صديقتي خاشه عن اهلها ان الي متقدم لها اهله راعين خرابيط

[عبير النور]

استشارتني صديقتي وقلت مافيه الاانتوا تساعدونها عسى الله يكتب لكم الخير

صديقتي قبل جم شهر تقدم لها واحد متزوج وكانت متردده وايد ورفضت
صديقتها تسولف مع وحده في الماسن وقالت يبون يخطبون لحماها بنت من عائلة معروفة وحسب ونسب ورشحت لها صديقتي قالت بعطيج ايميلها وضيفها عندج
ضافتها وصارت بينهم سوالف وكانت مستعجلة على الخطبه يبون يجون يشوفونها
قالت بضيفج عندي في الفيس بوك ومنها تشوفين تفكير العايلة علشان تاخذين فكره عنهم وعن حياتهم
ضافتها وهني كانت الصدمة
العايلة وايد متحررين سوالف بين البنات والشباب ومطيحين الميانة وعندهم ديوانية لااخوه واهله يتجمعون فيها كل ليلة جمعة واغاني وطرب للصبح وبعضهم داقين وشم على زنودهم غير الصور الفاضحه في بروفايل بعض عيال عمه
صديقتي اهلها محافظين وملتزمين واهل دين وكل البنات يلبسون نقاب
عيال عم الي بيتقدم مناسبين ناس اعوذ بالله سمعتهم شينة
هو فقير وعلى قد حاله وخريج ثانوي وصديقتي اهلها يشتغلون بالتجارة وحالتها المادية وايد زينة وعائلتها حسب ونسب وهي جامعية كانت ناوية تطلع بعثة لاامريكا تدرس ماستر ودكتوراه لولا الظروف اجلت البعثة

الريال محترم ومافيه اي عيب وماله سمعة سيئة رزين وماعنده خرابيط
بتقولون شلي حادها عليه ومافيه اي توافق بينهم ؟ عمرها 28 سنة وفي قبيلتهم الي توصل لذا العمر بلازواج مايخطبها الاالمتزوج او ارمل
للحين ماقالت لااهلها مع ان اهل المتقدم حددوا يوم الخميس موعد للخطبة خايفة اهلها يرفضونه هي متمسكة فيه تقول ماعلي من اهله اهم شي اخلاقه والتزامه
وخايفه ان اذا سئلوا عنه يعرفون تاريخ عائلته

 

[عبير النور]

ننتظر ارائكم

 

[لمى الهاجري]

ماعليه من اهله المهم هو خلها تقعد معاه تساله مايصير تظنون ظن السوء يمكن رجال طيب

 

[لمى الهاجري]

وهاي تجمع بنات دشوه http://www.youtube.com/watch?v=Fnz5BWn_a5k

 

[أعشقه]

يؤ توها مو من كبرهااا
وش له تحط نفسها بها المكوقف بكرى تندم
اذا صديقتك اهلها متحرمين واخلاق وش له تاخذ واحد عائلتهم معروف عنها السمعه الي مب زينه
لو خذت منهم بتشوه حتى عائلتهااا ..
العرق دساس .. لاتقول مالي دخل باهله هو ماله بد من اهله واهله مالهم بد منه..
ولا بيتخلى عن اهله علشاانهااا ..
وبعدين عيالها لا بد بيختلطون مع عائلة زوجهااا .. ساعتها وش بتسوي بتقول ياليت وياليت
خل تقول لا اهلها ع كل شي وتحطهم في الصوره
والي له رزق بياخذه والي الله كاتبه بيصير

 

[عبير النور]

لمى الهاجري

اعشقه

مشكورين حبايبي قلبي

 

[مزاج عنزيه]

،'


الله يووفقهآ ان شاء الله ؛ صصج إهيآ مآلها شغل
بعآيلتـه بس بمجتمعنآ لآزم آلتفگير بهآلامور واهيا
عآيشه بهالمجتمع عششان جذي لآزم تعلم وگل
وگل إللي تعرفه تقوله ؛ وذيك الساعه
آلرآي رآي آهلها ، وإللي يشوفون فيه خير لهآ بيسسوونه
بس قوليلها لااتسكت . . والاستخآره مهمه بهالامر

والله يووفقهاا ويوفق آلگل يآرب . . . *








-
​

 

[Pinky -cat]

والله حبيبتي التحرر شي والسمعه المو زينة شي ثاني اذا اهوا زين ومحترم واهله زينين بعيد عن سالفة التحرر

تاخذه ليش لا بعدين اهيا اللى تقرر اذا بتقدر على سالفة المادة والفلوس او الفكر هاذا ولالا

وماحد حدها تلبس مفصخ ولا تسوي تاتوه مثلهم كل واحد يسووي اللى يشوفه صح وزين

 

[اميره1980]

تعنس احسن من ترد لاهلها مطلقة
على كلامج ان كل عايلتهم متحررين و سمعتهم مو زينة اشمعنا هو اللي زين بينهم و شلون اعرفت ان خوش ريال؟؟ هي اللي سألت عنه و لا منو ؟؟

ماكو اي توافق بين الاثنين لا بشهادة و لا بالعايلة او اي شي
لازم تفكر بالمستقبل زين قبل أي خطوة

 

[لحظآتَ]

حبيبتي شدخل أهله ؟
ليش تعاقبون كل فرد من العائلة بجرم الأم او الأبو او بعض الأخوة !
لا تنسين ان اصابع الايد الوحده مو سواء !
يعني مثلاً اذا أسرة كلها أهل دين وخوش ناس
هل يُعقل إن كل الأفراد جذيه؟ ماكو واحد او وحده طالعين عرض ..؟!
لا طبعاً أكيد كل عائلة او أسره فيهم الشين والزين .. حتى لو إنهم طالعين من بطن واحد !!!

وسبحان الله كاه انتي بنفسج تقولين ان الرجال اللي متقدم لها خوش واحد !!
يعني من رايي إنها تدعي ربها السالفه تعدي على خير وتوافق بدون تردد
مو شرط انه راضي عن المسخره اللي تصير ببيته
يمكن ناوي يتزوج ويستقر وينفصل عنهم .. ويفتك من شرهم !!!
هي بتزوجه هوو بعينه .. ماراح تتزوج أهله يعني

 

[!الجادل الصعب!]

انا آحب التكآفؤ بين الزوجين .. يعني آهلها دينين
وهو لآ متحرر و وشوم ومآدري شنو .. مآ تسوآ عليها
يقطون عليها كلمه عليها وعلى عيآلها بعدين ..!

آبعد عن الشر وغني لووو

 

[قلبي وينك]

زين اول خلهم يزورونهم بالبيت ويتعرفون عليهم ويسألون عنهم بعدين يشوفون اهلها شو يسون

 

[فطوم 84]

طبعا لا الاهل لهم دور كبير باجر. لاصرت زوجته بتصير بلاوي بتشوف سوالفهم وتلعوز وياهم ماراح تتاقلم هذا غير سمعتهم اللي باجر الكل بيتطنز علي عيالها ويغلطون عليهم لان سمعة اهلهم خايسه وشهالعايله اللي بليلة جمعه طايحيله دق ورقص استغفر الله يتجمعون علي معصيه هذا سبب بروحه يبين انه طايح حظهم الناس التكانه يتجمعون علي حب الله تتجتمع العايله علي صلاة بمسجد مو عايله تتجمع لخرابيط خل تبعد عنهم ومن ترك شييا لله عوضه الله خيرا منه "الله بيعوضها باحسن ريال اذا تركتهم والله نصيحه اخت خل تردهم ولاتفكر فيهم بالمره وحتي الريال صدقيني مثل اهله اللي متربي بهالبيت مهما مثل بيظل نفسهم خل تردهم وصدقيني الله بيرزقها بنعم ماتتخيلها بس ترده

 

[قمر بيت أبوها]

مع أحترامي لصديقتك بس عقله صغير وشلون ماعلي من اهله!!
اهلهم هم بيئته وحياته وماضيه
احنا الناس يزوجون بس علي السمعه الطيبه الفلوس ماتهمهم
وهي تبي رجال كذا عيال عمه واهله اعوذ بالله
هي ماتفكر غير بالزواج وبس خليها تفتح مخها بكره عيال يشوفون هالبلاوي وش بيصيرون
ولا بتربي عيالها بوطن غير وطن اهله
واهلها اذا ارفضوا ونعم الاهل اما اذا وافقوا الله يصبرها علي اختيارها

 

[أم خشم]

يا بنات ,, ترى العرق دساس ,,, واذا الاهل عرقهم فيهم دنس او خلل فاعيالها باجر بيطلعون عليهم ,, كل حب يطلع على بذره ,,
و بعدين اهي اشلون بتتحمل تكون ضمن عايلة هذي سوالفها,,, استغفر الله يا رب ,,
باجر بتغير و بتصير نفسهم ,,, الله الغني عن جذي عايلة ,, و الله يعوضها باللي احسن منه و, متمسكة فيه على شنو ,, من الاخلاق والا الصيت الطيب ,~,
و بعدين باجر اعيالها بتعيرون فيهم وو ترضي اعيالها يصيرون نفسهم ,,, خل تفكر فيها و لا تستعيل ولا تتهاون

 

[مهندسة الابيات]

الرسول عليه الف الصلاة والسلام قال (( تخيروا لنطفكم فان العرق دساس ))

حياتي انا معاج ان الببنت كبيرة وسن زواج بس مو معناته انه تاخذ حي الله واسم الله عليها مثقفة وما فيها شي ينعاب الله يرزقها بابن الحلال اللي يسعدها و يعوضها


وبعدين تتم ارائنا مجرد كلام ما راح يفيدها احسن حل خليها تستخير رب العباد وان شاء الله اذا صج هو زين الله بيسهل امورها

 

[om MaRyooM]

حبيبتي كل واحد على حسب معدنه وطيبة قلبه ومدى ايمانه بالله
ماله شغل اهله

مع ان الغالب ممكن يتاثر منهم
وممكن يتعب اهو وزوجته بعد الزواج لأنهم اهله ومايقدر يقطعهم


بس القرار بيدها وخل تسوي استخارة

 

[||سمّـني روحك||]

..

اذا هو ملتزم وش عليها من اهله هي بتتزوجه ماراح تتزوج عيال عمه
حتى لو كان على قد حاله عادي اهم شي اخلاقه والتزامه
خليها تستخير والله يرزقها :rerrerek:

 

[عبير النور]

فديتكم على هالردود
ماكان يبي من بنات اهله اشترط عليهم يدورون له بنت من برى العايلة اهم شرط عنده ان اهلها ملتزمين
الله يقدم الي فيه الخير

 

[جوجوو نايس]

,.

الله يستر عليهااااا..~


​