صرت حديث المدرسه بعد ما سميت بنتي ع اسم الناظرة*

[نفيش بالعسل]

السلام كويتيات بقولكم قصتي وحابه اسمع رايكم ف الموضوع*ً*ً قبل 4 سنين كنت ع خلاف دائم مع رئيسة القسم ووحده من الوكيلات سبب الخلاف مع رئيسة القسم محاباتها لبنت حماها للي كانت مدرسه معانا ف القسم (( للعلم الناظره كانت رايحة رحله علاج ف الخارج ف هذيج الفتره )) سنه كانت كبيسة علي وتعبت فيها نفسيتي حيل المهم السنه للي وراها جتنا ناظره صج شديدة حيل بس حقانيه وانا هذا للي يهمني حضرت لي حصة فجأة وحييييل عجبها شغلي واثنت عليه جدام رئيسات الاقسام كلهم ف اجتماعها معاهم طبعا انا للي وصلي هالكلام رئيسات الاقسام الثانية مو رئيسة قسمي بعدها حضر لي موجهي واهو عارفني وصارله تقريبا 7 سنين معاي اثنى علي جدام. الناظره جدا ف ترسخت فكره الناظره عني السنة هذي الوكيله ورئيسة القسم تحاشوني وخفت المشاكل حيل وحيل حبيت هالناظره لانها انصفتني لكن يا. فرحة ما تمت الناظره ما قعدت الا سنة وحده وانتقلت بسبب عوده ناظرتنا القديمة من رحله العلاج ف السنة هذي انخطبت وبما ان بيت زوجي بعيد عن بيت اهلي ف قدمت نقل خارجي وفرحت رئيسة القسم اني بنتقل وقزرنا هالسنة باللي فيها لين خلصت وكنت ناطرة نقلي ً ً لما تزوجت وحملت كنت دايم اقول حق زوجي اذا فيني بنت بسميها فلانة ع اسم ناظرتي اول للي ما انقطعت علاقتي معاها حتئ بعد نقلها قال كيفج ً ً من حسن حظي انتقلت السنه الجديده للمدرسه للي فيها هالناظره ورئيسة القسم هناك زينة والموجهه بعد غير ناظرتي العسل لو انها شديده ً ً لما ولدت سميت بنتي عليها والله العالم انه مو نفاق بس حب حق هالانسانة الحقانية من يومها بدت تعليقات المدرسات جت ام الناظره راحت من ام الناظره ها ش عطتج الناظره سماوة غير للي كانوا يقولون اشكره بوجهيي وللي ينقلونه بغض الابلات لي صراحة حيل بدا هالشي يتعبني ً ً ابي منكم رد اقولع حق هالابلات لي قالوا لي هالكلام واكون شاكره مابي ردود جارحه لا ابي ردود عليهم ف الصميم*

 

[randomy]

انتي قايلتلهم انج مسميه بنتج عليها؟!

اذا لا

رقعي الموضوع وبيني انه صدفه

حبيبتي لاتصيرين حساسه خل يولون

واللي تقط عليج كلمة قطي عليها عشر

جذي الكل يحترمج

 

[روح اميمتها]

واااي الحريم ماتخلصين من سوالفهم مالهم شغل انتي بكيفج وحاولي تجنبينهم وتقولين اهو مشتهي هالاسم وانا حابته من زمان

 

[ام بشار]

حبيبتي انت من اول غلطانة تسمين بنتج عليها إذا تعزينها مو شرط تسمين عليها تورينها معزتها بطرق ثانية من خلال مجهودج بالمدرسة تقديرها إذا عندها مناسبة تكرمينها بنهاية السنة تسوين درس نموذجي يرفع اسم مدرستها تذكرينها بالخير دايم قدام المعلمات. وتقبلي مني حبيبتي

 

[نفيش بالعسل]

انا ما قلتلهم اني سميتها عشانها بس اهي تدري اني مسميتها عشانها لان من وانا بنت ف المدرسه القديمة وانا قايلتلها اذا تزوجت وجتني بنت ب سميها عليج قعدت تضحك فديتها والله تستاهل ً بس لما وحده فيهم سألتني مباشره انتي مسميه بنتج ع الناظره ما حبيت انفي هالشي لانه يشرفني واهي تستاهل غير ان ف كل الاحول لو بقول لا هم ما راح اخلص منهم لان يعرفون بمعزتي لها

 

[نفيش بالعسل]

حياج ام بشار ً ً بس وين الغلط يا قلبي انسانه انصفتني وما قصرت معاي حبيت بنتي تذكرني فيها طول عمري ارجع اكررر والله العظيم اني سميتها حبا فيها مو نفاق ً ً والتكريم والدرس النموذجي كله مس ويته لها قبل ما اتزوج

 

[¤§ زيتونة §¤]

حبيبتي
الله يخلي لج بنيتج وتفرحين فيها

عادي قولي لهم اي عليها اهيا حليوة وحبوبة وتستاهل ووقفت معاي وقفات اخوية ومن هالحجي

انتي بكيفج باسم بنتج

والناس المتطفله ردي عليهم بادب واختصري الحوارات ولا تصير بينكم مشاكل وتتعادون بسبب هالشي

الله يوفقج حبيبتي

 

[كويتية222]

اختي طاف وقولي لهم ربي يجعل بنتي صالحه فالحه وخايفه ربها مثل سميتها وطاااف

 

[غلا،،]

وااااااي يالحررريم لا تعلليق صراحه الله يعيييييين
عادي حبيبتي طاااااف خوو بنتج وبكييفج بعد حلوه هذي يتدخلون
ومو بس هالناظره تحمل هالاسم الفلاني
وبالطقاق والله ردي وقولي من معزتي للناظره سميتها
خوو ما كفرتي
حرريم يا حبهم للسوالف وخصوصا محيط المدرسه
الله المستعان

 

[!amorra!]

يما من الحريم على كل شي يدققون

ولعينات صج

مو اكثر اهل النار حريم من شنوو من هالسوالف!!

هذي بنتج وانتي حره وكبري راسج عنهم

واللي تكلمج امسحي فيها الارض

قولي عيب عاد ماصارت شهالسوالف البايخه كل ما رحت والا ييت علقتوا هذا وانتوا معلمات صج رداة العقل مصيبه

عشان غيرها يتأدب

 

[#الخشف#]

يالغااليه هذا اسم بنتج ولج حرية التصرف بتسميتها محد له شغل اللي بتتكلم ردي عليها برد حازم يفشلهااا عشان تتوب تتكلم مره ثانيه..

 

[سلاسل ذهبيه]

خليج اعقل منهم ولاتهتمين لسوالفهم

 

[ام وريف]

غيره اكيد التعليقات والسخريه تدل ع الغيره طنشيهم والله يكون بعونك

 

[الأميرة جوري]

احلييييييييي طااااااااااااااف لايتعبونج نفسيا بنتج وكيفج بتسميتها

 

[PuPa^^SWeeT]

انا ما اشوف انه فيها شي


تسميتج على ناظرة مثل لما اتسمين على انسانة اتحبينها




مافيها شي



و كيفهم اسفههيهم

 

[نفيش بالعسل]

مشكورين خواتي للي ردوا وانا مثل ما قلت لانها عزيزة سميتها عليها ً ً كل الناس تسمي ع رفيجاتها والناس للي تعزها يعني ع قولتكم ما كفرت بصراحة حيل ارتحت لكلامكم

 

[*مطبخ الذواقة*]

الله يخلي لج البنوته وتفر حين فيها

ودام الناظرة كفؤ وتستاهل انج تسمين عليها قولي ولا يهمونج






الله يوفقج وييسر لج كل الصعاب




اللهم اميييين










تحياتي لج




اختج ام يوسف

 

[المـــــها]

اكبر طااااااف