صديقتي خطيبها بخيل

[*الناعمة*]

السلام عليكم ورحمة الله وبركاته

طبعا ما لقيت أحسن منك علشان استشيركم

صديقتي المقربة شاكة أن. خطيبها بخيل

أمس صار ويأها موقف أهي عجبها جؤتي عزكم الله

ويوم رجعت البيت صار خاطرها فيه عدل بس على قولتها أنها

أمفلسه هالشهر وقالت حق خطيبها عنه وقال لها بعطيج فلوس

والح عليها وبعدين أهي وافقت وراحت بتشتريه ما حصلت مقاسها

وخبرته أنه ماحصلت وقالت له بس خلاص برجع الفلوس قال لها أووكي


أهي اتقول أنصدمت من جوابه توقعت يقولها عليج بالعافية خصوصا المبلغ مو وايد

عوووود 6 دينار وثاني يوم قالها بتمرين اليوم علشان تعطيني فلوسي واهي رجعتهم

وحدها إمطنقره خصوصا ماباقي شئ عن زواجههم . طبعا أهي من قبل صار لها موقف بعد

اتقول كان رايح محل ساعات وعجبته ساعتين واحتار أي وحده يأخذ اتقول اتصل ليها
قالها حبيبتي ادفعي حقي الساعه الثانية وكانت ب 20.دينار.


أسلون تتصرف مع خطيبها في هدي الأمور و شرايكم في تصرفه؟

 

[أم عزيـز]

امبيه مو صججججج !!
واااضح انه بخيل

عاد الريال البخيل ضييييم الله يعينها
عادي مافي الا نها اذا صار موقف تقوله شدعوه مستخسر فيني ؟
وشوف ردت فعله يمكن ينحرج

 

[tbola]

ويي صجج الله يعينننه خل تعوده تاخذ من خل يتغير طبعه

 

[*E.B.D.A.3*]

اهم شي

شوفي حبيبتي هذا حله الحين صعب ..
لانهم مجرد مخطوبين، لي الحين محد جابل الثاني عدل

لمه يتزوجون ويسكنون ابيت واحد
ترسم له خريطة المصروفات والمدخرات والي لك والي عليك هههههه جد اتكلم
يسوون تقسيمه بينهم وتوكله بعض المهام.. واهيه تقوله انا هالمهام الفلانية علي.

عشان يكونون واضحين من البداية ، وكل واحد فيهم يعرف شللي له والي عليه
بدال مايستغل خجلها اول الايام ويدفعها البيزات!

خل يتفقون من بداية زواجهم على كل شي

 

[مولاي الفرج]

لا يبا شنو تدفع له عشان طول العمر تقعد تدفع من جيبها

بس هذا اللي يبونه بشيه

 

[Gifts&Occaions]

امبيه كل شي الوحدة تتحمله الا البخل هذا طبع ومايتغير

 

[أحترت أعبر]

كل شي ممكن اتحمله الا البخل ....شوفي حبي من الاول لو تمت تعطيه بيتعود وبيزيد في طبعه , خلها تكون واضحه وفي منتهى الصراحه , تحدد له ميزانيه للبيت والمصرف وميزانيه يدخرون منها كم فلس ينفعهم ...ونصيحه لوجه الله حتى لو كانت تشتغل وعندها دخل لا تعوده على انها تحط يدها في اساسيات البيت ...يعني مثلا التاثيث والانفاق على ماجلة البيت والفواتير عليه ...
وان حبت تساعده وهذا مو غلط فيكون بالمعقول ودايم خلها تذكر انها تساعده لانها تبي تساعد لكن ما تحط على روحها مسؤليه لازم هو يتحملها ....
انا وحده متبعه هالقاعده مع زوجي والحمدلله من هالناحيه وايد مرتاحه ...ولانه يستاهل فقمت اساعده بطريقتي , يعني فواتير تلفوني انا ادفعها , واحيانا لما اكون حابه اغير شي بالبيت ويكون عندي امكانيه اغيره وانا اللي ادفع , والشاهد الله انه هالشي مخليه من ناحية التزامه المادي مو مقصر ...وبالنهايه كل شخص وقدرته​

 

[iLLuMinaTion]

الله يعينها

 

[حجيه هيونه]

كله ولا البخل

خل تقط عليه كم نغزه انها ماتحب البخلاء وجذي

يمكن شوي يحس ويبطل هالتصرفات

 

[سكوون انثى]

وآآي آمبيه الله يعينها

كل شي ولا البخل

وخليها تعطيه نغزات يمكن يستحي على ويهه ويبطل عاداته

 

[رنيم الروح]

بنات انا اشوف انه لما طلب ترد الفلوس اله معنى ثاني ومايعرفه الا هو لو انه بخيل فعلا ماعطاها الفلوس من البدايه اعتذر ولا قال بعدين ولا قال ماعنده

 

[Tulips]

لوووووووول

٦ دنانير !!

من صجج!!

ما يبيلها انحششششش

 

[*الناعمة*]

مشكورين كلكم حبيباتي

أي والله 6 دينار اتقول حست الدنيا أدوور فيها

يوم قالها رديهم بس ماعرفت اتقوله لا وليش

أقولها فضخي الخطوبة بس أهم مأخذين بعض عن حب

وماتبي أحد غيره بس هدي الضفة إلي امخلتنها

اتحاتي وااايد بنات عطوهااا حلوول زياده شنو اتسوي

وخصوصا قريب بتجهز حق غرسها واهي اتقول مااتبي اتحط شيء من جيبها

لأن العرش المفرووووض عليه

 

[roobee]

يقولچ. اثنين ماتعيش معااااااهم المرأه
١ الشكااااااك الي فيه مرض الشكة
٢ البخيييييييل. الانه مستحيل ويستحيل يتعالج منه
حتى فوزيه دريع قالت انا حليت ثلاثة ارباع
المشاكل الا مشكله البخيل مالها حل
فوحده من الثنتين
يا انها تتاقلم مع الوضع اذا اهيا تحبه
تغض النظر عن هالشغله وتعتمد على روحهاا
وزين منه يصرف على البيت
او انها تنحاااش منه وتتقولة انت ماتصلح لي

 

[Queen N]

يقولچ. اثنين ماتعيش معااااااهم المرأه
١ الشكااااااك الي فيه مرض الشكة
٢ البخيييييييل. الانه مستحيل ويستحيل يتعالج منه
حتى فوزيه دريع قالت انا حليت ثلاثة ارباع
المشاكل الا مشكله البخيل مالها حل
فوحده من الثنتين
يا انها تتاقلم مع الوضع اذا اهيا تحبه
تغض النظر عن هالشغله وتعتمد على روحهاا
وزين منه يصرف على البيت
او انها تنحاااش منه وتتقولة انت ماتصلح لي

اي والله كلامج صح :eh_s(15):

بس انا نصيحتي خليها تقول له اشكره بالويه
واذا ما غير طبعه تهده و ما يشوف شر
غيره الف

 

[bride2011]

البخيل مايتحمل اذا المره شدت عليه وطالبت بحقوقها اذا يحبها صج بيعطيها حقوقها وبيقوم بعرسها اذا رفض معناته صج بخيل والله يهديه لها

 

[زوجة عزيز]

يمكن ماعنده كان ترا عادي مافيها شي مايصير على جذي اتهده خلها تصبر

 

[.نور.]

دامها توها بالبر
ومجرد خطبه تفلها اريح لها البخيل مايتعايش معاه
بتحمل طول عمرها تعيش مع بخيل باجر لو تطلع معاه يبقول لها انتي كليتي دفعي ولا بالبيت بيقول لها اغراضج دفعي انتي
ولا بالجمعيه مثلا يقسم الاغراض وكل واحد يدفع اغراضه!!
الانسان البخيل هو شخص مريض بالبخل صعب تطلعينه من وضعه

 

[ثنايا الورد]

انا اشوف الموقف الاولي
ممكن يكون طبيعي خصوصا انه وقت زفافهم قرب
يعني احتمال محتاج للهقرشين
وخو تعرفون مصاريف العروس شقد تكلف
اما الموقف الثاني يمكن حاب تشاركه بالمصاريف
على اساس انت نص وانا نص
بس انا اقول مو عدله يعني الوحده اذا بتدفع من حالها مو اشكره يقولها ادفعي
وشي ثاني انا مااحكم على طبع شخص من مو قفين
لازم يكون عندي تكرار
للسلوك عشان احكم بأنه صفه واعمم بهذا الشي
حبيبتي انصحها تختبره ومن حقها بصراحه
لانها بتكون عشرة عمر والبخيل ماينطاق
اذا فعلا ثبت من كذا موقف بخله مررررررررررررررة صعب
وربي يعينها
وان شاء الله لا
واتمنى لها حياة سعيده كلها كرم وسخاء بدون اسراف

 

[cba girl : )]

اي والله الا البخل

الله يعينها