صديقتي منعقدة وشايفه نفسها

[miss-farah]

بنات فيني قهر
عندي صديقه مادري شنو سالفتها متعقده شايفه نفسها انا بقولكم السالفه وانتوا احكموا

هذه لاحظت اذا عطتيها هدايا تفتحهم وتعيب عليهم ولا تشكر ولا تعرف الاتكيت بالمره
من جم اسبوع ولدت ورحت لها البيت ووديت لها هدية لها وللمولود هي لها ساعه ماركة والمولود ملابس فتحت الساعه قالت مو قدي بعطيها وحده فقيرة والملابس فتحتهم جدامي قالت هذا مو قده صغار حيل قلت لها هذاا يلبس من شهر الى 3 شهور شنو مو قده فسكت واستأذنت وطلعت من عندها وانا فيني قهر الدنيا وحرمت اهديها هديه
الحين اشرايكم فيها مو شايفه نفسها

 

[popa]

خلاص عيل صيري رفيجتي وشوفي اشلون انا عكسها لمن اخذ هدايا اشكر واستانس هههههه
ننتقل للجد:- دام اهيا جذي بعدي عنها وشوفي نفسج عليها وحقريها بس حركتها جد مو حلوه وقله ادب

 

[دنيا جديدة]

لا حول الله
غيري مسمى صديقة

 

[q8 83]

تحمدي ربج و تشكريه و اخذيها على قد عقلها

لاتهدينها بعد شي و اذا انقدت عليج قوليلها هداياي ما يعجبونج ول من مستواج ليش احرج نفسي <<< دقريها

 

[انصاريه قمره]

صج جليلة حيا وذوق

 

[ثريا الكون]

لو انا منج اقولها صج ما تستحين على ويهج ومو كفو احد يهديج دام اهي ما حشمتج ردي لها نفس لسلوب انا دنيا علمتني الي يجرحني اجرحه ولا اسكت عن حقي الحين انتي مقهوره لا سمح الله ضغطج ارتفع ولا يتلج الجلطه بعيد الشر كل هذا ليش على وحده مو حاشمتج الحل الوحيد قولي لها بويهاا انتي وحده ما تستحين ولا تعرفين الذوق ومو كفو هدايا ولا كفو احد يوجبج لو انا مكانج اسوي جذيه ولا شئ يردني اهم شئ كرامتي اخر زمن وحده سمعني جذيه كلام

 

[ماني من الناس]

ههههه

لو انا منج اخذ هديتي الساعه والبسها واقول قدي


عليكم السلام والرحمه


واخذ عباتي وجنطتي وامشي

 

[G!RLooNa]

خلاص لا تشترينلها

 

[نونو العصله]

اختي مره هدة شغله حق وحده
تدرين هذيج شسوت
قالت انها تبرعت بلهديه
مع ان الله هدية اختي غاليه ورزه

وهلبنت تزوجت معاي نفس الاسبوع
امي اهدتها هديه
وهذيج لا هي ولا امها هدتني شي
انا مو ميته ع الهديه
اانا اتكلم عن السنع

 

[كسرنى الهم]

واااااي مو من صجهااا
الواحد يكره ييب لها شي او يرورح لهااا
احسنلك تركيهاا وحده ما عندها ذوق

 

[tbola]

امبيه اتفشل

 

[شقرا كويتيه]

امبيه فشله شلون تقول جذي والله لوانا منج نفس كلام ماني اخذها والبسها والوجه من الوجه ابيض بصراحه جريئه رفيجتج مفروض تقدر جيتج وتقول ماقصرتي يالله حمدالله عرفتيها

 

[Tauoofa]

افف قله ذووق صراحه

 

[some one waw]

فشلة >>> صج ما تستاهل

 

[miss.unique]

صديقتي ؟؟

ويع غيري الكلمة

و صج ما تستحي .. وانا لو منج بعد عمري ما اييبلها شي قطيعة بدال ما تشكرج
اشكره جدامج جذي

ناس ما تستحي

 

[مناير ...!]

شحقها مصادقتها هذي

 

[am faisal]

لا انا شريتلها بلوزة من النمسا تهبل وغالية بعد كم يوم جتنى البيت وملبستها شغالتها
شرايك تصادقينى تشتريلى ساعة وانا ااشتريلك بلوزة من النمسا
صديقتى سحبت عليها السيفون لانى حسيت ان الحركة مقصودة انصحك بسحب السفونات

 

[too7a_q8]

اعووووذ بالله
شنو هذااا @@ مو لهدرجه
والله لو انا جان اخذ الساعه وهدية البيبي و اقولها واطلع هخخخخ
صج ناس مو كفو وماتستحي استغفرالله

 

[سارووونه22]

بصراحه مادري شقول صج قلة ذوق انصحج ابتعدي عنها

 

[كويتية222]

ساعة يعني تقدر تصغرها وتعدل فيها

هذي مو صديقة

لو انتوا صديقات كنتي لما قالت لج هالحجي قدرتي تردين عليها

دام تعرفين هالانسانة انه معقدة وشايفة نفسها ليشششششششششششششش تتواصلين وياااها اقصاااها مو من اهلج وحدة غريبة