صف النيـه

[الغــ مرت ــالي]

صف النيـه
قالها الفنان الكبير عبدالحسين عبدالرضا
ياجماعه
ليش ما انصفي النيه ؟
ترا فينا طبع مو حلو حبيت اكتب عنه
اذا سمحتولي
بس طبعا مو الكل فيه هالطبع
البعض
اذا شفنا ريال قاعد على البحر و زعلان
ليش انقول متهاوش مع زوجته او الصاحبه ؟؟
يمكن عليه مخالفات و اقساط كثر شعر راسه
(هذا اذا بقا براسه شعر)

اذا مرت وحده الساعه 12 بالليل بسيارتها
ليش الشباب يفجون عينهم و يخزونها
يمكن دكتوره عندها خفاره رايحه المستشفى
(حلاتهم ملائكة الرحمه)

اذا وحده حلوه مرت و ريلج طالعها
ليش اتحسين انه يتحرش فيها و معجب ؟؟
يمكن ايقول بقلبه مرتي تسواها و تسوا اهلها
(عيل شكو يطالع؟؟)

اذا وحده ثقيله و ماتضحك على اي شي
ليش انقول نفسيه و شايفه روحها ؟؟
يمكن عندها حالة وفاة او احد من اهلها فيه شي


اذا بنيـه شعرها بوي ليش سيده على بالكم صبيك
يمكن شعرها خفيف او مو حلو عليها الطويل


اذا واحد الله قارده بلون ابيض و شفايفه حمر
ليش عبالكم جنس ؟
ياخي العرج يحن شيسوي


اذا مرت فلبينيه و خزها شايب ليش اتفكرون غلط
يمكن ماعندهم خدامه و بقلبه ايقول هذي تصلح
(الا شايب مراهق)

اذا قلتي حق ريلج ابي فلوس و قال ماعندي
ليش اتظنين فيه ظن السوء
يمكن امسويلج مفاجأه بيشتريلج شاليه
(طل)


اذا واحد صار له 7 سنين بالجامعه وصار طرشي
ليش انقول عنه فاشل ؟؟
يمكن اخته مستجده و ينطرها تتخرج يخاف عليها
(أخاف صج)

اذا وحده ميته من البجي بسيارتها
ليش كل الناس اتطالع
و على بالهم ريلها طاقها ..؟
يمكن عرسها اليوم و الخياطه خربت نفنوفها
(أحلى ترقيع)

اذا اثنين تزوجوا و مايابو عيال ليش سيده تقولون مافيهم
عيال و اتدشون بخشومهم ؟؟
يمكن اهمه مأجلين الموضوع
(لاحقين على الحنه)


اذا واحد على طول مغتر ..... بر , نادي , مباراة
ليش اتقولون عنه اصلع و المايه قراح ؟؟
يمكن الريال ايحب الرزه
(امبله)


اذا شفتوا بالمطار البنات اللي واصلين من ايران خشومهم
ملزقه و عليها بلاستر
ليش على بالكم عمليات تجميل ؟
يمكن صار مطبات هوائيه و روسهم طقت
الكراسي اللي جدام
(قويه )


اذا وحده انعزمت على عشاء و ماكلت
ليش على بالكم رجيم و تتناغزون عليها
يمكن ياعت و تعشت مبجر
(شخباري اللي يتعشون مبجر)


اذا وحده اتدش الجامعه و تنفصل و اتدش التجاري
و تنفصل وتدش دورات خاصه او دورات مياه اخر شي نيوهورايزن
ليش انقول عنها فاشله ..؟
يمكن اتدور مصلحتها وين
( ماصارت المصلحه اللي ما لقتها ليلحين )


اذا واحد كل شهر سياره شكل مره مرسيدس
مره جاكور ليش على بالكم فلوسه وايده ؟
يمكن اجار
(فششششششله)

اذا واحد خطب وحده و اهلها ما عطوه و ماتزوج عقبها
ليش اتقولون وووي لي الحين يبيها لي الحين ايحبها ؟
يمكن مالقى اللي يبيها
(وعلييييه)

اذا وحده ساكنه بيت اهل ريلها و ماتنزل تتغدى معاهم
ليش ايقولون عنها شايفه روحها و نسره ؟؟
يمكن مسويه رجيم و ماتبي تقول
(خوو غصب يعني ؟؟ ) ​

 

[تركواز]

ههه تعليق احلى من الثاني


جان زين الكل يصفي النية بس ماكو


يسلموووو

 

[حصة]

ههههههههههههههههههههههههههههههههههههههههههههههههههههههاي ما تيوزين عن هالحركات ههههههههههههه

ازيدج من الشعر بيت

" اذا لقيتي واحد حاط ايدة بخشمة ليش تتهمينة ان قاعد يسوي شي مو زين يمكن قاعد يفكر بس عن طريق خشمة ولله في خلقه شؤون هههههههههههههههههههههههههههههههههههههههههاي"

 

[@ دهن العود @]

هههههههههههههههههههههههههههه

رووووووووووووووووعه والله مت من الضحك

 

[الغــ مرت ــالي]

هههههههههههههه
حلو سالفه حاط ايده بخشمه هاذي
لوووووووووووووووول

 

[@غالية@]

شلون نصفي النيه واحنا يالحريم فينا فضول العالم كله لا ولازم نعلق اذا محد ويانا بينا وبين نفسنا ما كو فايدة الله يهدينا يارب

وشكرا على خفة الدم والموضوع الحلو

 

[كندية]

هههههههههههههههههههههههههههههههههههههههه والله ضحكتيني ...صج كلامج ...تسلمين والله ..

 

[الشقردية]

يسعدني ان الموضوع هذا انتشر وايد بالقروبات و المنتديات

صراحه اثلاج للصدر

واللي كاتبته خووش وحده
لوووووووووول

بس مرت الغالي ليش مو كاتبه منقوول الله يهداج

الف شكر لج

 

[C.A.N.D.Y]

بس مرت الغالي ليش مو كاتبه منقوول الله يهداج

الف شكر لج << صف النيـه >> رد على الشقرديه

 

[malak_alroo7]

هههههههههههه خوش موضوع الصراحه


اذا وحده ثقيله و ماتضحك على اي شي
ليش انقول نفسيه و شايفه روحها ؟؟
يمكن عندها حالة وفاة او احد من اهلها فيه شي

كل شئ جايز لووول

مشكوووره اختى

 

[ضحكة الدنيا]

مشكوووره حبيبتى على الموضوع
والتعليقات اعجبتنى
وجان زين كل واحد يصفى النيه بس صعبه شوى خصوصا عندنا
احنا يالحريم

 

[ردينه]

وووووووووووااااااااااااااااااي اتهبليييييييييييييييين شنو هذا صج ضحكتيني وانا ضايق خلقي الله يسعدج دنيا واخرة يا مرت الغالي

 

[قبوطه]

اضحك الله سنج يا اختي مت من الضحك

بس تدرين ؟ لفتة نظري نقطه جدا جدا مهمه اتمنى من الخوات يقرونها وينبهون عليها

اذا اثنين تزوجوا و مايابو عيال ليش سيده تقولون مافيهم
عيال و اتدشون بخشومهم ؟؟
يمكن اهمه مأجلين الموضوع
(لاحقين على الحنه)

_______________
والله اتمنى يا خوات اذا تعرفون احد او وحده منكم تسأل هالسؤوال لاتجرحون فيه ترا جدا هالسؤال ماله داعي ولا احد يسأل ها تزوجتي ؟ لاني اشوف الدموع بعين بنتي لمه احد يسالها عندج عيال ؟ ولا ها ماصار عندج عيال ؟ فأتمنى خواتي تنبهون انه هالسؤال ماينسأل الله يرزقها ويرزق كل محروم يارب ياسميع

ومشكوره ياقلبي على هالموضوع المفرفش

 

[جروح تبتسم]

مشكوره على الموضوع يسلمو مرت الغالي
شقرديه شكلج انتي اللي مألفته ؟؟؟؟؟؟صح