صديقتي وزوجها ..؟!

[العوبأأأ]

بناات انا مو متزوجه

بس بقول سالفة صديقتي لاانها كسرت خاطري وهي تشكيلي وانا ماعرف بهالسوالف

هي من ملكت وزجها تمام معاها بس من يوم بداا يحبها ويتعلق فيها
صار يخاف باي لحضضضه تتركه اي شى مايعجبها وتقول لا يسويه علي طول
واذا ماقدر يسويه يزعل ويتضايق اكثثثر منها
والمشكله مو هنا بلعكس حلو انا يتضايق عشانها بس المشكله انو
ساعات اذا كانت تبي شى و مو قادر يسويه او حتي تعاتبه علي شى هو مسويه وماكان يقصد
او تبي تعلمه انو مايعجبني تخنقققه العبببره ويتصدد عنها واذا صادته تحصله يصيييح
واي شى منها هي بالذات يصيحه مع انه مع اهله مو كذا ابببد
مع اهله هو شوي شديد بس شخصيتة معاها كانه بيبي
يعني لو بتقول لا وجبرته يسوي شى مايبيه يطلع حرته بالصياح
وهي تقول انا تعبت نفسيتي تعبت اكتتتم

وماتبي تقول لامها او تشكي لاااحد تخاف يطيح من عينهم انو علي طول يبكي
مع انه مايصيح الا عندها بسسس وهي تقول انا تعبت اي شى اقوله
وينقهر منه يصيحح

وش الحل يا بناااات وش اسوي معاها البنت تبي تطلق تقول طفشت \
وانا مابيها تتطلق عشان شى تافه ​

 

[العوبأأأ]

ولا رد ​

 

[انثى الكويت]

امبيه كسر خاطري واهيا بعد

انزين تساله ليش جذي حساس خل تساله وتفهم منه

اذا طلبت منه شي وااهيا درت انه بيتضايق وجذي خل تفهمهوكي بس ما يستاهل انه يصيح

انا اقول هالريال في عنده ازمه عاطفيه

مادري والله وضعه اول مره بس كنت اعرف وحده ريلها يسوي الييه بس لا تبجي ما يحب يشوف دموع المره

 

[العوبأأأ]

المشكله انو هو الي يبكي مو هي ياليتها هي
ادري الموضوع شوي غريب

ساعدوني اعقلهاا واخليها ترجعله ​

 

[سبأ ~]

يمكن من كثر ما هو يحبها ما يتحمل منها أي شيء سواءً انتقدته أو عاتبته
ويمكن يكون أسلوبها دفش ومن النوع اللي يتنرفز بسرعة وينزعج وهو ما يبي يقهرها ولا يقدر يسوي اللي تبي فيحط حرته بالصياح من كثر ما يحبها

هو ما فيه شيء ما شاء الله وين بتحصل واحد يحبها هالكثر هي بس تحاول تفهمه وتكون أكثر هداوة معه وتعرف وش يحب و وش يكره وتغير من أسلوبها لا طلبت أو بغت شيء

وتنتبه تقول لأهلها ترى بتندم ويمكن يقلب عليها ليش هالشيء يطلع برا يعني أهلها بيجونه وبيقولون ليش تصيح على كل شيء غلط تقول لهم لأن مافيه مشكلة من الأساس بس هي مو فاهمته زين خليها تحاول تتقرب منه أكثر​

 

[iLLuMinaTion]

شي غريب

 

[منال $]

شكلو بحبهااا كتير
الله يديم المحبة
والله احنا الحريم لاهيك عاجبنا ولا هيك عاجبنا

 

[ماني من الناس]

غريب كلشوي يصيح وعلى اقل شي

مفروض اهي تتجنب تحطه بهيك مواقف وماتزعله

 

[غنج اهلها]

الله يعينها والله من جذي اهيا راح ترضخ له لان تتجنب تشوفه يبجي

بس مع الوقت راح يتعود والله راح يقسا

لان هالمشكله ماره علي وصاحبه المشكله الحين وربي تشكا من قساوته مع انه مثل زوج رفيجتج


دمعته علي طول مع انه شغله قوات خاصه وشخصيته شي قويه بس قدامها يضعف ويبجي مع الوقت وكثرت

المواقف بدت تتغير شخصيته

يعني رفيجتج لاتحاتي هذا بالكثير شهرين الاصايره اهيا تبي تشوف لينه وحنانه ماراح تلاقيه

 

[براطم وردية]

هذا الحين عشان يحبها..

بعد الزواج كل شي يتغير

 

[العوبأأأ]

يسلمووو كل الي ردولي شوكرن من جد

بس اتوقع انو هي مثل ماقالت سبأ
شوي دفشه باسلوبها اذا طفشت منه
تعصصصب​

 

[SWiiiRZ]

الله يخليهم لبعض

 

[ام كوثر2007]

دام تدري فيه حساس للدرجه هذى المفروض تعدل اسلوبها اشوي وتتقي الله فيه

 

[ياشايل الظبى]

مدري احسه غريب
شهالحساسيه الزايده

 

[حبيبي مالكني]

انا ماحب الريال الي جذيه
بس الصراحه ما يسوى الموضوع تطلق عشانه

 

[لمى الهاجري]

ما فيها شي الرجال يحبها خوفج عقب يقلب هاذي فرصة تطاب الي تبي

 

[انثى عاشقة]

احس صعبة حيل ريال كل شوية يبكي
ممممممممممم
بس يمكن عشانهم في البداية يسوي جذي
اكيد مع العشرة راح تخف الحساسية الي بينهم ..​

 

[أعشقه]

والله انا احس انه فله خخخخ بجد يصيح عشاني واو انه ماحقق لي الي ابي
الله يديم المحبه بينهم

 

[ياسمينا..]

شنو الدلع هذا اتطلق ومااتطلق والله اشوف الطلاق صاير موضة هالايام ،،،،وصاحبتك غريبه عندها رجال يحبها ويخاف عليها ويزعل اذا ماسولها شي بخاطرها تقول طفشت ومسوية مشكله والله ماعنده سالفه هذا الشخص كل بنت تتمناه شنو تبي يعني رجال يعطيها طاف ولاكف ولامن هالكلام عشان تعرف ان رجال وترضي غرورها،،،،،،!!!!!!!!!!!!!!

 

[alhabibah]

هذا الحين عشان يحبها..

بعد الزواج كل شي يتغير

معاها:eh_s(15):