صفار في الملابس البيض ساعدوني

[توتاتوتا]

السلام عليكم

انا طلعت لي مشكله في غسل الملابس البيض و هي انه احيانا يجي فيها لون اصفر متوزع على اللبس و بالذات الاقطان و بصراحه يحرجني مع زوجي لان ملابسه كلها بيض

غسالتي اوتوماتيك و لو غسلنا البقعه على اليد تروح لكن ماعرف ليش طلعت

ملاحظه احنا ركبا مقوي لدفع الماي و بعدها صار الماي الحار يجي اصفر لكن من ركبناه بداية الشتا ما طلعت لنا المشكله الا الان
و هل صابون اومو له علاقه او الكلوركس

و شكرا

 

[توتاتوتا]

اب
اب

 

[ام سعودي باشا]

انا اتوقع الكلوركس كثرتة تسبب الاصفرار استخدمي اريال روعة

 

[ما أروعك!]

والله انا نفسج

عندي معاناة مع غسيل الملابس

يا ليت خواتي السنعات يفيدونا

 

[أم منورة]

هلا حبيبتي

احسن حل ومجربته انج تركبين فلتر لهوز الماي اللي واصل للغساله وشوفي بعد فتره شلون يتغير لون الفلتر يصير بني من تصفية الماي

 

[لذوذذه]

اعتقد كلوركس يصفرهااا.

 

[الحنان الدافئ]

حبيبتي ،،، أبد الكلوركس ما يصفر الملابس بس يصفر الملابس اللي عليها نشا فقط ،، عمرك ما تستخدمي كلوركس على ملابس بيضاء عليها نشا ،،، وثانيا الفلتر ضرووووووووووووري للغسيل وهم للغسالة ،،، وبس

 

[شباصة ضايعة]

نفس مشكلتي بس انا تطلع بس في ملابس زوجي من عند الاباط يصوفر وما احط كلوركس بس اريال والماي عادي نظيف مافيه شي بس يقولون والعهده على الراوي ان سبب الاصفرار اهو اهو اهو
ديودرنت زوجي المعطر الرول هاااااااااااا شالحل

 

[شباصة ضايعة]

نفس مشكلتي بس انا تطلع بس في ملابس زوجي من عند الاباط يصوفر وما احط كلوركس بس اريال والماي عادي نظيف مافيه شي بس يقولون والعهده على الراوي ان سبب الاصفرار اهو اهو اهو
ديودرنت زوجي المعطر الرول هاااااااااااا شالحل

 

[معالي الملكة]

انا بعد عندي هلمشكره مرات اغسل ملابسي تطلع صفرا وما ادري ليش


بحاول اركب فلتر وبشوف لان صج الماي اصفر

 

[طيرشلوا]

جربو فاشن حلو حطوة والاريال احسن من التايد

 

[حرم راشد الماجد]

حطي جويت

 

[F.A]

نفس مشكلتى بالضبط

 

[@الياسمين@]

نفس المشكله
انا اعااني من هالشي .... شالحل ؟

 

[الزين نجدي]

شوفي يالشيخة اولا لازم تركبين فلتر للغسالة الشفاف وكل فترة تبدلين الشمعة مالته

ثانيا بالنسبة للأبيض استعملي أريل لأنه ممتاز حق الأبيض :icon30: بس للألوان يخلي الملابس باهته

ثالثا الملابس البيض طبعا غسليهم لحالهم وهم قسميهم الانظف للأوسخ

رابعا في ملابس تكون لها فترة من الاستخدام والأفضل تبدليهم كل شهرين او 3 اشهر حسب عدد استخدامهم مثل الملابس الداخلية والدلاغات ( الجوارب) والغتر والدشاديش

:eh_s(1):والله يعين الخليجيات علي غسيل الابيض لان حساس اكثر من مشاعرنا :dddds:

 

[زهور المحبة]

شوفي يالغاليه
انا مثلج غسالتي اوتوماتيك واعاني نفس المشكله بس لما استخدمت صابون Vanish مال الملابس البيضه
خفت وصارت احسن من قبل
وطريقته انج اتخلطينه مع صابونج العادي واتحطينه بالغساله
نصييييحه لا اتطوفينه لازم تشترينه


ثانيا المهم والاهم اقطعي الكلوريكس من قائمه مشترياتج لانه يخرب ما ينظف ويصفر الملابس

انا استخدمته وقطعته وصرت ما استعمله الا لتنظيف السيراميك احط شويه نتيييفه كروليكس الملون مع الماي

 

[هداوي 111]

انا عن نفسي اغسل ملابس البيض بايدي واستعل صابون اريل واحط عليهم شويه جويت صدقوني لاكلوركس ولاغيره

 

[choclatecho]

انا كااااااااااااااااااان عندي هالمشكلة استخدم اومو و شوي فانش بس تبون تعرفون شلون حليت المشكلة


بصراحه لا فلتر ولا شيء امي قالتلي الملابس البيض لازم ماي بارد عشان لا تصووفر و بس قمت اغسل بماي مو بارد وايد فاتر لان اصلا الصبح لما تغسل الهدووم الماي البارد يطلع حاااااااااار من جونا فقمت اغسل الملابس البيض بليل يكون الماي برد شوي و سلالالامتكم جربووا

 

[جاكليت]

انزين ما قلتو لنا بنات شنو الحل حق الملابس اللي تصوفر من الديودرنت

وطبعا البقع الصفرة أبدااااااااااااا ما تروح ؟؟؟؟