صديقة عمري ولسانها الطويل !!!

[DO3A2]

السلام عليكم يا اخواتي ...

عندى مشكله مع وحده من صديقاتى ... ومانى عارفه اتعامل معاها ...
بالبدايه صديقتى هذى من مرحله الطفوله الى الان وانا اعزها معزه خاصه
ومن عيوبها انها شويه سليطه اللسان يعنى سبحان الله من تقعد فى مكان لابد انها تكسب اكبر عدد من العداوات
مشكلتى معاها منسنين وغلطتى انى سكت لها ...
وفى هالفتره زادت لدرجه لا تطاق ...
بعطيكم مثال ... هي من عايله وياريتها معروفه ( اصيله ) ودايما تعيب على اللى مو اصيليين
وانا مو اصيله ... ووالله العظيم يابنات انى انصدم من كلامها وماعرف ارد ... ومرات اقول يمكن زلت لسان يمكن ناسيه ... لما ايي انصحها اتفاجأ فيها ترد على رد وقح ( كيفى ) !!!
مرات تمسكنى منيه ودرب وتعيب على ملابسي او ستايلي وانا ماطلبت رايها !!!
بنات مانى عارفه اشلون اوقفها عند حدها وبنفس الوقت مابى اخسرها....
وبصراحه بنات اناعمري ماشفت نفسي عليها بس والله بلا غرور ... انا احسن منهابكل شى واهيا شايفه روحها بأصلها !!!
يابنات والله الكلام اللى تقوله عيب والله عيب ... ومحد يتكلم فيه ... بس مادرى اشفيها ؟؟ وانا ماتعودت اطول لسانى والا ارادد ؟؟ وتخيلو خففت علاقتي فيها وضحت لها فتره انه اسلوبهابايخ بس ماتعمقت بالموضوع ... وفيهاغرور خيالي بس تمشي وتمدح بنفسها واناعارفه البير وغطاه ...

علموني شلون اوقفها عند حدها ؟؟؟

 

[softlady]

والله سوري بس بقولج اشتبين فيها دام هذه اخلاقها

لاتقولين رفيجتي

هذه ما تتعاشر

انا دايما احط نفسي مكان الطرف الثاني الي يكون لو حتى ريلج وحده من اهلج مورفيجه بعد

الي ما يخاف على عشرتي شلي معججه فيه


هذه تقث ولا اهي تاخذ بخاطرج ومغروره وين الصداقه عيل ؟؟

 

[DO3A2]

صحيح كلامك اختى لازم اعيد التفكير بطريقتها

 

[lady-me]

>>>>هذه تقث ولا اهي تاخذ بخاطرج ومغروره وين الصداقه عيل ؟؟
انا مع الاخت

الله يعييينج

بس انا اقولج انا مريت بنفس موقفج وعادي خليت البنت على هواها على بنه صديقة عمر
بس للاسف عقب ما ظليت معاها فوق ال10 سنين ما استحملت صرت اسكتها واوقفها عند حدها
وزاااد حيل لسانها وحركاتها وهديتها
يعني اقولج فكي عمرج من الحين

 

[Do I Care]

رد : صديقة عمري ولسانها الطويل !!!

امبي شكلج تتحجين عن البنت اللي ببالي @@
انا نفسج واعرف هالنوعيه
بس شنقول انك لن تهدي من احببت ولكن الله يهدي من يشاء

 

[ستروبريه]

حبيبتي شهالحجي شنو اصيله ومواصيله كلنا عيال حوا وادم هذا الكلام حرام الواحد باعماله واخلاقه مو بعايلته وهالاشكال البعد عنهم غنيمه مسكيها بالهداوه وارشديها ووجهيها باخطاءها يمكن مو حاسه بنفسها او عبالها انها يعني زقرت وشخصيه اللله يهديها

 

[ToOoTi]

ليش صابرة عليها
شاللي حادج !!!!!!!
عيدي التفكير من قلب

 

[مارغريتا]

شوفي دامج تعزينها وماتبين تخسرينها
اول قطي نغزات بضحكه ووقفيها عند حدها ولا تستحين ولا شي واذا ردت عليج ردي عليها بس خليه كله بضحك
كلنا بشر كلنا مثل مثل
واذا زعلت مو خساره اذا هذي اسلوبها تعرفيلج على ناس جدد
واصلا هالزمن يبيله تخلين علاقاتج كله سطحيه !

 

[حجيه هيونه]

اذا بس عيبها لسانها طويل حاولي تكتبين لها مسج او ايميل الي بقلبج

اذا فيها عيوب ثانيه ابعدي عنها واشتري راحة بالج

 

[زهراء الركابي]

رد : صديقة عمري ولسانها الطويل !!!

شلج بدوخة الراس هذي ............... قولي لهاا عيوبها وخلج صريحه

 

[Cander]

هذي عندها جنون العظمة

لا تتعبين اعصابج معاها وتركيها عنج

الدنيا مو واقفة عليها الحمد لله

 

[جوجي البنوته]

رد : صديقة عمري ولسانها الطويل !!!

هاذي ماخذة مقلب مع نفسها

رفيجتج لما تعيب عليج عيبي عليها

ههههههههههههههههه

يبى عامليها بأسلوبها


وصدقيني رااح تشووف انج صرتي مثلها شايفه نفسها راااح تغير من طبعها


باااااااااااااااااااااااااايووووووووووووووووو بيبي

 

[مملوحه السهول]

رد : صديقة عمري ولسانها الطويل !!!

طراق يطيرها هي ويا شكلها
شنو ما تبين تخسرينها تولي
كل هالكلام وماتبين تخسرينها
انتي شكلج مو عوبه حبيبتي
ان لما تكن ذئب اكلتك الذئاب
خلج شوي ثقيله مو تعايرج وتردين لها ...

 

[Queen_Angel]

انا اقوول فكي عمرج من الحين شلج بعواار الراااس,,

 

[أحبه موت]

حبيبتي هالفئة الي تسوي جذي فيها نقص وتحس ابفرااااغ داخلي فا شتسوي اذا شافت احد احسن منها اتعيب عليه وتتطنز هالفئة مايحبون يشوفون غيرهم احسن منهم
ما اقدر اقولج قطعي علاقتج فيها لأن الي بينكم عشرة عمر
بس حاولي تقعدين معاها قعده جدية وتنادينها بخصوص هالموضوع دقي عليها قوليلها عندي موضوع وابي اكلمج فيه ولمن تيي قوليلها شوفي انتي رفيجتي واخت دنيا بالنسبة لي ولوما احبج واعزج وما ابي اخسرج ماقتلج هالكلام قوليلها انتي وايد تجرحيني بكلامج الي تقطينه علي ولسانج صاير حيل طويل عالكل وماتحترمين احد وضحيليها وجهة نظرج بإسلوب حلو
واذا تبي صاحبك دوم حاسبه كل يوم

 

[صدى الوحدانية]

مو مسسسستعده ابقى مع وحدة طبعهـأ خايس


زوجي هي عشان أصبر عليها ؟؟ يووبـأأ أفتكي منهـأأ ترى المرء ع دين خليلهـ >> باجر الناس يشوفونج رفيجتهـأ وحسبالهم طبعج مثل طبعهـأ
ووويتحااشونج !؟

 

[ستروبريه]

انا مع صدى الوحدانيه
الصوره اللي حاطتها تقطع القلب

 

[اميرة-الاحجار]

عادي انا بنت عمي ورابيه معاها فبيت واحد ودارس معاها من الروضه لي الثانويه بنفس المدارس وتسوي اخس من ارفيجتج
ووخرت عنها الصرحه لاني ماحب احتك بهالنوعيه من الناس

 

[Tom ♥ Jerry]

.


شنو يعني اصيله و لا مو اصيله !
الاصل بالاخلاق مو باللبس ..
و أنتي تاج على رآسها غصبن عليها و وريها هالكلآم
و أنتي الاصيله بأخلاققققققج و أدبببببببج !

.

 

[MoonDiamond]

حبيبتي هالفئة الي تسوي جذي فيها نقص وتحس ابفرااااغ داخلي فا شتسوي اذا شافت احد احسن منها اتعيب عليه وتتطنز هالفئة مايحبون يشوفون غيرهم احسن منهم
ما اقدر اقولج قطعي علاقتج فيها لأن الي بينكم عشرة عمر
بس حاولي تقعدين معاها قعده جدية وتنادينها بخصوص هالموضوع دقي عليها قوليلها عندي موضوع وابي اكلمج فيه ولمن تيي قوليلها شوفي انتي رفيجتي واخت دنيا بالنسبة لي ولوما احبج واعزج وما ابي اخسرج ماقتلج هالكلام قوليلها انتي وايد تجرحيني بكلامج الي تقطينه علي ولسانج صاير حيل طويل عالكل وماتحترمين احد وضحيليها وجهة نظرج بإسلوب حلو
واذا تبي صاحبك دوم حاسبه كل يوم

:blueSmCLR:
مافي الا هالطريقه
اذا انتي تبينها وتبينها تعدل اسلوبها