صديقتي محتاجه نصيحتكم

[حشمه]

السلام عليكم

خواتي اتمنى تساعدون صديقتي بنصايحكم

اهيه صار لها سنتين متزوجه وداخله بالسنه الثالثه الحين

ماحملت وسوت فحوصات مع ريلها مافيهم شي

سوت سونار داخلي وتحليل دم وهالامور هم الحمدلله

مافيها شي وقالت لها الدكتوره لازم نسوي منظار داخلي

البنج ساعتين وخلال المناظر لو في شي بالرحم

سيده انشيله

اهيه واااااااااااااايد خايفه ورافضه فكره المنظار

تخاف يسوون فيها شي على قولتها

كلمتها وحاولت اقنع فيها بس تقولي خايفه

اتمنى لو احد فيكم مسوي منظار يفيدنا

 

[bant_alnoor]

السلام عليكم ورحمة الله وبركاته
بالعكس طمنيها انشالله مافي الا كل خير والمنظار يسونه عشان يتأكدون ان مافي شي يعيق الحمل وهي عملية عادية يفتحون ثلاث فتحات صغيرررررررررررررة ثنتين على المبايض ووحده في السرة ماتبين يوكون شكلها مثل الشق الصغير وعلى حسب دكتورتها اللى بتسويلها يعني يوم سوها لي كنت عند محمد صلاح في طيبة كلينك وسواها لي بسهولة وتطلعين نفس اليوم من المستشفى وانا سواها لى بدون خياط ولا كبس ولا شي خلاها جذي وبعدين التأمت من نفسها بعكس اختى سوتها عند الشعب التخصصى نسيت اسم الدكتور مسويها لها خياط وشوة منظر بطنها بس كلها سهلة انشالله
خليها توكل على الله وانشالله ماكو الا كل خير

 

[q8ya1986]

هلا قلبي ..
انا سويت المنظار اهي عملية بسيطه ومفيدة جدا

لكن في قبل هل خطوة شي اسهل اسمه الاشعه بالصبغه الملونة..خل تسأل عنه أول ..
اذا لقوا انسداد ومامر السائل اللي يحطونه معناته في مشكلة بالانابيب بعدها متى ماتبي تسوي المنظار عشان اذا انسداد بسيط يقدرون يبطلونه بالمنظار انشالله .

الاشعة بالصبغه : اسهل - ممكن تسويه ببنج موضعي أو بدون بنج حتى
المنظار : عملية كاملة - بنج كامل

 

[حشمه]

تسلمون خواتي طمنتوني وان شالله بقولها عن كلامكم

وبخليها تسال عن الاشعه بالصبغه

 

[عصفوووره]

نصحيها توكل على الله وبس سبحانه جل جلاله ابتلاها وقادر يفرج عنها
يارحيم

 

[Swan]

العمليه سهله وما فيها شي يخوف

 

[عروسه 99]

انا ما عندي علم والله بس الله يرزقها انشالله بالقريب العاجل

 

[حشمه]

تسلمون خواتي ماقصرتو

بلغتها عن اللي قلتوه والله يسهل لها

 

[<Miss ROoSe >]

والله يا قلبى ماعندى فكرة
بس حابة أدعى لها أن الله يرزقها ويرزقنا بالذرية الصالحة أن شاء الله ويرفع عنا البلاء​

 

[بعيدة الدار]

الله يرزقج بالذرية الصالحة اللي تفرح قلبج ياااااااارب

 

[غير كل الناس]

ماعندي معلومه بس ادعي ربي انه يرزقها ياحي ياقيوم