​

وآنصحج آكثر بمتآبعة هآلحلقآت آللي آن شآء آلله رآح تجدد لج حيآتج بآلصلآه وآلخشوع
وآسآل آلله آلعظيم آن يجعلني وآيآج وكل آلمسلمين مقيمين آلصلآه بآلخشوع وتدبر
‫كيف تتلذذ بالصلاة ؟ ( الحلقة 1 ، الجزء 1 )‬‎ - YouTube​

وتذكري
من صلحت صلآته صلح سآئر عمله
وآن آلصلآه هي آول مَ سنحآسب عليهآ يوم آلقيآمه
وبعد آلصلآه آكثري من آلآستغفآر
عل ربنآ يسآمحنآ ويغفر لنآ بتقصيرنآ فيهآ

آسمحيلي طولت بآلحكي
دعوآتج لي :eh_s(7):​

 

[M!SS.LOBY]

سبحان الله وبحمده ........... سبحان الله العظيم